ຂ່າວຫຼ້າສຸດ

8 ປະເທດ​ສະມາຊິກ EU ວາງ​ຄາດໝາຍ​ຍົກເລີກ​ໄຟຟ້າ​ພະລັງ​ຄວາມ​ຮ້ອນ

397 01 ກ.ລ. 2019 ຂ່າວຕ່າງປະເທດ
8 ປະເທດ​ສະມາຊິກ EU ວາງ​ຄາດໝາຍ​ຍົກເລີກ​ໄຟຟ້າ​ພະລັງ​ຄວາມ​ຮ້ອນ

   ຄະນະ​ກຳມະການ​ເອີ​ຣົບ (EC) ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ 8 ປະເທດ ຈາກ​ຈຳນວນ 28 ປະເທດ ທີ່​ເປັນ​ສະມາຊິກ​ຂອງ​ສະຫະພາບ​ເອີ​ຣົບ (EU) ໄດ້​ໃຫ້​ສັນຍາ​ເຖິງ​ການ​ຍົກເລີກ​ໄຟຟ້າ​ພະລັງ​ຄວາມ​ຮ້ອນ ພາຍ​ໃນ​ປີ 2030.

    ທ່ານ ມີ​ເກລ ອາ​ຣຽດ ການ​ແນດ ກຳມະການ​ເອີ​ຣົບ ຮັບຜິດຊອບ​ວຽກ​ງານ​ດ້ານ​ສະພາບ​ດິນ​ຟ້າ​ອາກາດ ແລະ​ ພະລັງງານ ຢືນຢັນ​ວ່າ ນັບ​ມື້​ນັບ​ມີ​ຫຼາຍ​ປະເທດ​ທີ່​ເປັນ​ສະມາຊິກ EU ໄດ້​ນຳ​ເອົາ​ຄຳ​ສັນຍາ​ທາງ​ດ້ານ​ການເມືອງ​ອອກ​ມາ ກ່ຽວ​ກັບ​ການ​ຍົກເລີກ​ໄຟຟ້າ​ພະລັງ​ຄວາມ​ຮ້ອນ ພາຍ​ໃນ​ທົດ​ສະ​ວັດ​ໜ້າ.

    ໃນ​ຈຳນວນ​ປະເທດ​ສະມາຊິກ EU ທີ່​ມີ​ຄຳ​ລັນ​ຍາ​ອອກ​ມາ​ນັ້ນ ຝຣັ່ງ ວາງ​ຄາດໝາຍ ຍົກເລີກ​ໄຟຟ້າ​ພະລັງ​ຄວາມ​ຮ້ອນ​ໄວ​ທີ່​ສຸດ ຄື​ໃນ​ປີ 2022 ຖັດ​ມາ​ກໍ​ແມ່ນ​ອີ​ຕາ​ລີ ແລະ ​ອຽກ​ລັງ ທີ່​ຄາດ​ວ່າ​ຈະ​ຍົກເລີກ​ໄຟຟ້າ​ພະລັງ​ຄວາມ​ຮ້ອນ ໃນ​ປີ 2025 ແລະ​ ອີກ 5 ປະເທດ​ທີ່​ຍັງ​ເຫຼືອ ໄດ້ແກ່ ດານ​ມາກ ແອັດ​ສະ​ປາຍ ໂຮນ​ລັງ ປອກ​ຕຸຍ​ການ ແລະ​ ແຟງ​ລັງ ຕ່າງ​ກໍ​ວາງ​ແຜນ​ຍົກເລີກ ໄຟຟ້າ​ພະລັງ​ຄວາມ​ຮ້ອນ ໃນ​ປີ 2030.

    ຕາມ​ສັນຍາ​ປາ​ຣີ ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ ທີ່​ໄດ້​ຮັບ​ການ​ລົງ​ນາມ​ເມື່ອ​ປີ 2015 ນັ້ນ EU ໃຫ້​ສັນຍາ​ວ່າ ເມື່ອ​ຮອດ​ປີ 2030 ຈະ​ຫຼຸດ​ປະລິມານ​ການ​ປ່ອຍ​ແກ​​ັສ​ກາກ​ບອນ​ລົງ 40% ທຽບໃສ່​ປີ 1990. EC ເຫັນ​ວ່າ ປັດຈຸບັນ​ນີ້ EU ພວມ​ຢູ່​ໃນ​ທ່ວງ​ທ່າ​ບັນລຸ​ຄາດໝາຍ ຫຼຸດ​ການ​ປ່ອຍ​ແກ​​ັສ​ກາກ​ບອນ ແຕ່​ວ່າ​ພວມ​ປະ​ເຊີນ​ກັບ​ຄວາມ​ປະ​ລາ​ໄຊ ສຳລັບ​ຄາດໝາຍ​ການ​ນຳ​ໃຊ້ ພະລັງງານ​ໝູນວຽນ ແລະ ​ການ​ປະຢັດ​ພະລັງງານ.

ຂ່າວທີ່ກ່ຽວຂ້ອງ