ອາ​ເມ​ຣິ​ກາ-ອັງກິດ ໃຫ້​ທຶນ​ແກ້​ໄຂ​ບັນຫາ​ລະເບີດ​ບໍ່​ທັນ​ແຕກ​ຢູ່​ລາວ

534 25 ມິ.ຖ. 2019 ຂ່າວໜ້າ​ໜຶ່ງ
ອາ​ເມ​ຣິ​ກາ-ອັງກິດ ໃຫ້​ທຶນ​ແກ້​ໄຂ​ບັນຫາ​ລະເບີດ​ບໍ່​ທັນ​ແຕກ​ຢູ່​ລາວ

    ພິທີ​ເຊັນ​ບົດ​ບັນທຶກ​ຄວາມ​ເຂົ້າໃຈ ເພື່ອ​ດຳເນີນ​ການ​ສຳ​ຫຼວດ ກວດ​ກູ້ ແລະ ໂຄສະນາ​ສຶກ​ສາ​ຄວາມ​ສ່ຽງ​ຈາກ ລະເບີດ​ບໍ່​ທັນ​ແຕກ (​ລບຕ) ຢູ່​ລາວ (​ຄຊກລ) ຈັດ​ຂຶ້ນ​ວັນ​ທີ 21 ມິຖຸນາ 2019 ຢູ່​ໂຮງແຮມ​ຄຣາວ​ພລາ​ຊາ ນະຄອນຫຼວງ​ວຽງ​ຈັນ ລະຫວ່າງ​ທ່ານ ໂຈມ​ແຍງ ແພງ​ທອງ​ສະ​ຫວັດ ຫົວໜ້າ​ຫ້ອງການ ​ຄຊກລ ທ່ານ ພໍ ມິວ​ເລີ້ ຫົວໜ້າ​ອົງການ​ຮາ​ໂລ​ທຼາດສ໌ ແລະ ທ່ານ ໂອ​ເບຼ ຊັດ​ເທີ​ແລນ ຫົວໜ້າ​ອົງການ​ຊ່ວຍເຫຼືອ​ລ້າ​ຂອງ​ປະຊາຊົນ​ນ໋ອກ​ແວ​ປະຈຳ​ລາວ ມີ​ທ່ານ ນາງ ໃບ​ຄຳ ຂັດ​ທິ​ຍະ ຮອງ​ລັດຖະມົນຕີ​ກະຊວງ​ແຮງ​ງານ ແລະ ສະຫວັດດີ​ການ-ສັງຄົມ ທ່ານ​ທູດ​ອາ​ເມ​ຣິ​ກາ ທູດ​ລາຊະ​ອານາຈັກ​ອັງກິດ​ປະຈຳ​ລາວ ແລະ ທ່ານ​ທູດ​ນ໋ອກ​ແວ​ປະຈຳ​ຫວຽດນາມ ພ້ອມ​ດ້ວຍ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ. 

    ການ​ຊ່ວຍເຫຼືອ​ຄັ້ງ​ນີ້ ອົງການ​ຮາ​ໂລ​ທຼາດສ໌​ໄດ້​ຮັບ​ທຶນ​ຈາກ​ລັດຖະບານ​ສະຫະລັດ​ອາ​ເມ​ຣິ​ກາ 17.285.000 ໂດ​ລາ​ສະຫະລັດ ຫຼື ປະມານ 150,56 ຕື້​ກີບ ແລະ ລັດຖະບານ​ອັງກິດ 3.761.000 ໂດ​ລາ ຫຼື ປະມານ 32,76 ຕື້​ກີບ ທຶນ​ຈຳນວນ​ນີ້​ຈະ​ນຳ​ໃຊ້​ເຂົ້າ​ໃນ​ການ​ສຳ​ຫຼວດ ກວດ​ກູ້ ແລະ ໂຄສະນາ​ສຶກ​ສາ​ຄວາມ​ສ່ຽງ​ຈາກ ​ລບຕ ຢູ່​ແຂວງ​ສະຫວັນ​ນະ​ເຂດ​ປີ 2019-2022 ສ່ວນ​ອົງການ​ຊ່ວຍເຫຼືອ​ລ້າ​ຂອງ​ປະຊາຊົນ​ນ໋ອກ​ແວ​ປະຈຳ​ລາວ​ທີ່​ໄດ້​ຮັບ​ທຶນ​ຈາກ​ລັດຖະບານ​ອາ​ເມ​ຣິ​ກາ 10.745.453 ໂດ​ລາ ຫຼື ປະມານ 93,55 ຕື້​ກີບ ຈະ​ນຳ​ໃຊ້​ເຂົ້າ​ໃນ​ການ​ສຳ​ຫຼວດ ແລະ ກວດ​ກູ້ ​ລບຕ ຢູ່​ແຂວງ​ສາລະ​ວັນ ຈຳປາ​ສັກ ເຊ​ກອງ ແລະ ອັດ​ຕະ​ປື ແລະ ທຶນ​ຈາກ​ລັດຖະບານ​ອັງກິດ 513.709 ໂດ​ລາ ຫຼື ປະມານ 4,47 ຕື້​ກີບ ນຳ​ໃຊ້​ເຂົ້າ​ໃນ​ການ​ສ້າງ​ຂີດ​ຄວາມ​ສາມາດ​ທາງ​ດ້ານ​ການ​ບໍລິຫານ​ຄຸ້ມ​ຄອງ​ວຽກ​ງານ​ແກ້​ໄຂ​ບັນຫາ ​ລບຕ ໃຫ້​ຫ້ອງການ ​ຄຊກລ ສູນ​ກາງ ແລະ ຫ້ອງການ​ປະສານ​ງານ ​ຄຊກລ ແຂວງ​ສາລະ​ວັນ ຈຳປາ​ສັກ ເຊ​ກອງ ແລະ ອັດ​ຕະ​ປື ປີ 2019-2020.  

ຂ່າວທີ່ກ່ຽວຂ້ອງ