ສະພາບ​ອາກາດ​ປ່ຽນແປງ ເຮັດ​ໃຫ້​ຄົນ​ທຸກ​ຍາກ​ແບກ​ຫາບ​ຜົນ​ຮ້າຍ​ຫຼາຍ​ກວ່າ​ຄົນ​ລ້ຳ​ລວຍ

421 01 ກ.ລ. 2019 ຂ່າວຕ່າງປະເທດ
ສະພາບ​ອາກາດ​ປ່ຽນແປງ ເຮັດ​ໃຫ້​ຄົນ​ທຸກ​ຍາກ​ແບກ​ຫາບ​ຜົນ​ຮ້າຍ​ຫຼາຍ​ກວ່າ​ຄົນ​ລ້ຳ​ລວຍ

     ໂລກ​ພວມ​ປະ​ເຊີນ​ກັບ​ໄພ “ແບ່ງ​ແຍກ​ຊັ້ນ​ວັນນະ” ກ່ຽວ​ກັບ​ສະພາບ​ດິນ​ຟ້າ​ອາກາດ ນັ້ນ​ກໍ​ໝາຍ​ຄວາມ​ວ່າ​ຄົນ​ທີ່​ລ້ຳ​ລວຍ ມີ​ຄວາມ​ມາດ​ຄຸ້ນ​ເຄີຍ​ກັບ​ສະພາບ​ທີ່​ອຸ່ນ​ຂຶ້ນ​ໃນ​ທົ່ວ​ໂລກ​ໄດ້​ດີ​ກວ່າ ໃນ​ຂະນະ​ທີ່​ຄົນ​ທີ່​ທຸກ​ຍາກ ໄດ້​ຮັບ​ຜົນ​ກະທົບ​ທີ່​ຂີ້ຮ້າຍ​ທີ່​ສຸດ​ຈາກ​ສະພາບ​ດຽວ​ກັນ​ນັ້ນ.

    ໃນ​ບົດ​ລາຍ​ງານ​ສະບັບ​ໜຶ່ງ ທີ່​ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 24 ມິຖຸນາ​ທີ່​ຜ່ານ​ມາ ທ່ານ ຟີ​ລິບ ອາ​​ລ​ສະ​ເຕິນ ຜູ້​ລາຍ​ງານ​ພິເສດ​ຂອງ​ສະຫະ​ປະຊາ​ຊາດ ກ່ຽວ​ກັບ​ສິດທິ​ມະນຸດ ແລະ ​ຄວາມທຸກ​ຍາກ​ສຸດ​ຂະໜາດ ໄດ້​ແຈ້ງ​ເຕືອນ​ວ່າ ສະພາບ​ດິນ​ຟ້າ​ອາກາດ​ປ່ຽນແປງ ຄຸກ​ຄາມ​ທີ່​ຈະ​ຍູ້​ໃຫ້​ຄວາມ​ກ້າວໜ້າ​ຂອງ​ໂລກ​ໃນ 50 ປີ​ທີ່​ຜ່ານ​ມາ ໃນ​ການ​ລຶບລ້າງ​ຄວາມທຸກ​ຍາກ​ນັ້ນ ໃຫ້​ຖອຍ​ລົງ.

    ບົດ​ລາຍ​ງານ​ດັ່ງກ່າວ ໄດ້​ອ້າງ​ອີງ​ຜົນ​ການ​ຄົ້ນຄວ້າ​ກ່ອນ​ໜ້າ​ນີ້ ກ່ຽວ​ກັບ​ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ ໃຫ້​ຮູ້​ວ່າ ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ  ອາດ​ຈະ​ເຮັດ​ໃຫ້ 140 ລ້ານ​ຄົນ ຢູ່​ໃນ​ບັນດາ​ປະເທດ​ພວມ​ພັດທະນາ ຕົກ​ຢູ່​ໃນ​ສະພາບ​ໄຮ້​ບ່ອນຢູ່​ອາ​ໃສ ແຕ່​ນີ້​ໄປ​ຮອດ​ປີ 2050.

ຂ່າວທີ່ກ່ຽວຂ້ອງ