ສະມາຄົມ​ກາແດງ​ສາກົນ​ແກ່ຍາວ​ເວລາ​ໃຫ້​ຄວາມ​ຊ່ວຍເຫຼືອ ​ສປປ ເກົາຫຼີ

292 02 ກ.ລ. 2019 ຂ່າວຕ່າງປະເທດ
ສະມາຄົມ​ກາແດງ​ສາກົນ​ແກ່ຍາວ​ເວລາ​ໃຫ້​ຄວາມ​ຊ່ວຍເຫຼືອ ​ສປປ ເກົາຫຼີ

   ສະມາຄົມ​ກາແດງ​ສາກົນ ໄດ້​ຕົກລົງ​ແກ່ຍາວ​ເວລາ​ໃຫ້​ຄວາມ​ຊ່ວຍເຫຼືອ​ສຸກ​ເສີນ​ແກ່ ​ສປປ ເກົາຫຼີ ເພື່ອ​ຊ່ວຍເຫຼືອ​ປະເທດ​ນີ້ ຮັບ​ມື​ກັບ​ສະພາບ​ຂາດແຄນ​ສະບຽງ​ອາຫານ ທີ່​ນັບ​ມື້​ນັບ​ຮ້າຍ​ແຮງ ຍ້ອນ​ສະພາບ​ແຫ້ງແລ້ງ.

    ແຈ້ງ​ການ​ຂອງ​ອົງການ​ກາແດງ ແລະ ​ຊີກ​ວົງ​ເດືອນ​ແດງ​ສາກົນ   (IFRC) ທີ່​ມີ​ສຳນັກງານ​ຕັ້ງ​ຢູ່​ໃນ​ປະເທດ​ສະ​ວິດ ໃຫ້​ຮູ້​ວ່າ ການເຄື່ອນໄຫວ​ຊ່ວຍເຫຼືອ ໄດ້​ເລີ່ມ​ຕົ້ນ​ຂຶ້ນ​ເມື່ອ​ເດືອນ​ພຶດສະພາ​ທີ່​ຜ່ານ​ມາ ແລະ ​ຈະ​ໄດ້ແກ່​ຍາວ​ໄປ​ອີກ​ຈົນ​ຮອດ​ເດືອນ​ຕຸລາ​ໜ້າ​ນີ້.

    ນອກຈາກ​ນັ້ນແລ້ວ IFRC ກໍ​ໄດ້​ຈັດ​ສັນ​ເງິນ 249.929 ຟຣັງ​ສະ​ວິດ (ເທົ່າ​ກັບ 247.000 ໂດ​ລາ​ສະຫະລັດ) ເປັນ​ການ​ສະເພາະ ໃຫ້​ແກ່​ໂຄງການ​ຊ່ວຍເຫຼືອ ເພື່ອ​ສະໜອງ​ຈັກ​ດູດ​ນ້ຳ​ປະມານ 40 ເຄື່ອງ ແລະ ​ເຊື້ອ​ໄຟ​ໃຫ້​ແກ່ ​ສປປ ເກົາຫຼີ ຊຶ່ງ​ຕົວ​ເລກ​ດັ່ງກ່າວ​ນັບ​ວ່າ​ເພີ່ມ​ຂຶ້ນ ເມື່ອ​ທຽບໃສ່​ລະດັບ​ໃນ​ເບື້ອງ​ຕົ້ນ​ທີ່ 76.946 ຟຣັງ​ສະ​ວິດ.

ຂ່າວທີ່ກ່ຽວຂ້ອງ