ດັດ​ສະ​ນີ​ການ​ຜະລິດ​ດ້ານ​ອຸດສາຫະກຳ​ຂອງ​ຫວຽດນາມ ເພີ່ມ​ຂຶ້ນ

165 12 ກ.ລ. 2019 ຂ່າວຕ່າງປະເທດ
ດັດ​ສະ​ນີ​ການ​ຜະລິດ​ດ້ານ​ອຸດສາຫະກຳ​ຂອງ​ຫວຽດນາມ ເພີ່ມ​ຂຶ້ນ

   ຂ່າວສານ​ຫວຽດນາມ ລາຍ​ງານ​ວ່າ ທ່ານ ໂດ້​ຖັງ​ຫາຍ ຮອງ​ລັດຖະມົນຕີ​ກະຊວງ​ອຸດສາຫະກຳ ການ​ຄ້າ​ຫວຽດນາມ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ໃນ​ເຄິ່ງ​ຕົ້ນ​ປີ 2019 ນີ້ ມູນ​ຄ່າ​ເພີ່ມ​ໃນ​ຂະແໜງ​ອຸດສາຫະກຳ​ຫວຽດນາມ ຄາດ​ວ່າ​ເພີ່ມ​ຂຶ້ນ  9,13% ນັບ​ວ່າ​ເກີນ​ຄາດໝາຍ​ຄວາມ​ເຕີບ​ໂຕ ທີ່​ວາງ​ອອກ​ມາ 9,09%.

    ຕົວ​ແທນ​ຂອງ​ກະຊວງ​ອຸດສາຫະກຳ ການ​ຄ້າ​ຫວຽດນາມ ໃຫ້​ຮູ້​ວ່າ ດັດ​ສະ​ນີ​ການ​ຜະລິດ​ທາງ​ດ້ານ​ອຸດສາຫະກຳ ທີ່​ຮັກສາ​ລະດັບ​ຄ່ອຍໆ​ເພີ່ມ​ຂຶ້ນ​ເດືອນ​ຕໍ່​ເດືອນ ໄດ້​ເປັນ​ການ​ປະກອບສ່ວນ​ຢ່າງ​ຕັ້ງໜ້າ ໃຫ້​ແກ່​ການ​ພັດທະນາ​ລວມ​ຂອງ​ພື້ນຖານ​ເສດຖະກິດ.

     ໃນ​ນັ້ນ ໃນ​ເດືອນ​ມັງກອນ 2019 ດັດ​ສະ​ນີ​ການ​ຜະລິດ​ທາງ​ດ້ານ​ອຸດສາຫະກຳ​ຂອງ​ຫວຽດນາມ ເພີ່ມ​ຂຶ້ນ 7,9% ແລະ ຫຼັງ​ຈາກ 2 ເດືອນ​ເພີ່ມ​ຂຶ້ນ 9,2%; 3 ເດືອນ​ເພີ່ມ​ຂຶ້ນ 9,2%; ລະດັບ​ເພີ່ມ​ຂຶ້ນ​ໃນ 4 ເດືອນ​ຢູ່​ທີ່ 9,1% ແລະ  5 ເດືອນ​ເພີ່ມ​ຂຶ້ນ 9,5%. ເມື່ອ​ໄລ່​ລວມ​ໃນ 6 ເດືອນ​ຕົ້ນ​ປີ 2019 ດັດ​ສະ​ນີ​ການ​ຜະລິດ​ທົ່ວ​ຂະແໜງການ​ອຸດສາຫະກຳ​ຂອງ​ຫວຽດນາມ ເພີ່ມ​ຂຶ້ນ  9,5% ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ​ປີ 2018.

ຂ່າວທີ່ກ່ຽວຂ້ອງ