ຂ່າວຫຼ້າສຸດ

ສ້າງ​ບຸ​ຄະລາ​ກອນ​ຂົງເຂດ​ວຽກ​ງານ​ທ່ອງ​ທ່ຽວ​ໃຫ້​ມີ​ຄຸນ​ນະ​ພາບ

578 26 ມິ.ຖ. 2019 ຂ່າວໜ້າ​ໜຶ່ງ
ສ້າງ​ບຸ​ຄະລາ​ກອນ​ຂົງເຂດ​ວຽກ​ງານ​ທ່ອງ​ທ່ຽວ​ໃຫ້​ມີ​ຄຸນ​ນະ​ພາບ

    ເພື່ອ​ແນໃສ່​ສ້າງ​ບຸ​ຄະລາ​ກອນ​ຂົງເຂດ​ວຽກ​ງານ​ທ່ອງ​ທ່ຽວ ທັງ​ເປັນ​ການ​ປະກອບສ່ວນ​ໃນ​ການ​ພັດທະນາ​ທຸ ລະ​ກິດ​ດ້ານ​ການ​ທ່ອງ ທ່ຽວ​ໃນ ​ສປປ ລາວ ໂດຍ​ສະເພາະ ນະຄອນຫຼວງ​ວຽງ​ຈັນ ໃຫ້​ນັບ​ມື້​ນັບ​ມີ​ການ​ບໍລິການ​ທີ່​ມີ​ຄຸນ​ນະ​ພາບ ຄຽງ​ຄູ່​ກັບ​ການ​ຮັບປະກັນ​ໃຫ້​ມີ​ການ​ບໍລິການ​ທີ່​ດີ ວ່ອງໄວ ແລະ ມີ​ຄວາມ​ປະ​ທັບ​ໃຈ​ຕໍ່​ຜູ້​ທີ່​ມາ​ຊົມໃຊ້​ບໍ ລິ​ການ​ພາຍ​ໃນ ແລະ ຕ່າງປະເທດ ປະກອບສ່ວນ​ຮັບ​ໃຊ້​ໃຫ້​ວັນ​ສຳຄັນ​ຕ່າງໆ​ຂອງ​ຊາດ ແລະ ຕ້ອນຮັບ​ປີ​ທ່ອງ​ທ່ຽວ ລາວ-ຈີນ 2019.

    ວັນ​ທີ 24 ມິຖຸນາ 2019 ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ (ຖວ​​ທ ນວ) ຈັດ​ເຝິກອົບຮົມ​ໃຫ້​ພະນັກງານ​ບໍລິການ​ໂຮງແຮມ ພັດ​ຕະ​ຄານ ເຮືອນ​ພັກ ອາພາດ​ເມັນ ຮ້ານ​ອາຫານ ສວນ​ອາຫານ ແລະ ສະຖານທີ່​ທ່ອງ​ທ່ຽວ ຄັ້ງ​ທີ 26 ຂຶ້ນ​ຢູ່ ນວ ໂດຍ​ເປັນ​ປະທານ​ຂອງ​ທ່ານ ຄຳ​ປະດິດ ເຂັມ​ມາ ນິດ ຫົວໜ້າ​ພະ​ແນກ ຖວ​​ທ ນວ ມີ​ຜູ້ຕາງໜ້າ​ຈາກ​ພາກສ່ວນ​ກ່ຽວຂ້ອງ ຄູ-ອາຈານ ແລະ ສຳ​ມະ​ນາ​ກອນ ເຂົ້າ​ຮ່ວມ.

    ຊຸດ​ເຝິກອົບຮົມ​ຄັ້ງ​ນີ້ ຈະ​ດຳເນີນ​ແຕ່​ວັນ​ທີ 24-28 ມິຖຸນາ 2019 ໂດຍ​ມີ​ຜູ້​ເຂົ້າ​ຮ່ວມ 54 ທ່ານ ໃນ​ນີ້ ພາກ​ລັດ 14 ທ່ານ ເອກະ​ຊົນ 40 ທ່ານ ເຊິ່ງ​ຈະ​ໄດ້​ລົງ​ເລິກ​ກ່ຽວ​ກັບ​ຂະແໜງ​ບໍລິການ​ສ່ວນ​ໜ້າ ຂະແໜງ​ບໍລິການ​ອາ ຫານ ແລະ ເຄື່ອງ​ດື່ມ ແລະ ຂະແໜງ​ແມ່ເຮືອນ.

ຂ່າວທີ່ກ່ຽວຂ້ອງ