ກຸມ​ບໍລິສັດ​ການ​ຢາ Pfizer ຊື້​ Array BioPharma ໃນ​ມູນຄ່າ​ກວ່າ 11 ຕື້​ໂດ​ລາ

676 24 ມິ.ຖ. 2019 ຂ່າວຕ່າງປະເທດ
ກຸມ​ບໍລິສັດ​ການ​ຢາ Pfizer ຊື້​ Array BioPharma ໃນ​ມູນຄ່າ​ກວ່າ 11 ຕື້​ໂດ​ລາ

  ກຸ່ມ​ບໍລິສັດ​ການ​ຢາ Pfizer ຂອງ ສ ອາ​ເມ​ຣິ​ກາ ໄດ້​ປະກາດ​ເມື່ອ​ວັນ​ທີ 17 ມິຖຸນາ​ທີ່​ຜ່ານ​ມາ ເຖິງ​ການ​ຈັດ​ຊື້​ເອົາ Array BioPharma ຊຶ່ງ​ເປັນ​ບໍລິສັດ​ດ້ານ​ເຕັກ​ໂນ​ໂລ​ຊີ​ຊີວະ​ສາດ ທີ່​ປຸງ​ແຕ່ງ​ຢາ​ປົວ​ພະຍາດ​ມະ​ເຮັງ.

     Pfizer ແຈ້ງ​ໃຫ້​ຮູ້​ຢູ່​ໃນ​ຖະແຫຼງການ​ສະບັບ​ໜຶ່ງ​ວ່າ ໄດ້​ເຫັນ​ດີ​ຈ່າຍ​ເງິນ 48 ໂດ​ລາ​ສະຫະລັດ/ຫຸ້ນ ຂອງ Array ທີ່​ພວມ​ຈໍ​ລະ​ຈອນ​ຢູ່ ເຮັດ​ໃຫ້​ມູນ​ຄ່າ​ຂອງ​ສັນຍາ​ຂຶ້ນ​ເປັນ 11,4 ຕື້ ໂດ​ລາ​ສະຫະລັດ. ຖະແຫຼງການ​ກໍ​ໃຫ້​ຮູ້​ວ່າ ຄະນະ​ອຳນວຍ​ການ​ຂອງ​ສອງ​ບໍລິສັດ ໄດ້​ເຫັນ​ດີ​ເປັນ​ເອກະສັນ​ກັນ ກ່ຽວ​ກັບ​ການ​ໂຮມ​ຕົວ​ກັນ​ດັ່ງກ່າວ.

     ການ​ທີ່ Pfizer ຊື້​ເອົາ Array BioPharma ນັບ​ວ່າ​ເປັນ​ສັນຍາ​ການ​ຄ້າ​ດ້ວຍ​ການ​ຊື້​ຂາຍ ແລະ​ການ​ໂຮມ​ຕົວ​ໃໝ່​ຫຼ້າ​ສຸດ ໃນ​ຂົງເຂດ​ເຕັກ​ໂນ​ໂລ​ຊີ​ຊີວະ​ສາດ ພາຍ​ໃນ​ຫຼາຍ​ປີ​ມໍ່ໆມານີ້. ເມື່ອ​ເດືອນ​ມັງກອນ​ທີ່​ຜ່ານ​ມາ ກຸ່ມ​ບໍລິສັດ​ການ​ຢາ Bristol-Myers-Squibb ກໍ​ໄດ້​ແຈ້ງ​ໃຫ້​ຮູ້​ເຖິງ​ການ​ຈັດ​ຊື້​ເອົາ​ກຸ່ມ​ບໍລິສັດ​ເຕັກ​ໂນ​ໂລ​ຊີ​ຊີວະ​ສາດ Celgene ໃນ​ສັນຍາ​ການ​ຄ້າ​ສະບັບ​ໜຶ່ງ ທີ່​ມີ​ມູນ​ຄ່າ​ເຖິງ 74 ຕື້​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ