ນະຄອນ ລາຕີ ຂອງ​ໂຮນ​ລັງ ກາຍເປັນ​ນະຄອນຫຼວງ​ສີຂຽວ​ຂອງ​ເອີ​ຣົບ

448 01 ກ.ລ. 2019 ຂ່າວຕ່າງປະເທດ
ນະຄອນ ລາຕີ ຂອງ​ໂຮນ​ລັງ ກາຍເປັນ​ນະຄອນຫຼວງ​ສີຂຽວ​ຂອງ​ເອີ​ຣົບ

    ເມື່ອ​ບໍ່​ດົນ​ມາ​ນີ້ ຄະນະ​ກຳມະການ​ເອີ​ຣົບ ໄດ້​ມອບ​ນາມມະຍົດ “ນະຄອນຫຼວງ​ສີຂຽວ​ຂອງ​ທະວີບ​ເອີ​ຣົບ 2021” ໃຫ້​ແກ່​ນະຄອນ ລາຕີ (Lahti) ຂອງ​ໂຮນ​ລັງ ໂດຍ​ນະຄອນ​ດັ່ງກ່າວ ໄດ້​ນຳ​ເອົາ​ລາງວັນ​ເປັນ​ມູນ​ຄ່າ 350.000 ເອີ​ໂຣ (ເທົ່າ​ກັບ​ເກືອບ 400.000 ໂດ​ລາ​ສະຫະລັດ) ໄປ​ໃຫ້​ກອງ​ທຶນ “ພັດທະນາ​ເສດຖະກິດ​ສີຂຽວ​ຢູ່​ໃນ​ທ້ອງຖິ່ນ ເພື່ອ​ການ​ແກ້​ໄຂ​ຄຸນ​ນະ​ພາບ​ອາກາດ ແລະ​ຄຸ້ມ​ຄອງ​ຂີ້​ເຫຍື້ອ.”

    ຈາກ​ຄວາມ​ເຫັນ​ດີ​ເປັນ​ເອກະສັນ​ຢ່າງ​ສູງ ຂອງ​ຄະນະ​ກວດ​ສອບ​ນັ້ນ ນະຄອນ ລາຕີ ຈຶ່ງ​ໄດ້​ຮັບ​ນາມມະຍົດ​ອັນ​ສູງ​ສົ່ງ​ດັ່ງກ່າວ ໂດຍ​ເອົາ​ຊະນະ 2 ນະຄອນ​ຂອງ​ຝຣັ່ງ ໄດ້ແກ່ ນະຄອນ ​ສ​ຕຣາ​​ສ​ບວກ (Strasbourg) ແລະ​ນະຄອນ ລິນ (Lille).

    ໃນ​ຂະນະ​ດຽວ​ກັນ ລາງວັນ “ໃບ​ໄມ້​ຂຽວ​ເອີ​ຣົບ 2020” (ເປັນ​ການ​ມອບ​ໃຫ້​ແກ່​ນະຄອນ ທີ່​ມີ​ປະຊາກອນ​ແຕ່ 20.000-100.000 ຄົນ) ນັ້ນ​ເປັນ​ຂອງ​ນະຄອນ ລີ​ເມັກ (Limerck) ຂອງ​ອຽກ​ລັງ ແລະ ​ນະຄອນ ເມ​ເຈີ​ເລນ (Mechelen) ຂອງ​ແບນ​ຊິກ.

   “ນະຄອນຫຼວງ​ສີຂຽວ​ຂອງ​ທະວີບ​ເອີ​ຣົບ” ກຳເນີດ​ຂຶ້ນ​ມາ​ຕັ້ງແຕ່​ປີ 2010 ເປັນ​ການ​ມອບ ນາມມະຍົດ​ໃຫ້​ແກ່​ບັນດາ​ນະຄອນ​ຂອງ​ເອີ​ຣົບ ທີ່​ມີ​ປະຊາກອນ​ກວ່າ 100.000 ຄົນ ແລະ​ ມີ​ຄຸນ​ນະ​ພາບ​ສິ່ງແວດລ້ອມ​ທີ່​ດີ​ທີ່​ສຸດ. ກ່ອນ​ໜ້າ​ນີ້ “ນະຄອນຫຼວງ​ສີຂຽວ​ຂອງ​ທະວີບ​ເອີ​ຣົບ 2020” ເປັນ​ຂອງ​ນະຄອນຫຼວງ ສິ​​ສ​ບອນ ຂອງ​ປະເທດ​ປອກ​ຕຸຍ​ການ.

ຂ່າວທີ່ກ່ຽວຂ້ອງ