ຂ່າວຫຼ້າສຸດ

ມີ​ຜູ້​ເສຍ​ຊີວິດ​ຫຼາຍ​ຄົນ ຈາກ​ອຸບັດເຫດ​ໄຟ​ໄໝ້​ລົດ​ບັນທຸກ​ນ້ຳມັນ​ຢູ່​ໃນ​ຣັດ​ເຊຍ

97 09 ກ.ລ. 2019 ຂ່າວຕ່າງປະເທດ
ມີ​ຜູ້​ເສຍ​ຊີວິດ​ຫຼາຍ​ຄົນ ຈາກ​ອຸບັດເຫດ​ໄຟ​ໄໝ້​ລົດ​ບັນທຸກ​ນ້ຳມັນ​ຢູ່​ໃນ​ຣັດ​ເຊຍ

    ຂ່າວສານ Tass ຂອງ​ຣັດ​ເຊຍ ອ້າງ​ຕາມ​ຂໍ້​ມູນ​ຈາກ​ພະ​ແນກ​ພາຍ​ໃນ​ຂອງ​ເຂດ ສະ​ແວດ​ລົບ​​ສກ໌ (ຣັດ​ເຊຍ) ໃຫ້​ຮູ້​ວ່າ ລົດ​ສະ​ແຕັກ​ຂົນສົ່ງ​ຄັນ​ໜຶ່ງ ຊຶ່ງ​ບັນທຸກ​ເຊື້ອ​ໄຟ 4,5 ໂຕນ ທີ່​ອະນຸຍາດ​ໃຫ້​ນັກ​ທ່ອງ​ທ່ຽວ 7 ຄົນ ປີນ​ຂຶ້ນ​ໄປ​ນັ່ງ​ຢູ່​ເທິງ​ຫຼັງຄາ ໄດ້​ເກີດ​ເສຍ​ຫຼັກ​ພຸ່ງ​ອອກ​ນອກ​ຂອບ​ທາງ ແລະ ເກີດ​ໄຟ​ໄໝ້ ແລະ ລະເບີດ​ຂຶ້ນ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 4 ຄົນ ແລະ ບາດເຈັບ​ອີກ 11 ຄົນ.

     ເຫດການ​ດັ່ງກ່າວ ເກີດ​ຂຶ້ນ​ເມື່ອ​ວັນ​ທີ 7 ກໍລະກົດ​ນີ້​ທີ່​ເຂດ​ສະ​ແວດ​ລົບ​​ສກ໌ ຊຶ່ງ​ຜູ້​ປະສົບ​ໄພ​ສ່ວນ​ຫຼາຍ ໄດ້​ຮັບ​ການ​ກຳນົດ​ວ່າ​ເປັນ​ນັກ​ທ່ອງ​ທ່ຽວ​ທ້ອງຖິ່ນ ທີ່​ດຳລົງ​ຊີວິດ​ຢູ່​ບໍ່​ໄກ​ຈາກ​ທີ່​ເກີດ​ເຫດ. ເຈົ້າ​ໜ້າທີ່​ຕຳຫຼວດ​ກວດ​ພົບ​ວ່າ ໃນ​ເວລາ​ທີ່​ເກີດ​ເຫດ​ນັ້ນ ຄົນ​ຂັບ​ລົດ​ດັ່ງກ່າວ​ຢູ່​ໃນ​ອາການ​ມຶນເມົາ.

ຂ່າວທີ່ກ່ຽວຂ້ອງ