ສິງກະໂປ​ແຈ້ງ​ເຕືອນ​ກ່ຽວ​ກັບ​ລະດັບ​ຄວາມ​ຮ້າຍ​ແຮງ​ຂອງ​ໄຂ້ເລືອດອອກ

155 09 ກ.ລ. 2019 ຂ່າວຕ່າງປະເທດ
ສິງກະໂປ​ແຈ້ງ​ເຕືອນ​ກ່ຽວ​ກັບ​ລະດັບ​ຄວາມ​ຮ້າຍ​ແຮງ​ຂອງ​ໄຂ້ເລືອດອອກ

   ສະຖິຕິ ຊີ້​ໃຫ້​ເຫັນ​ວ່າ ນັບ​ແຕ່​ຕົ້ນ​ປີ​ນີ້​ເປັນຕົ້ນ​ມາ ຢູ່​ສິງກະໂປ ມີ​ຜູ້​ເປັນ​ໄຂ້ເລືອດອອກ 6.600 ກວ່າ​ຄົນ ຊຶ່ງ​ເປັນ​ຕົວ​ເລກ​ຫຼາຍ​ກວ່າ​ຂອງ​ທັງ​ປີ 2017 ແລະ  2018 ບວກ​ເຂົ້າກັນ.

    ທ່ານ ຈີວ ມິງ ຟາຍ ຜູ້ອຳນວຍການ​ຮັບຜິດຊອບ​ຂົງເຂດ​ສາທາລະນະ​ສຸກ​ສາທາລະນະ ທີ່​ຂຶ້ນ​ກັບ​ອົງການ​ສິ່ງແວດລ້ອມ​ແຫ່ງ​ຊາດ​ສິງກະໂປ (NEA) ມີ​ຄຳ​ແຈ້ງ​ເຕືອນ​ອອກ​ມາ​ວ່າ ພະຍາດ​ໄຂ້ເລືອດອອກ ຢູ່​ໃນ​ສິງກະໂປ ມີ​ຄວາມ​ຮ້າຍ​ແຮງ​ຂຶ້ນ ໃນ​ເມື່ອ​ລະດູແລ້ງ ແລະ ຮ້ອນ ເປັນ​ລະດູ​ການ​ແພ່​ພັນ​ຕົ້ນຕໍ​ຂອງ​ຍຸງ ທີ່​ເປັນ​ພາຫະນະ​ນຳ​ເຊື້ອ​ພະຍາດ ພວມ​ຫຍັບ​ໃກ້​ເຂົ້າ​ມາ.

    ທ່ານ ຈີວ ມິງ ຟາຍ ຢືນຢັນ​ວ່າ ເຖິງ​ວ່າ NEA ແລະ ບັນດາ​ເຈົ້າ​ໜ້າທີ່​ຂັ້ນ​ຮາກ​ຖານ ໄດ້​ເພີ່ມ​ທະວີ​ການ​ຄວບ​ຄຸມ ແລະ ດຳເນີນ​ມາດ​ຕະການ​ປ້ອງ​ກັນ​ພະຍາດ​ດັ່ງກ່າວ​ກໍ​ຕາມ ແຕ່​ປະຊາຊົນ​ກໍ​ຕ້ອງ​ໄດ້​ຍົກ​ສູງ​ຄວາມ​ຮັບຜິດຊອບ ໃນ​ການ​ດູ​ແລ​ເຮືອນ​ຊານ​ໃຫ້​ສະອາດ ບໍ່​ໃຫ້​ຍຸງ​ມີ​ເງື່ອນໄຂ​ແພ່​ພັນ ພ້ອມ​ກັນ​ນັ້ນ​ກໍ​ຊຸກຍູ້​ວຽກ​ງານ​ໂຄສະນາ.

ຂ່າວທີ່ກ່ຽວຂ້ອງ