ຂ່າວຫຼ້າສຸດ

ເຫດການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະຖານ

244 09 ກ.ລ. 2019 ຂ່າວຕ່າງປະເທດ
ເຫດການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະຖານ

     ໂຄສົກ​ຂອງ​ອຳນາດ​ການ​ປົກຄອງ​ແຂວງ ກາ​​ສ​ນີ ຂອງ​ອາ​ຟະ​ກາ​ນິດ​ສະຖານ ສະໜອງ​ຕົວ​ເລກ​ອອກ​ມາ ໃຫ້​ເຫັນ​ວ່າ ມີ​ຜູ້​ເສຍ​ຊີວິດ 12 ຄົນ ໃນ​ນັ້ນ​ເປັນ​ເຈົ້າ​ໜ້າທີ່​ຮັກສາ​ຄວາມ​ສະຫງົບ 8 ຄົນ ແລະ ສາມັນ​ຊົນ 4 ຄົນ ພ້ອມ​ທັງ​ມີ​ຜູ້​ໄດ້​ຮັບ​ບາດເຈັບ​ອີກ 50 ກວ່າ​ຄົນ ຈາກ​ເຫດການ​ຮຸນ​ແຮງ​ທີ່​ເກີດ​ຂຶ້ນ​ຢູ່​ໃນ​ພື້ນ​ທີ່​ແຂວງ​ດັ່ງກ່າວ ໃນ​ວັນ​ທີ 7 ກໍລະກົດ​ນີ້.

    ທາງ​ດ້ານ​ໂຄສົກ​ຂອງ​ກຸ່ມ​ມື​ປືນ​ຕາ​ລີ​ບັນ ແຈ້ງ​ໃຫ້​ຮູ້​ໃນ​ວັນ​ທີ 7 ກໍລະກົດ​ວ່າ ບັນດາ​ມື​ປືນ​ຂອງ​ຝ່າຍ​ຕົນ ໄດ້​ປະຕິບັດ​ການ​ວາງ​ລະເບີດ ໂດຍ​ໃຊ້​ລົດຍົນ​ເປັນ​ພາຫະນະ ຊຶ່ງ​ເກີດ​ຂຶ້ນ​ໃນ​ວັນ​ດຽວ​ກັນ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ ແລະ ບາດເຈັບ​ເກືອບ 60 ຄົນ ຢູ່​ໃນ​ແຂວງ ກາ​​ສ​ນີ (ພາກ​ກາງ​ອາ​ຟະ​ກາ​ນິດ​ສະຖານ).

ເຫດການ​ໂຈມ​ຕີ​ດັ່ງກ່າວ ເກີດ​ຂຶ້ນ​ຢູ່​ໃກ້​ກັບ​ເຂດ​ປະສົມ ຂອງ​ຄະນະ​ບໍລິຫານ​ງານ​ຄວາມ​ໝັ້ນຄົງ​ແຫ່ງ​ຊາດ (NDS) ປະຈຳ​ແຂວງ ກາ​​ສ​ນີ ໂດຍ​ເກີດ​ຂຶ້ນ​ໃນ​ເວລາ​ເລັ່ງ​ດ່ວນ​ໃນ​ຕອນ​ເຊົ້າ​ຂອງ​ວັນ​ທີ 7 ກໍລະກົດ.

ຂ່າວທີ່ກ່ຽວຂ້ອງ