ຜູ້ນຳ​ຣັດ​ເຊຍ ພົບ​ປະ​ທາງອອນ​ລາຍ​ກັບ​ປະຊາຊົນ

606 24 ມິ.ຖ. 2019 ຂ່າວຕ່າງປະເທດ
ຜູ້ນຳ​ຣັດ​ເຊຍ ພົບ​ປະ​ທາງອອນ​ລາຍ​ກັບ​ປະຊາຊົນ

   ປະທານາທິບໍດີ ວາ​ລາ​ດີ​ເມຍ ປູ​ຕິນ ຜູ້ນຳ​ຣັດ​ເຊຍ ໄດ້​ພົບ​ປະ​ອອນ​ລາຍ​ກັບ​ປະຊາຊົນ​ຣັດ​ເຊຍ ໃນ​ວັນ​ທີ 20 ມິຖຸນາ​ທີ່​ຜ່ານ​ມາ ຊຶ່ງ​ນັບ​ວ່າ​ເປັນ​ພົບ​ປະ​ເປັນ​ຄັ້ງ​ທີ 17 ທັງ​ໃນ​ຖານະ​ເປັນ​ປະທານາທິບໍດີ ແລະ​ນາຍົກລັດຖະມົນຕີ.

      ປະຊາຊົນ​ສາມາດ​ສົ່ງ​ຄຳ​ຖາມ ໄປ​ຍັງ​ການ​ພົບ​ປະ​ນັ້ນ  ຕັ້ງແຕ່​ວັນ​ທີ 19 ມິຖຸນາ ຈົນ​ຮອດ​ເວລາ​ສິ້ນ​ສຸດ​ການ​ພົບ​ປະ​ທາງ​ໂທລະສັບ ແລະ​ສົ່ງ​ຂໍ້ຄວາມ ກໍ​ຄື​ຜ່ານ “Moskva-Putin” ເປັນ​ການ​ສະເພາະ ຫຼື​ຜ່ານ​ເວບ​ໄຊ moskva-putinu.ru ແລະ​ບັນດາ​ສື່​ສັງຄົມ​ທີ່​ໃຊ້​ກັນ​ທົ່ວ​ໄປ​ໃນ​ຣັດ​ເຊຍ. ນອກຈາກ​ນັ້ນແລ້ວ ປະຊາຊົນ​ຍັງ​ສາມາດ​ຖາມ​ໂດຍ​ກົງ​ຜ່ານ​ທາງ​ໂທລະພາບ ກັບ​ປະມຸກ​ລັດ​ຣັດ​ເຊຍ ໃນ​ເວລາ​ທີ່​ທ່ານ​ພວມ​ຕອບ​ຄຳ​ຖາມ.

     ຕົວ​ເລກ​ທີ່​ມີ​ອອກ​ມາ​ເມື່ອ​ວັນ​ທີ 19 ມີ​ຖຸ​ນາ ໃຫ້​ຮູ້​ວ່າ ໃນ​ປີ​ນີ້ ປະທານາທິບໍດີ ປູ​ຕິນ ໄດ້​ຮັບ​ຄຳ​ຖາມ​ທັງ​ໝົດ 1.315.763 ຄຳ​ຖາມ ໂດຍ​ຖາມ​ເຖິງ​ບັນຫາ​ຕ່າງໆ​ຢູ່​ພາຍ​ໃນ​ປະເທດ ແລະ​ການ​ພົວພັນ​ກັບ​ຕ່າງປະເທດ. ຫຼັງ​ຈາກ​ການ​ຕອບ​ຄຳ​ຖາມ​ເຫຼົ່ານັ້ນ​ແລ້ວ ປະທານາທິບໍດີ ປູ​ຕິນ ກໍ​ທ້ອນໂຮມ​ໃຫ້​ເປັນ​ລາຍການ​ການ​ໃນ​ການ​ຊີ້​ນຳ ບົ່ງ​ຕົວ​ຜູ້​ຮັບຜິດຊອບ ແລະ​ ກຳນົດ​ເວລາ​ທີ່​ຕ້ອງ​ປະຕິບັດ​ຄຳ​ສັ່ງ​ແນະນຳ.

ຂ່າວທີ່ກ່ຽວຂ້ອງ