ຂ່າວຫຼ້າສຸດ

ພະຍາດ​ໄຂ້ເລືອດອອກ​ແຜ່​ລະບາດ​ຢູ່​ກຳປູເຈຍ

121 09 ກ.ລ. 2019 ຂ່າວຕ່າງປະເທດ
ພະຍາດ​ໄຂ້ເລືອດອອກ​ແຜ່​ລະບາດ​ຢູ່​ກຳປູເຈຍ

    ຂໍ້​ມູນ​ຫຼ້າ​ສຸດ​ຂອງ​ກະຊວງ​ສາທາລະນະ​ສຸກ​ກຳປູເຈຍ ສະແດງ​ໃຫ້​ເຫັນ​ວ່າ ນັບ​ແຕ່​ເດືອນ​ມັງກອນ​ຫາ​ເດືອນ​ກໍລະກົດ​ປີ​ນີ້ ຢູ່​ກຳປູເຈຍ ມີ​ເດັກນ້ອຍ​ທີ່​ເປັນ​ພະຍາດ​ໄຂ້ເລືອດອອກ ທີ່​ໄດ້​ຮັບ​ການ​ຢັ້ງຢືນ​ແລ້ວ 14.000 ກວ່າ​ຄົນ ໃນ​ນັ້ນ​ເສຍ​ຊີວິດ​ໄປ​ແລ້ວ 24 ຄົນ ເພີ່ມ​ຂຶ້ນ 5 ເທົ່າ​ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີຜ່ານມາ.

    ຫົວໜ້າ​ພະ​ແນກ​ທີ່​ກ່ຽວຂ້ອງ ຂອງ​ໂຮງໝໍ​ແຫ່ງ​ໜຶ່ງ ຢູ່​ແຂວງ​ຊຽງ​ແຕງ ຂອງ​ກຳປູເຈຍ​ກ່າວ​ວ່າ ເນື່ອງ​ຈາ​ກວ່າ​ຜູ້​ເປັນ​ພະຍາດ​ໄຂ້ເລືອດອອກ​ຫຼາຍ​ເກີນ​ໄປ ຈຶ່ງ​ເຮັດ​ໃຫ້​ຕຽງ​ຄົນ​ເຈັບ​ໃນ​ໂຮງໝໍ​ນີ້​ບໍ່​ພຽງພໍ.

    ວັນ​ທີ 4 ມິຖຸນາ​ຜ່ານ​ມາ ກະຊວງ​ສາທາລະນະ​ສຸກ​ກຳປູເຈຍ ໄດ້​ແຈ້ງ​ຄຳເຕືອນ​ວ່າ ລະດູຝົນ​ປີ​ນີ້ ອາດ​ຈະ​ເກີດ​ໄພ​ນ້ຳ​ຖ້ວມ ສະນັ້ນ ຈຶ່ງ​ຄວນ​ປ້ອງ​ກັນ​ພະຍາດ​ໄຂ້ເລືອດອອກ ໄຂ້ຍຸງ ແລະ ພະຍາດ​ອື່ນໆ.

ຂ່າວທີ່ກ່ຽວຂ້ອງ