ປະທານາທິບໍດີ ປູ​ຕິນ ລົງ​ນາມ​ໃຫ້​ສັດຕະຍາບັນ​ຮ່າງ​ກົດໝາຍ​ວ່າ​ດ້ວຍ​ການ​ຢຸດຕິ INF

296 05 ກ.ລ. 2019 ຂ່າວຕ່າງປະເທດ
ປະທານາທິບໍດີ ປູ​ຕິນ ລົງ​ນາມ​ໃຫ້​ສັດຕະຍາບັນ​ຮ່າງ​ກົດໝາຍ​ວ່າ​ດ້ວຍ​ການ​ຢຸດຕິ INF

     ຂໍ້​ມູນ​ຂ່າວສານ ທີ່​ໄດ້​ລົງ​ພິມ​ຢູ່​ໃນ​ເວບ​ໄຊ​ຢ່າງ​ເປັນ​ທາງ​ການ​ຂອງ​ລັດຖະບານ​ຣັດ​ເຊຍ ເມື່ອ​ວັນ​ທີ 3 ກໍລະກົດ​ນີ້ ໃຫ້​ຮູ້​ວ່າ ປະທານາທິບໍດີ ວາ​ລາ​ດີ​ເມຍ ປູ​ຕິນ ຜູ້ນຳ​ຣັດ​ເຊຍ ໄດ້​ລົງ​ນາມ​ໃຫ້​ສັດຕະຍາບັນ​ຮ່າງ​ກົດໝາຍ ວ່າ​ດ້ວຍ​ການ​ຢຸດຕິ ສົນທິສັນຍາ​ບັນດາ​ກຳລັງ​ນີວ​ເຄລຍ​ຂະໜາດ​ກາງ (INF).

    ຣັດ​ເຊຍ​ຖະແຫຼງ​ວ່າ ຈະ​ຜັນ​ຂະຫຍາຍ​ບັນດາ​ມາດ​ຕະການ​ດ້ານ​ການ​ທະຫານ ເພື່ອ​ຕອບ​ໂຕ້​ຕໍ່​ໄພ​ຄຸກ​ຄາມ​ຂອງ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO) ທີ່​ພົວພັນ​ເຖິງ​ການ​ທີ່​ຣັດ​ເຊຍ ຢຸດຕິ​ການ​ປະຕິບັດ INF ນັ້ນ.

    ຂ່າວສານ TASS ຂອງ​ຣັດ​ເຊຍ ໃຫ້​ຮູ້​ວ່າ ທ່ານ ແຊກ​ເກ ຣຽບ​ກອບ ຮອງ​ລັດຖະມົນຕີ​ການ​ຕ່າງປະເທດ​ຣັດ​ເຊຍ ເຫັນ​ວ່າ ການ​ທີ່ NATO ພະຍາຍາມ​ພັນ​ລະ​ນາ​ສິ່ງ​ທີ່​ພວມ​ເກີດ​ຂຶ້ນ ຄື​ກັບ​ວ່າ​ເປັນ​ມາດ​ຕະການ​ທາງ​ດ້ານ​ການເມືອງ-ການ​ທະຫານ ເພື່ອ​ຕອບ​ໂຕ້​ຕໍ່​ການ​ດຳເນີນ​ການ​ຂອງ​ຣັດ​ເຊຍ ນັ້ນ ໃນ​ດ້ານ​ທາດ​ແທ້ແລ້ວ ແມ່ນ​ການ​ກະທຳ​ຫັນ​ເຫ​ຫາງ​ສຽງ​ໂລກ. ດັ່ງນັ້ນ ຣັດ​ເຊຍ ຈຶ່ງ​ຜັນ​ຂະຫຍາຍ​ມາດ​ຕະການ​ດ້ານ​ການ​ທະຫານ ເພື່ອ​ຮັບ​ມື​ກັບ​ໄພ​ຄຸກ​ຄາມ​ດັ່ງກ່າວ.

    ຮ່າງ​ກົດໝາຍ​ວ່າ​ດ້ວຍ​ການ​ຢຸດຕິ​ການ​ປະຕິບັດ INF ຂອງ​ຣັດ​ເຊຍ ໄດ້​ຮັບ​ການ​ຮັບຮອງ​ຈາກ​ສະພາ​ດູ​ມາ​ແຫ່ງ​ຊາດ (ສະພາ​ຕ່ຳ) ຂອງ​ຣັດ​ເຊຍ ເມື່ອ​ວັນ​ທີ 18 ມິຖຸນາ​ທີ່​ຜ່ານ​ມາ ແລະ ​ຕໍ່​ມາ​ກໍ​ໄດ້​ຮັບ​ການ​ຮັບຮອງ​ຢູ່​ໃນ​ສະພາ​ສະຫະພັນ (ສະພາ​ສູງ).

ຂ່າວທີ່ກ່ຽວຂ້ອງ