ຂ່າວຫຼ້າສຸດ

ໄຂ້ຫວັດໃຫຍ່​ສາຍ​ພັນ H1N1 ເຮັດ​ໃຫ້​ມີ​ຜູ້​ເສຍ​ຊີວິດ​ຫຼາຍ​ສິບ​ຄົນ​ຢູ່​ມຽນ​ມາ

194 12 ກ.ລ. 2019 ຂ່າວຕ່າງປະເທດ
ໄຂ້ຫວັດໃຫຍ່​ສາຍ​ພັນ H1N1 ເຮັດ​ໃຫ້​ມີ​ຜູ້​ເສຍ​ຊີວິດ​ຫຼາຍ​ສິບ​ຄົນ​ຢູ່​ມຽນ​ມາ

    ຂໍ້​ມູນ​ຫຼ້າ​ສຸດ​ທີ່​ເປີດເຜີຍ​ໂດຍ​ກະຊວງ​ສາທາລະນະ​ສຸກ ແລະ ກິລາ​ມຽນ​ມາ ໃຫ້​ຮູ້​ວ່າ ນັບ​ແຕ່​ເດືອນ​ມິຖຸນາ​ປີ​ນີ້​ເປັນຕົ້ນ​ມາ ຢູ່​ທົ່ວ​ປະເທດ​ມຽນ​ມາ ໄດ້​ມີ 180 ຄົນ​ຖືກ​ບົ່ງມະຕິ​ວ່າ​ຕິດເຊື້ອ​ພະຍາດ​ໄຂ້ຫວັດໃຫຍ່​ສາຍ​ພັນ H1N1 ໃນ​ນັ້ນ ມີ​ຜູ້​ເສຍ​ຊີວິດ​ແລ້ວ 31 ຄົນ.

    ກະຊວງ​ສາທາລະນະ​ສຸກ ແລະ ກິລາ ຂອງ​ມຽນ​ມາ ແຈ້ງ​ໃຫ້​ວ່າ ພະຍາດ​ໄຂ້ຫວັດໃຫຍ່ ສາຍ​ພັນ H1N1 ໄດ້​ແຜ່​ລະບາດ​ໄປ​ຫຼາຍ​ແຂວງ ແລະ ລັດ​ຂອງ​ມຽນ​ມາ ນັບ​ແຕ່​ວັນ​ທີ 1 ມິຖຸນາ ຮອດ​ວັນ​ທີ 9 ກໍລະກົດ​ຜ່ານ​ມາ ລວມ​ທັງ​ໝົດ​ແລ້ວ ຕາມ​ການ​ລາຍ​ງານ​ວ່າ​ມີ​ຜູ້​ຕິດພະຍາດ​ດັ່ງກ່າວ 180 ຄົນ ໃນ​ນັ້ນ ຄົນ​ເຈັບ​ຢູ່​ແຂວງ​ຢາງ​ກຸງ ຫຼາຍ​ທີ່​ສຸດ ຊຶ່ງ​ມີ​ເຖິງ 108 ຄົນ ໃນ​ນັ້ນ ເສຍ​ຊີວິດ 25 ຄົນ.

ຂ່າວທີ່ກ່ຽວຂ້ອງ