ກອງ­ທັບ​ຣັດ​ເຊຍ ກວດ­ກາ​ໂດຍ​ບັງ­ເອີນ​ກ່ຽວ​ກັບ​ຄວາມ​ພ້ອມ​ໃນ​ການ​ສູ້​ຮົບ

539 26 ມິ.ຖ. 2019 ຂ່າວຕ່າງປະເທດ
ກອງ­ທັບ​ຣັດ​ເຊຍ ກວດ­ກາ​ໂດຍ​ບັງ­ເອີນ​ກ່ຽວ​ກັບ​ຄວາມ​ພ້ອມ​ໃນ​ການ​ສູ້​ຮົບ

    ລັດ­ຖະ­ມົນ­ຕີ​ປ້ອງ​ກັນ​ປະ­ເທດ​ຣັດ​ເຊຍ ແຊກ​ເກ ຊອຍ​ກູ ແຈ້ງ​ໃຫ້​ຮູ້­ເມື່ອ​ວັນ​ທີ 24 ມິ­ຖຸ­ນາ​ນີ້​ວ່າ ການ​ກວດ­ກາ​ໂດຍ​ບັງ­ເອີນ ກ່ຽວ​ກັບ​ຄວາ​ມາດ​ກຽມ­ພ້ອມ​ສູ້​ຮົບ ໄດ້​ເລີ່ມ​ຂຶ້ນ​ຢູ່​ໃນ​ທະ­ຫານ​ເຂດ​ໃຈ­ກາງ ຕາມ​ການ​ຊີ້​ນຳ​ຂອງ​ປະ­ທາ­ນາ­ທິ­ບໍ­ດີ ວາ​ລາ​ດີ​ເມຍ ປູ​ຕິນ ຊຶ່ງ​ເປັນ​ຜູ້​ບັນ­ຊາ​ການ​ສູງ​ສຸດ.

    ອົງ­ການ​ບັນ­ຊາ​ການ​ການ​ທະ­ຫານ​ທັງ​ໝົດ ທີ່​ຂຶ້ນ​ກັບ​ທະ­ຫານ​ເຂດ​ໃຈ­ກາງ ປະ­ກອບ​ກັບ ກອງ​ກຳ­ລັງ​ຈຳ­ນວນ​ໜຶ່ງ ທີ່​ຂຶ້ນ​ກັບ​ທະ­ຫານ​ເຂດ​ທິດ­ໃຕ້ ແລະ ​ທິດ­ຕາ­ເວັນ­ອອກ ກອງ​ກຳ­ລັງ​ທະ­ຫານ ອາ­ກາດ​ຍົກ​ພົນ​ລົງ​ບົກ ພ້ອມ​ດ້ວຍ​ເຫຼົ່າ​ຮົບ​ຂົນ­ສົ່ງ​ທາງ​ອາ­ກາດ​ດ້ານ​ການ​ທະ­ຫານ ຕ່າງ​ກໍ​ໄດ້​ຢູ່​ໃນ​ພາ­ວະ ກຽມ­ພ້ອມ​ສູ້​ຮົບ​ສູງ.

    ໃນ​ການ­ສະ­ແດງ​ການ​ຝຶກ​ຊ້ອມ​ນັ້ນ ກົມ​ກອງ​ຕ່າງໆ​ຈະ​ໄດ້​ປະ­ຕິ­ບັດ​ໜ້າ­ທີ່​ການ​ເພີ່ມ​ທະ­ວີ ປ້ອງ​ກັນ ຕໍ່​ບັນ­ດາ​ສຳ­ນັກ­ງານ​ອົງ­ການ​ຂອງ​ລັດ ແລະ ​ການ​ທະ­ຫານ​ທີ່​ສຳ­ຄັນ ການ​ປ້ອງ​ກັນ​ທາງ​ອາ­ກາດ ສະ­ກັດ​ກັ້ນ​ໄພ​ຄຸກ​ຄາມ​ກໍ່​ການ​ຮ້າຍ ການ​ດັບ​ສູນ​ບັນ­ດາ​ກຸ່ມ​ປະ­ກອບ​ອາ­ວຸດ​ທີ່​ຜິດ​ກົດ­ໝາຍ ແລະ ​ກອງ ກຳ­ລັງ​ທະ­ຫານ​ອື່ນໆ​ທີ່​ເຄື່ອນ​ໄຫວ​ທຳ­ລາຍ.

    ການ­ສະ­ແດງ​ການ​ຝຶກ​ຊ້ອມ​ດັ່ງ­ກ່າວ ຈະ​ດຳ­ເນີນ​ໄປ​ແຕ່​ວັນ​ທີ 24-28 ມິ­ຖຸ­ນາ ໂດຍ​ມີ​ການ­ສະ­ແດງ​ການ​ຝຶກ​ຊ້ອມ​ກວ່າ 50 ລາຍ­ການ ຢູ່​ໃນ​ສະ­ໜາມ​ຝຶກ​ຊ້ອມ 35 ແຫ່ງ. ການ­ເຄື່ອນ­ໄຫວ​ດັ່ງ­ກ່າວ ແມ່ນ​ເພື່ອ​ຕີ​ລາ­ຄາ​ເຖິງ​ຄວາມ​ສາ­ມາດ​ໃນ​ການ​ສູ້​ຮົບ ຂອງ​ບັນ­ດາ​ກົມ​ກອງ ປະ­ກອບ​ອາ­ວຸດ ຮັບ­ປະ­ກັນ​ຄວາມ​ສະ­ຫງົບ​ດ້ານ​ການ​ທະ­ຫານ ຢູ່​ໃນ​ເຂດ​ອາ­ຊີ​ກາງ ບ່ອນ​ທີ່​ມີ​ໄພ​ຄຸກ​ຄາມ ກໍ່​ການ​ຮ້າຍ​ຫຼາຍ ຊຶ່ງ​ປັດ­ຈຸ­ບັນ​ນີ້​ຍັງ​ມີ​ຢູ່. ເປົ້າ​ໝາຍ​ອີກ​ຢ່າງ​ໜຶ່ງ​ໜຶ່ງ​ອີກ​ຂອງ​ການ​ກວດ­ກາ ກໍ​ແມ່ນ​ກຳ­ນົດ​ເຖິງ​ລະ­ດັບ​ຄວາມ​ພ້ອມ​ໃນ​ການ​ສູ້​ຮົບ ຂອງ​ບັນ­ດາ​ກົມ​ກອງ​ທີ່​ເຂົ້າ​ຮ່ວມ​ການ​ຊ້ອມ​ຮົບ ດ້ານ​ການ​ບັນ­ຊາ​ການ-ເສ­ນາ​ທິ​ການ ຍຸດ​ທະ​ສາດ “ຈຸດ​ໃຈ­ກາງ 2019” ຊຶ່ງ​ເປັນ​ເຫດ­ການ​ການ​ຝຶກ​ຊ້ອມ ທີ່​ສຳ­ຄັນ​ທີ່​ສຸດ ໃກ້​ຈະ​ເກີດ​ຂຶ້ນ​ພາຍ​ໃນ​ປີ​ນີ້.

ຂ່າວທີ່ກ່ຽວຂ້ອງ