ທະຫານ​ຣັດ​ເຊຍ​ຈຳນວນ​ໜຶ່ງ​ເດີນທາງ​ອອກ​ຈາກ​ເວ​ເນ​ຊູ​ເອ​ລາ ກັບ​ຄືນ​ປະເທດ

458 01 ກ.ລ. 2019 ຂ່າວຕ່າງປະເທດ
ທະຫານ​ຣັດ​ເຊຍ​ຈຳນວນ​ໜຶ່ງ​ເດີນທາງ​ອອກ​ຈາກ​ເວ​ເນ​ຊູ​ເອ​ລາ ກັບ​ຄືນ​ປະເທດ

     ບັນດາ​ຊ່ຽວຊານ​ດ້ານ​ການ​ທະຫານ​ຂອງ​ຣັດ​ເຊຍ ໄດ້​ຂຶ້ນ​ເຮືອ​ບີນ IL-62 ລຳ​ໜຶ່ງ ເພື່ອ​ເດີນທາງ ກັບ​ຄືນ​ປະເທດ ໃນ​ວັນ​ທີ 26 ມິຖຸນາ​ທີ່​ຜ່ານ​ມາ ຫຼັງ​ຈາກ​ທີ່​ໄດ້​ເຮັດ​ສຳເລັດ ໂຄງການ​ຊ່ວຍເຫຼືອ ດ້ານ​ເຕັກນິກ ຢູ່​ໃນ​ຂອບ​ຂອງ​ສັນຍາ​ດ້ານ​ປ້ອງ​ກັນ​ຊາດ ລະຫວ່າງ​ຣັດ​ເຊຍ ກັບ​ເວ​ເນ​ຊູ​ເອ​ລາ.

    ທະຫານ​ກຸມ​ດັ່ງກ່າວ ມີ​ປະມານ 100 ຄົນ ໄດ້​ໄປ​ເຖິງ​ເວ​ເນ​ຊູ​ເອ​ລາ ເມື່ອ​ກ່ອນ​ໜ້າ​ນີ້ 3 ເດືອນ ເພື່ອ​ຊ່ວຍເຫຼືອ​ທາງ​ດ້ານ​ເຕັກນິກ​ການ​ທະຫານ ໃຫ້​ແກ່​ອຳນາດ​ການ​ປົກຄອງ ເວ​ເນ​ຊູ​ເອ​ລາ ພາຍ​ໃຕ້​ການ​ນຳພາ​ຂອງ​ປະທານາທິບໍດີ ນີ​ໂກ​ລາ​​ສ ມາ​ດູ​ໂຣ.

    ໃນ​ໄລຍະ 3 ເດືອນ​ທີ່​ຜ່ານ​ມາ ຣັດ​ເຊຍ​ໄດ້​ສະໜອງ​ອຸປະກອນ​ໃໝ່​ໃຫ້​ແກ່​ເວ​ເນ​ຊູ​ເອ​ລາ ທີ່​ຕ້ອງການ​ໄດ້​ຮັບ​ການ​ສ້ອມ​ບຳລຸງ​ເປັນ​ປະຈຳ ແລະ​ບັນດາ​ຊ່ຽວຊານ​ຂອງ​ຣັດ​ເຊຍ ມີໜ້າ​ທີ່​ບຳລຸງ​ສ້າງ ໃຫ້​ແກ່​ເພື່ອນ​ຮ່ວມ​ງານ​ໃນ​ເວ​ເນ​ຊູ​ເອ​ລາ ກ່ຽວ​ກັບ​ການ​ນຳ​ໃຊ້ ແລະ​ສ້ອມແຊມ​ພວກ​ອຸປະກອນ​ດັ່ງກ່າວ.

ຂ່າວທີ່ກ່ຽວຂ້ອງ