ລັດຖະບານ​ຝຣັ່ງ ຮັບຮອງ​ສັນຍາ CETA ລະຫວ່າງ EU ກັບ​ກາ​ນາ​ດາ

228 05 ກ.ລ. 2019 ຂ່າວຕ່າງປະເທດ
ລັດຖະບານ​ຝຣັ່ງ ຮັບຮອງ​ສັນຍາ CETA ລະຫວ່າງ EU ກັບ​ກາ​ນາ​ດາ

    ທ່ານ ເຈນ ບັບ​ຕິ​​ສ ເລ​ມອນ ລັດຖະມົນຕີ​ປະຈຳ​ກະຊວງ​ກ່ຽວ​ກັບ​ເອີ​ຣົບ ແລະ ​ການ​ຕ່າງປະເທດ​ຂອງ​ຝຣັ່ງ ກ່າວ​ຕໍ່​ຜູ້​ສື່​ຂ່າວ ເມື່ອ​ວັນ​ທີ 3 ກໍລະກົດ​ນີ້ ວ່າ​ລັດຖະບານ​ຝຣັ່ງ ໄດ້​ພິຈາລະນາ ແລະ ​ຮັບຮອງ​ສັນຍາ​ການ​ຄ້າ ແລະ ​ເສດຖະກິດ​ຮອບດ້ານ (CETA) ລະຫວ່າງ​ສະຫະພາບ​ເອີ​ຣົບ (EU) ກັບ​ກາ​ນາ​ດາ ເພື່ອ​ວ່າ​ຫຼັງ​ຈາກ​ນັ້ນ ຈະ​ນຳໄປ​ສູ່​ການ​ລົງ​ຄະແນນ​ສຽງ​ຢູ່​ໃນ​ສະພາ​ແຫ່ງ​ຊາດ.

    ໃນ​ຂະນະ​ດຽວ​ກັນ ທ່ານ ເຈນ ບັບ​ຕິ​​ສ ເລ​ມອນ ກໍ​ໃຫ້​ຮູ້​ວ່າ ມູນ​ຄ່າ​ການ​ສົ່ງ​ອອກ​ສິນຄ້າ​ຂອງ​ຝຣັ່ງ ໄປ​ຍັງ​ກາ​ນາ​ດາ ໄດ້​ເພີ່ມ​ຂຶ້ນ 6,6% ໃນ​ໄລຍະ​ປີ 2017-2018 ຫຼັງ​ຈາກ​ທີ່ CETA ມີ​ຜົນ​ບັງຄັບ​ໃຊ້​ເປັນ​ການ​ຊົ່ວຄາວ.

CETA ໄດ້​ຮັບ​ການ​ໃຫ້​ສັດຕະຍາບັນ​ຈາກ​ລັດ​ຖະ​ສະພາ​ເອີ​ຣົບ (EP) ແຕ່​ວ່າ​ຕ້ອງ​ໄດ້​ຮັບ​ການ​ຮັບຮອງ​ຈາກ​ທຸກໆ​ປະເທດ ທີ່​ເປັນ​ສະມາຊິກ EU ຈຶ່ງ​ຈະ​ມີ​ຜົນ​ບັງຄັບ​ໃຊ້​ຢ່າງ​ເຕັມທີ່. ສັນຍາ​ສະບັບ​ນີ້ ຈະ​ໄດ້​ຍົກເລີກ​ພາສີ ຕໍ່​ສິນຄ້າ ແລະ ​ການ​ບໍລິການ​ເກືອບ​ທັງ​ໝົດ ລະຫວ່າງ EU ກັບ​ກາ​ນາ​ດາ. EU ໃຫ້​ຮູ້​ວ່າ CETA ຈະ​ຍົກເລີກ​ພາສີ 590 ລ້ານ​ເອີ​ໂຣ (ເທົ່າ​ກັບ 890 ລ້ານ​ໂດ​ລາ​ກາ​ນາ​ດາ ຫຼື 665 ລ້ານ​ໂດ​ລາ​ສະຫະລັດ) ໃນ​ແຕ່​ລະ​ປີ.

ຂ່າວທີ່ກ່ຽວຂ້ອງ