ຈີນ ​ໃຫ້​ສັນຍາ​ເປີດ​ປະຕູ​ທາງ​ດ້ານ​ເສດຖະກິດ ເພື່ອ​ດຶງ​ດູດ​ການ​ລົງທຶນ​ຈາກ​ຕ່າງປະເທດ

572 24 ມິ.ຖ. 2019 ຂ່າວຕ່າງປະເທດ
 ຈີນ ​ໃຫ້​ສັນຍາ​ເປີດ​ປະຕູ​ທາງ​ດ້ານ​ເສດຖະກິດ ເພື່ອ​ດຶງ​ດູດ​ການ​ລົງທຶນ​ຈາກ​ຕ່າງປະເທດ

   ທ່ານ ຫຼີ​ເຄີ້​ສຽງ ນາຍົກລັດຖະມົນຕີ​ຈີນ ມີ​ຄຳ​ສັນຍາ​ອອກ​ມາ​ເມື່ອ​ວັນ​ທີ 20 ມິຖຸນາ​ນີ້ ລະຫວ່າງ​ທີ່​ທ່ານ​ພົບ​ປະ​ກັບ​ຜູ້​ອຳ​ນວ​​ຍ​ການ​ຝ່າຍ​ບໍລິຫານ  (CEO) ຂອງ​ບັນດາ​ບໍລິສັດ​ລະດັບ​ຊັ້ນ​ນຳ​ຂອງ​ໂລກ 19 ແຫ່ງ ໂດຍ​ທ່ານ​ໄດ້​ເວົ້າ​ວ່າ ຈີນ​ຈະ​ໂຍະຍານ​ບັນດາ​ສິ່ງ​ຈຳກັດ ທີ່​ມີ​ຕໍ່​ການ​ເຂົ້າ​ຫາ​ຕື່ມ​ອີກ​ໃນ​ບາງ​ຂົງເຂດ ເພື່ອ​ເຮັດ​ໃຫ້​ເກີດ​ສະພາບ​ແວດ​ລ້ອມ​ການ​ເຮັດ​ທຸລະ​ກິດ​ມຸ່ງ​ສູ່​ຕະຫຼາດ​ທີ່​ໄດ້​ຫັນ​ເປັນ​ສາກົນ ໂດຍ​ອີງໃສ່​ຂໍ້​ກຳນົດ​ໃນ​ກົດໝາຍ.

    ນາຍົກລັດຖະມົນຕີ ຫຼີ​ເຄີ້​ສຽງ ໃຫ້​ສັນຍາ​ວ່າ ຈີນ​ຈະ​ເປີດ​ປະຕູ​ພື້ນຖານ​ເສດຖະກິດ​ຫຼາຍ​ຂຶ້ນ ເພື່ອ​ດຶງ​ດູດ​ການ​ລົງທຶນ​ຂອງ​ຕ່າງປະເທດ​ຕື່ມ​ອີກ.

    ໃນ​ຂະນະ​ດຽວ​ກັນ ທ່ານ ເຈນ ພາ​​ສ​ກາ​​ລ ຕຣີ​ກອຍ CEO ຂອງ​ບໍລິສັດ Schneider Electric ກ່າວ​ຢູ່​ໃນ​ການ​ພົບ​ປະ​ດັ່ງກ່າວ ໂດຍ​ໄດ້​ຢືນຢັນ​ວ່າ ບັນດາ​ບໍລິສັດ​ຂອງ​ຕ່າງປະເທດ ເປັນ “ຂົວ​ຕໍ່” ທີ່​ດີ​ທີ່​ສຸດ ລະຫວ່າງ​ຈີນ ກັບ​ປະເທດ​ອື່ນໆ​ໃນ​ໂລກ.

ຂ່າວທີ່ກ່ຽວຂ້ອງ