ນູ​ແວນ ເຊ​ລັງ​ນຳ​ສະເໜີ​ການ​ອູດ​ໜູນ​ລາຄາ​ໃຫ້​ແກ່​ລົດ​ທີ່​ໃຊ້​ພະລັງງານ​ສີຂຽວ

183 12 ກ.ລ. 2019 ຂ່າວຕ່າງປະເທດ
ນູ​ແວນ ເຊ​ລັງ​ນຳ​ສະເໜີ​ການ​ອູດ​ໜູນ​ລາຄາ​ໃຫ້​ແກ່​ລົດ​ທີ່​ໃຊ້​ພະລັງງານ​ສີຂຽວ

   ເມື່ອ​ບໍ່​ດົນ​ມາ​ນີ້ ລັດຖະບານ ນູ​ແວນ ເຊ​ລັງ ໄດ້​ນຳ​ສະເໜີ​ການ​ອູດ​ໜູນ​ລາຄາ​ໃຫ້​ແກ່​ລົດຍົນ hybrid (ລົດ​ທີ່​ແລ່ນ​ດ້ວຍ​ໄຟຟ້າ ແລະ ແອັດ​ຊັງ) ລົດ​ທີ່​ແລ່ນ​ດ້ວຍ​ໄຟຟ້າ ຫຼື​ປະຢັດ​ເຊື້ອ​ໄຟ. ມາດ​ຕະການ​ນີ້​ຈະ​ເປັນ​ການ​ຊ່ວຍເຫຼືອ​ຜູ້​ບໍລິໂພກ ຫຼຸດຜ່ອນ​ການ​ຊັ່ງຊາ​ໃນ​ເມື່ອ​ຫັນ​ໄປ​ສູ່​ບັນດາ “ພາຫະນະ​ສີຂຽວ” ໂດຍ​ຜ່ານ​ນັ້ນ​ກໍ​ເປັນ​ການ​ປະກອບສ່ວນ​ເຂົ້າ​ໃນ​ການ​ຕໍ່ຕ້ານ​ກັບ​ສະພາບ​ດິນ​ຟ້າ​ອາກາດ​ປ່ຽນແປງ.

     ລັດຖະບານ ນູ​ແວນ ເຊ​ລັງ ຍັງ​ມີ​ແຜນການ​ປະຕິບັດ​ບ້ວງ​ຄ່າ​ທຳນຽມ​ເຖິງ 2.010 ໂດ​ລາ​ສະຫະລັດ ຕໍ່​ບັນດາ​ພະ​ຫະ​ນະ​ທີ່​ກໍ່ໃຫ້ເກີດ​ມົນ​ລະ​ພິດ​ສູງ ເມື່ອ​ພວກ​ມັນ​ຖືກ​ຂາຍ​ເປັນ​ເທື່ອ​ທຳ​ອິດ​ຢູ່​ໃນ​ປະເທດ​ນີ້. ໃນ​ຂະນະ​ດຽວ​ກັນ ລະດັບ​ຄ່າ​ໃຊ້​ຈ່າຍ​ໃນ​ການ​ອູດ​ໜູນ​ໃຫ້​ແກ່​ຜູ້​ທີ່​ຊື້​ລົດໄຟ​ຟ້າ ແລະ ລົດ  hybrid ມີ​ເຖິງ 5.360 ໂດ​ລາ​ສະຫະລັດ.

    ທ່ານ​ນາງ ຈູ​ລີ ແອນ ເກນ​ເຕີ ລັດຖະມົນຕີ​ຄົມມະນາຄົມ ຂົນສົ່ງ ຂອງ​ນູ​ແວນ ເຊ​ລັງ ເວົ້າ​ວ່າ  ການ​ນຳ​ສະເໜີ​ຂອງ​ລັດຖະບານ​ນັ້ນ ຈະ​ໄດ້​ນຳໄປ​ສູ່​ການ​ຖາມ​ຄວາມ​ເຫັນ​ນຳ​ປະຊາຊົນ ພາຍ​ໃນ​ເວລາ 6 ອາທິດ ກ່ອນ​ທີ່​ສະພາ​ແຫ່ງ​ຊາດ​ຈະ​ຮັບຮອງ ເພື່ອ​ປະກາດ​ໃຊ້​ເປັນ​ກົດໝາຍ. ຄາດ​ວ່າ ຖ້າ​ຫາກ​ນຳ​ໃຊ້​ການ​ນຳ​ສະເໜີ​ໃໝ່​ນັ້ນ ນູ​ແວນ ເຊ​ລັງ ຈະ​ຫຼຸດຜ່ອນ​ການ​ປ່ອຍ​ແກ​​ັສ ທີ່​ພາໃຫ້​ເກີດ​ມົນ​ລະ​ພິດ​ຕໍ່​ສິ່ງແວດລ້ອມ​ລົງ ກວ່າ 5 ລ້ານ​ໂຕນ ພ້ອມ​ກັນ​ນັ້ນ​ກໍ​ປະຢັດ​ເງິນ​ຄ່າ​ເຊື້ອ​ໄຟ​ໄດ້​ປະມານ 2,25 ຕື້​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ