ສາມ​ເອື້ອຍ​ນ້ອງ​ເສຍ​ຊີ­ວິດ​ຍ້ອນ​ຈົມ​ນ້ຳ​ຢູ່​ໃນ​ຫວຽດ­ນາມ

926 26 ມິ.ຖ. 2019 ຂ່າວຕ່າງປະເທດ
ສາມ​ເອື້ອຍ​ນ້ອງ​ເສຍ​ຊີ­ວິດ​ຍ້ອນ​ຈົມ​ນ້ຳ​ຢູ່​ໃນ​ຫວຽດ­ນາມ

      ຂ່າວ­ສານ​ຫວຽດ­ນາມ ລາຍ​ງານ​ອ້າງ​ຕາມ​ຂໍ້​ມູນ​ຈາກ​ເຈົ້າ​ໜ້າ­ທີ່​ໃນ​ຕາ­ແສງ​ເຈົາ​ຫວ້າ ໃນ​ເມືອງ ຕວຽນ​ຫ້ວ​າ ແຂວງ ກວາງ​ບິ່ງ (ພາກ​ກາງ ຫວຽດ­ນາມ) ຢັ້ງ­ຢືນ​ເມື່ອ​ວັນ​ທີ 25 ມິ­ຖຸ­ນາ​ນີ້​ວ່າ ໄດ້​ເກີດ​ເຫດ­ການ​ຄົນ​ຕາຍ​ຍ້ອນ​ຈົມ​ນ້ຳ ຢູ່​ໃນ​ທ້ອງ­ຖິ່ນ ດັ່ງ­ກ່າວ ຊຶ່ງ​ເຮັດ​ໃຫ້​ສາມ​ເອື້ອຍ​ນ້ອງ ໃນ​ຄອບ­ຄົວ​ດຽວ​ກັນ​ເສຍ​ຊີ­ວິດ.

     ເຫດ­ການ​ດັ່ງ­ກ່າວ​ເກີດ​ຂຶ້ນ​ໃນ​ວັນ​ທີ 24 ມິ­ຖຸ­ນາ ຊຶ່ງ​ຜູ້​ເສຍ​ຊີ­ວິດ​ທັງ​ສາມ ເປັນ​ລູກ​ຂອງ​ຜົວ​ເມຍ​ຄູ່​ໜຶ່ງ ໄດ້​ຕົກ­ລົງ​ໃນ​ຮູ​ເລິກ ແລະ ​ເສຍ​ຊີ­ວິດ​ຍ້ອນ​ດຶກ​ນ້ຳ ໃນ​ຂະ­ນະ​ທີ່​ພວກ​ເຂົາ ພວມ​ອາບ­ນ້ຳ​ຢູ່​ໃນ​ແມ່­ນ້ຳ ແຢັງ.

    ຂ່າວ​ໃຫ້​ຮູ້​ຕື່ມ​ວ່າ ສະ­ເພາະ​ແຕ່​ໄລ­ຍະ​ທີ່​ເກີດ​ແດດ​ຮ້ອນ​ອົບ­ເອົ້າ ນັບ​ແຕ່​ທ້າຍ​ເດືອນ​ພຶດ­ສະ­ພາ ຫາ​ເດືອນ​ມິ­ຖຸ­ນາ​ນີ້ ຢູ່​ໃນ​ພື້ນ​ທີ່​ແຂວງ​ກວາງ​ບິ່ງ ໄດ້​ຢັ້ງ­ຢືນ​ການ​ເກີດ​ເຫດ­ການ​ດຶກ​ນ້ຳ​ຢ່າງ​ໜອຍ 6 ກໍ­ລະ­ນີ ໂດຍ​ມີ​ຜູ້​ເສຍ​ຊີ­ວິດ 14 ຄົນ ສ່ວນ​ຫຼາຍ​ໃນ​ນັ້ນ​ແມ່ນ​ເດັກ­ນ້ອຍ.

ຂ່າວທີ່ກ່ຽວຂ້ອງ