ໄພ​ທຳ​ມະ​ຊາດ​ຢູ່​ໃນ ສ ອາ​ເມ​ຣິ​ກາ ແລະ ເກ​​ັຣກ

114 12 ກ.ລ. 2019 ຂ່າວຕ່າງປະເທດ
ໄພ​ທຳ​ມະ​ຊາດ​ຢູ່​ໃນ ສ ອາ​ເມ​ຣິ​ກາ ແລະ ເກ​​ັຣກ

    ທີ່ ສ ອາ​ເມ​ຣິ​ກາ: ທ່ານ ຈອນ ເບລ ເອດ​ເວີດ ຜູ້​ວ່າການ​ລັດ ລູຍ​ເຊຍ​ນາ ຂອງ ສ ອາ​ເມ​ຣິ​ກາ ໄດ້​ປະກາດ​ພາວະ​ສຸກ​ເສີນ​ກ່ຽວ​ກັບ​ໄພ​ທຳ​ມະ​ຊາດ ອອກ​ມາ​ເມື່ອ​ວັນ​ທີ 10 ກໍລະກົດ​ນີ້ ຈາກ​ການ​ທີ່​ມີ​ການ​ພະຍາກອນ​ວ່າ​ພາຍຸ​ຝົນ​ຮ້າຍ​ແຮງ ໃກ້​ຈະ​ພັດ​ເຂົ້າ​ສູ່​ລັດ​ດັ່ງກ່າວ ຊຶ່ງ​ຕັ້ງ​ຢູ່​ພາກ​ໃຕ້ ສ ອາ​ເມ​ຣິ​ກາ.

     ທ່ານ ເອດ​ເວີດ ເວົ້າ​ວ່າ ມີ​ຄວາມ​ເປັນ​ໄປ​ໄດ້​ຫຼາຍ ທີ່​ຄວາມ​ກົດ​ດັນ​ອາກາດ​ຕ່ຳ ຢູ່​ໃນ​ເຂດ​ອ່າວ​ເມັກ​ຊິກ ຈະ​ແຮງ​ຂຶ້ນ ກາຍເປັນ​ພາຍຸ ເຮັດ​ໃຫ້​ເກີດ​ຝົນຕົກ​ໜັກ ແລະ ປະລິມານ​ນ້ຳ​ຝົນ​ອາດ​ສູງ​ກວ່າ 300​ມມ ໃນ​ທົ່ວ​ລັດ ລູຍ​ເຊຍ​ນາ.

     ທີ່​ປະເທດ​ເກ​​ັຣກ: ມີ​ນັກ​ທ່ອງ​ທ່ຽວ​ເສຍ​ຊີວິດ​ຢ່າງ​ໜ້ອຍ 5 ຄົນ ເມື່ອ​ມີ​ພາຍຸ​ເລີ່ມ​ພັດ​ເຂົ້າ​ເຂດ​ທາງ​ທິດເໜືອ​ປະເທດ​ເກ​​ັຣກ ເມື່ອ​ຄ່ຳ​ຄືນ​ຂອງ​ວັນ​ທີ 10 ກໍລະກົດ​ນີ້. ຂໍ້​ມູນ​ໃໝ່​ຫຼ້າ​ສຸດ​ຈາກ​ຕຳຫຼວດ ໃຫ້​ຮູ້​ວ່າ ບັນດາ​ຜູ້​ໄດ້​ຮັບ​ເຄາະ​ຮ້າຍ​ດັ່ງກ່າວ ໄດ້​ຮັບ​ການ​ກຳນົດ​ວ່າ​ເປັນ​ຄູ່​ຜົວ​ເມຍ​ຊາວ​ເຊັກ ແລະ ພໍ່​ກັບ​ລູກ​ຊາວ​ຣັດ​ເຊຍ ລວມ​ເຖິງ​ແມ່ຍິງ​ຊາວ​ຣູ​ມາ​ນີ 1 ຄົນ.

ຂ່າວທີ່ກ່ຽວຂ້ອງ