ຝຣັ່ງ ຮັບຮອງ​ກົດໝາຍ​ວ່າ​ດ້ວຍ​ພາສີ​ກັບ​ບັນດາ​ບໍລິສັດ​ຂະໜາດ​ໃຫຍ່​ດ້ານ​ເຕັກ​ໂນ​ໂລ​ຊີ

237 15 ກ.ລ. 2019 ຂ່າວຕ່າງປະເທດ
ຝຣັ່ງ ຮັບຮອງ​ກົດໝາຍ​ວ່າ​ດ້ວຍ​ພາສີ​ກັບ​ບັນດາ​ບໍລິສັດ​ຂະໜາດ​ໃຫຍ່​ດ້ານ​ເຕັກ​ໂນ​ໂລ​ຊີ

   ເມື່ອ​ວັນ​ທີ 11 ກໍລະກົດ​ທີ່​ຜ່ານ​ມາ ສະພາ​ສູງ​ຝຣັ່ງ ໄດ້​ຮັບຮອງ​ກົດໝາຍ​ວ່າ​ດ້ວຍ​ພາສີ ສຳລັບ​ບັນດາ​ບໍລິສັດ​ຂະໜາດ​ໃຫຍ່​ດ້ານ​ເຕັກ​ໂນ​ໂລ​ຊີ ທີ່​ອາດ​ເປັນ​ການ​ເປີດ​ບັ້ນ​ຮົບ​ໃໝ່​ດ້ານ​ການ​ຄ້າ ລະຫວ່າງ ສ ອາ​ເມ​ຣິ​ກາ ກັບ​ສະຫະພາບ​ເອີ​ຣົບ (EU).

    ກົດໝາຍ​ໃໝ່​ດັ່່ງ​ກ່າວ ຈະ​ນຳ​ໃຊ້​ລະດັບ​ພາສີ 3% ກັບ​ລາຍ​ຮັບ​ຈາກ​ການ​ບໍລິການ​ຕ່າງໆ​ທາງ​ດ້ານ​ດີ​ຈີ​ຕາ​​ລ ທີ່​ຫາ​ມາ​ໄດ້​ຢູ່​ໃນ​ຝຣັ່ງ ຂອງ​ບັນດາ​ບໍລິສັດ​ທີ່​ມີ​ລາຍ​ຮັບ​ຫຼາຍ​ກວ່າ 25 ລ້ານ​ເອີ​ໂຣ ໃນ​ຝຣັ່ງ ແລະ  750 ລ້ານ​ເອີ​ໂຣ (ເທົ່າ​ກັບ 845 ລ້ານ​ໂດ​ລາ​ສະຫະລັດ) ໃນ​ທົ່ວ​ໂລກ.

    ກ່ອນ​ໜ້າ​ນັ້ນ ເມື່ອ​ວັນ​ທີ 10 ກໍລະກົດ​ທີ່​ຜ່ານ​ມາ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ໄດ້​ອອກ​ຄຳ​ສັ່ງ​ໃຫ້​ດຳເນີນ​ການ​ສືບສວນ​ສອບ​ສວນ ກ່ຽວ​ກັບ​ກົດໝາຍ​ວ່າ​ດ້ວຍ​ພາສີ ດີ​ຈີ​ຕອນ ຂອງ​ຝຣັ່ງ ຊຶ່ງ​ເປັນ​ບາດກ້າວ​ໜຶ່ງ ທີ່​ອາດ​ນຳໄປ​ສູ່​ການ​ທີ່ ສ ອາ​ເມ​ຣິ​ກາ ປະຕິບັດ​ພາສີ​ໃໝ່ ຫຼື​ຈຳກັດ​ການ​ຄ້າ​ອື່ນໆ.

ຂ່າວທີ່ກ່ຽວຂ້ອງ