ສ ເກົາ­ຫຼີ ລົງ­ທຶນ​ກໍ່­ສ້າງ​ນະ­ຄອນ​ສະ­ມາດ​ຢູ່​ຕ່າງ­ປະ­ເທດ

155 11 ກ.ລ. 2019 ຂ່າວຕ່າງປະເທດ
ສ ເກົາ­ຫຼີ ລົງ­ທຶນ​ກໍ່­ສ້າງ​ນະ­ຄອນ​ສະ­ມາດ​ຢູ່​ຕ່າງ­ປະ­ເທດ

   ກະ­ຊວງ​ທີ່​ດິນ ພື້ນ­ຖານ​ໂຄງ​ລ່າງ ແລະ ຄົມ­ມະ­ນາ­ຄົມ ຂອງ ສ ເກົາ­ຫຼີ ແຈ້ງ​ໃຫ້​ຮູ້­ເມື່ອ​ວັນ​ທີ 8 ກໍ­ລະ­ກົດ​ນີ້​ວ່າ ສ ເກົາ­ຫຼີ ຈະ​ລົງ­ທຶນ 500 ຕື້​ວອນ (ເທົ່າ​ກັບ 425 ລ້ານ​ໂດ​ລາ​ສະ­ຫະ­ລັດ) ໃຫ້​ແກ່​ໂຄງ­ການ​ກໍ່­ສ້າງ​ນະ­ຄອນ​ສະ­ມາດ​ຢູ່​ຕ່າງ­ປະ­ເທດ ໂດຍ​ແມ່ນ​ບັນ­ດາ​ບໍ­ລິ­ສັດ​ຂອງ ສ ເກົາ­ຫຼີ ເປັນ​ຜູ້​ກໍ່­ສ້າງ ທ່າມ­ກາງ​ທີ່ ສ ເກົາ­ຫຼີ ຊອກ​ຫາ​ວິ­ທີ ນຳ​ເອົາ​ບັນ­ດາ​ນະ­ຄອນ​ສະ­ມາດ ໃຫ້​ເປັນ​ກຳ­ລັງ​ແຮງ​ໃນ​ຄວາມ​ເຕີບ​ໂຕ​ໃນ​ອະ­ນາ­ຄົດ.

    ກະ­ຊວງ​ດັ່ງ­ກ່າວ​ໃຫ້​ຮູ້​ວ່າ ຈະ​ຮ່ວມ​ມື​ກັບ​ບັນ­ດາ​ກອງ​ທຶນ​ບຳ­ນານ​ຢູ່​ໃນ ສ ເກົາ­ຫຼີ ແລະ ບັນ­ດາ​ນັກ​ລົງ­ທຶນ​ພາກ​ເອ­ກະ​ຊົນ ເພື່ອ​ສ້າງ­ຕັ້ງ​ກອງ​ທຶນ​ການ​ລົງ­ທຶນ​ກໍ່­ສ້າງ​ໂຮງ­ງານ ພື້ນ­ຖານ​ໂຄງ​ລ່າງ ແລະ ນະ­ຄອນ​ສະ­ມາດ​ໃນ​ທົ່ວ​ໂລກ ທີ່​ມີ​ມູນ​ຄ່າ​ເຖິງ 1.500 ຕື້​ວອນ ພາຍ​ໃນ​ເດືອນ​ທັນ­ວາ​ໜ້າ​ນີ້. ກະ­ຊວງ​ດັ່ງ­ກ່າວ​ກໍ​ມີ​ແຜນ­ການ​ນຳ​ໃຊ້ 500 ຕື້​ວອນ ຈາກ​ກອງ​ທຶນ​ດັ່ງ­ກ່າວ ເພື່ອ​ລົງ­ທຶນ​ກໍ່­ສ້າງ​ນະ­ຄອນ​ສະ­ມາດ ຢູ່​ຕ່າງ­ປະ­ເທດ.

    ສ ເກົາ­ຫຼີ ວາງ​ຄາດ­ໝາຍ​ໃຫ້​ຊະ­ນະ​ການ​ປະ­ມູນ​ໂຄງ­ການ​ກໍ່­ສ້າງ​ນະ­ຄອນ​ສະ­ມາດ ຢູ່​ໃນ​ກູ​ເວດ ໃນ​ເມື່ອ​ຂະ​ບວນ​ການ​ປະ­ມູນ ຈະ​ເລີ່ມ​ຂຶ້ນ​ໃນ​ເຄິ່ງ​ຕົ້ນ​ປີ 2020.

ຂ່າວທີ່ກ່ຽວຂ້ອງ