ຈີນສ້າງອຸໂມງລົດໄຟຟ້າໃຕ້ດິນ ລົງໃຕ້ທະເລເລິກກວ່າ 88 ແມັດ

648 04 ກ.ລ. 2019 ຫົວຂໍ້ຂ່າວອື່ນໆ

    ກຸ່ມ​ສື່​ຈີນ​ລາຍ​ງານ​ເມື່ອ​ວັນ​ທີ 9 ພະ­ຈິກ 2018 ທີ່​ຜ່ານ​ມາ​ວ່າ ຈີນ​ປະ­ກາດ​ໂຄງ­ການ​ກໍ່­ສ້າງ​ອຸ​ໂມງ​ລົດ­ໄຟ​ຟ້າ​ໃຕ້​ດິນ ລົງ​ໃຕ້​ທະ­ເລ​ສຳ­ເລັດ​ສົມ­ບູນ​ແລ້ວ.

    ລາຍ​ງານ​ລະ­ບຸ​ວ່າ ອຸ​ໂມງ​ລົດ­ໄຟ​ຟ້າ​ໃຕ້​ດິນ​ລອດ​ໃຕ້​ທະ­ເລ​ນີ້ ມີ​ໄລ­ຍະ​ທາງ 8,1 ກິ­ໂລ­ແມັດ ໂດຍ​ມີ​ສ່ວນ​ທີ່­ຢູ່​ໃຕ້​ທະ­ເລ 3,49 ກິ­ໂລ­ແມັດ ໂດຍ​ສ່ວນ​ທີ່​ເລິກ​ທີ່​ສຸດ​ຂອງ​ອຸ​ໂມງ ດຳ​ດິ່ງ​ເລິກ​ໃຕ້​ທະ­ເລ​ເຖິງ 88 ແມັດ.

    ໂຄງ­ການ​ອຸ​ໂມງ​ໃຕ້​ທະ­ເລ​ລອດ​ຜ່ານ​ອ່າວ​ຈຽວ​ໂຈວ ໃນ​ເມືອງ​ຊິງ​ເຕົ່າ ເຮັດ​ໃຫ້​ເຊື່ອມ​ໂຍງ​ພື້ນ​ທີ່​ທາງ​ຕາ­ເວັນ​ອອກ ແລະ ທາງ​ຕາ­ເວັນ­ຕົກ​ຂອງ​ເມືອງ​ຊິງ​ເຕົ່າ ມົນ­ທົນ​ຊານ​ຕົງ ແລະ ຊ່ວຍ​ຫຼຸດ​ໄລ­ຍະ​ເວ­ລາ ໃນ​ການ​ເດີນ­ທາງ​ຂ້າມ​ອ່າວ​ໄດ້​ຢ່າງ​ຫຼວງ­ຫຼາຍ.

    ທີມ​ງານ​ວິ­ສະ­ວະ­ກອນ China Railway No.3 Engineering Group ຜູ້​ຄວບ​ຄຸມ​ການ​ກໍ່­ສ້າງ​ໂຄງ­ການ ໄດ້​ເປິດ​ເຜີຍ​ວ່າ ຄວາມ​ທ້າ​ທາຍ​ຂອງ​ໂຄງ­ການ​ດັ່ງ­ກ່າວ ຢູ່​ທີ່​ຄວາມ​ເລິກ​ໃຕ້​ນ້ຳ​ທະ­ເລ ຊຶ່ງ​ການ​ທີ່​ອຸ​ໂມງ​ດຳ​ດິ່ງ​ດ້ວຍ​ຄວາມ​ເລິກ 88 ແມັດ ເຮັດ​ໃຫ້​ມີ­ແຮງ​ດັນ​ໃຕ້​ນ້ຳ​ຕໍ່ 1 ຕາ­ຕະ­ລາງ​ແມັດ ເທົ່າ​ກັບ​ນ້ຳ­ໜັກ​ຂອງ​ລົດ​ໃຫຍ່ 300 ຄັນ ຈຶ່ງ​ຕ້ອງ​ນຳ​ເຕັກ​ໂນ​ໂລ​ຊີ​ຂັ້ນ​ສູງ​ມາ​ໃຊ້​ໃນ​ການ​ກໍ່­ສ້າງ.

    ທັ້ງ​ນີ້ ໂຄງ­ການ​ດັ່ງ­ກ່າວ​ເລີ່ມ​ສ້າງ​ມາ​ຕັ້ງ­ແຕ່​ປີ 2015 ປັດ­ຈຸ­ບັນ ໄດ້​ກາຍ­ເປັນ​ອຸ​ໂມງ​ໃຕ້​ນ້ຳ​ທີ່​ຝັງ​ເລິກ​ທີ່​ສຸດ​ໃນ​ຈີນ.

ຂ່າວທີ່ກ່ຽວຂ້ອງ