ລາວເວີນ ສືບຕໍ່ຊຸກຍູ້ແລ່ນ-ລານຄົນພິການລາວ

139 12 ກ.ລ. 2019 ວົງຈອນກີລາ
ລາວເວີນ ສືບຕໍ່ຊຸກຍູ້ແລ່ນ-ລານຄົນພິການລາວ

    ບໍ­ລິ­ສັດ​ລາວ​ເວີນ​ມະ­ຫາ­ຊົນ ແລະ ຮ້ານ​ອາ­ຫານ 3434 ສືບ­ຕໍ່​ສະ­ໜັບ­ສະ­ໜູນ​ເຄື່ອງ­ໃຊ້ ອາ­ຫານ​ເສີມ ແລະ ເຄື່ອງ​ກີ­ລາ ມູນ​ຄ່າ 4.446.000 ກີບ ໃຫ້​ທັບ​ນັກ­ກີ­ລາ​ແລ່ນ-ລານ​ຄົນ​ພິ­ການ​ທີມ​ຊາດ​ລາວ ວັນ​ທີ 9 ກໍ­ລະ­ກົດ 2019 ຢູ່​ສະ­ໜາມ​ກີ­ລາ​ເຈົ້າ​ອາ​ນຸ​ວົງ.

    ເຄື່ອງ​ນຳ​ມາ​ມອບ​ຄັ້ງ​ນີ້ ປະ­ກອບ​ມີ​ຜ້າ­ຫົ່ມ ພັດ​ລົມ ມຸ້ງ ຕູ້­ເຢັນ ຊຸດ​ກີ­ລາ ແລະ ອາ­ຫານ​ເສີມ​ຈຳ­ນວນ​ໜຶ່ງ ເພື່ອ​ຊຸກ­ຍູ້​ໃຫ້​ນັກ­ກີ­ລາ​ແລ່ນ-ລານ​ຄົນ​ພິ­ການ​ລາວ ເຂົ້າ​ສູນ​ເກັບ​ຕົວ​ກຽມ​ເຂົ້າ​ຮ່ວມ​ແຂ່ງ­ຂັນ​ຕ່າງໆ​ທີ່​ຈະ​ມາ​ເຖິງ ເຊິ່ງ​ມອບ​ໂດຍ​ທ່ານ ສີ​ບຸນ​ທຳ ສີ​ບຸນ​ມີ ຜູ້­ອຳ­ນວຍ­ການ​ບໍ­ລິ­ສັດ ລາວ​ເວີນ ມະ­ຫາ­ຊົນ ແລະ ຮັບ​ໂດຍ​ທ່ານ ທອງ​ສະ​ຫວັດ ປະ­ທານ​ສະ­ຫະ­ພັນ​ກີ­ລາ​ແລ່ນ-ລານ​ຄົນ​ພິ­ການ​ທີມ​ຊາດ​ລາວ ໂດຍ​ມີ​ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ສຳ­ລັບ​ການ​ເຝິກ­ຊ້ອມ​ຂອງ​ນັກ­ກີ­ລາ​ຄົນ​ພິ­ການ​ລາວ ປັດ­ຈຸ­ບັນ​ແມ່ນ​ກະ­ກຽມ​ເດີນ­ທາງ​ໄປ​ເກັບ​ຕົວ​ເຝິກ­ຊ້ອມ​ຢູ່​ປະ­ເທດ​ຍີ່­ປຸ່ນ ພ້ອມ​ທັງ​ເຂົ້າ​ຮ່ວມ​ແຂ່ງ­ຂັນ​ແລ່ນ-ລານ ຍີ່­ປຸ່ນ ໂອ​ເພັນ ໃນ​ທ້າຍ​ເດືອນ​ກໍ­ລະ­ກົດ ຈະ​ເຖິງ​ນີ້.

ຂ່າວທີ່ກ່ຽວຂ້ອງ