ກຳ­ປູ­ເຈຍ​ ຈະ​ນຳ​ໃຊ້​ມາດ​ຕະ­ການ​ເພື່ອ​ຮັບ​ມື​ກັບ​ພະ­ຍາດ​ອະ­ຫິ​ວາ​ໝູ​ສາຍ​ພັນ​ອາ​ຟ​ຣິ​ກາ

175 11 ກ.ລ. 2019 ຂ່າວຕ່າງປະເທດ
ກຳ­ປູ­ເຈຍ​ ຈະ​ນຳ​ໃຊ້​ມາດ​ຕະ­ການ​ເພື່ອ​ຮັບ​ມື​ກັບ​ພະ­ຍາດ​ອະ­ຫິ​ວາ​ໝູ​ສາຍ​ພັນ​ອາ​ຟ​ຣິ​ກາ

   ລັດ­ຖະ­ມົນ­ຕີ​ກະ­ຊວງ​ກະ­ສິ­ກຳ ປ່າ­ໄມ້ ແລະ ການ​ປະ­ມົງ​ກຳ­ປູ­ເຈຍ ໄດ້​ສົ່ງ​ຄຳ​ສັ່ງ​ເຖິງ​ເຈົ້າ­ແຂວງ​ແຂວງ​ສະ​ແກ້ວ​ໃນ​ວັນ​ທີ 8 ກໍ­ລະ­ກົດ​ນີ້ ເພື່ອ​ໃຫ້​ນຳ​ໃຊ້​ມາດ​ຕະ­ການ​ສະ­ກັດ​ກັ້ນ​ການ​ແຜ່​ລະ­ບາດ​ຂອງ​ພະ­ຍາດ​ອະ­ຫິ​ວາ​ໝູ​ສາຍ​ພັນ​ອາ​ຟະ​ຣິກ​ກາ.

    ໃນ​ຄຳ​ສັ່ງ​ດັ່ງ­ກ່າວ​ໄດ້​ຊີ້​ອອກ​ວ່າ ໃນ​ໄລ­ຍະ​ຜ່ານ​ມາ ກົມ​ສັດ­ຕະ­ວະ­ແພດ​ແຫ່ງ​ຊາດ ໄດ້​ພົບ​ເຊື້ອ​ພະ­ຍາດ​ອະ­ຫິ​ວາ​ໝູ​ສາຍ​ພັນ​ອາ​ຟະ​ຣິກ​ກາ​ຢູ່​ແຂວງ​ສະ​ແກ້ວ ແລະ ຫວັງ​ວ່າ​ທາງ​ແຂວງ​ຈະ​ນຳ​ໃຊ້​ມາດ​ຕະ­ການ​ເພື່ອ​ຈຳ­ກັດ​ການ​ແຜ່​ລະ­ບາດ​ພະ­ຍາດ​ດັ່ງ­ກ່າວ ເພື່ອ​ບໍ່​ໃຫ້​ຂະ­ຫຍາຍ​ວົງ​ກວ້າງ​ອອກ.

    ໃນ​ວັນ​ດຽວ​ກັນ ແຂວງ​ສະ​ແກ້ວ​ໄດ້​ນຳ​ໃຊ້​ມາດ​ຕະ­ການ​ເພື່ອ​ຮັບ​ມື​ກັບ​ພະ­ຍາດ​ດັ່ງ­ກ່າວ ລວມ​ທັງ​ຫ້າມ​ຂາຍ​ຊີ້ນ​ໝູ ຫຼື ຂົນ­ສົ່ງ​ອອກ​ຈາກ​ແຂວງ​ນີ້ ພ້ອມ​ທັງ​ຫ້າມ​ຜະ­ລິດ​ຊີ້ນ​ໝູ​ຢ່າງ­ຮອບ­ດ້ານ ແລະ ອື່ນໆ.

ຕົ້ນ​ປີ​ນີ້, ພະ­ຍາດ​ອະ­ຫິ​ວາ​ໝູ​ສາຍ​ພັນ​ອາ​ຟ​ຣິກາ ໄດ້​ເກີດ​ການ​ແຜ່​ລະ­ບາດ​ຢູ່​ແຂວງ​ຣັດ​ຕະ​ນະ​ຄີ­ລີ ຂອງ​ກຳ­ປູ­ເຈຍ ສົ່ງ​ຜົນ​ເຮັດ​ໃຫ້​ໝູ​ຕາຍ 400 ໂຕ.

ຂ່າວທີ່ກ່ຽວຂ້ອງ