ເຊີນທ່ຽວຊົມຜະລິດຕະພັນງານເອັກສະໂປລາວ

1.038 21 ມິ.ຖ. 2019 ຂ່າວໜ້າ​ໜຶ່ງ
ເຊີນທ່ຽວຊົມຜະລິດຕະພັນງານເອັກສະໂປລາວ

    ງານ LAO TOP 3 EXPO 2019 ຈັດ​ຂຶ້ນ​ວັນ​ທີ 20-22 ມິ­ຖຸ­ນາ 2019 ທີ່​ຫໍ​ປະ­ຊຸມ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ ມີ​ທ່ານ ບຸນ​ຈັນ ສິນ​ທະ​ວົງ ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ທ່ານ ພັນ​ທອງ ພິດ​ທຸມ­ມາ ຮອງ​ລັດ­ຖະ­ມົນ­ຕີ ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ບັນ­ດາ​ທູ­ຕາ­ນຸ­ທູດ ຫົວ­ໜ້າ​ກົມ ຮອງ​ກົມ ພະ­ແນກ­ການ ຜູ້​ປະ­ກອບ​ການ ແລະ ຫົວ­ໜ່ວຍ​ທຸ­ລະ​ກິດ​ທີ່​ມາ​ຈາກ 12 ປະ­ເທດ​ເຂົ້າ​ຮ່ວມ.

    ງານ​ວາງ­ສະ­ແດງ​ຄັ້ງ​ນີ້​ປະ­ກອບ​ດ້ວຍ​ງານ​ວາງ­ສະ­ແດງ​ລະ­ດັບ​ສາ­ກົນ​ທາງ​ດ້ານ​ອຸດ­ສາ­ຫະ­ກຳ​ອາ­ຄານ ການ​ກໍ່­ສ້າງ ແລະ ອຸດ​ສາ​ຫະ ກຳ​ຂະ­ໜາດ​ໃຫຍ່​ຂອງ​ລາວ (LAOBUILD 2019)  ງານ​ວາງ­ສະ­ແດງ​ລະ­ດັບ​ສາ­ກົນ​ກ່ຽວ​ກັບ​ອຸດ­ສາ­ຫະ­ກຳ​ການ​ສະ­ໜອງ​ນ້ຳ ແລະ ບົວ​ລະ ບັດ​ຂອງ​ລາວ (LAOWATER 2019) ແລະ ງານ​ວາງ­ສະ­ແດງ​ລະ­ດັບ​ສາ­ກົນ​ທາງ​ດ້ານ​ອາ­ຫານ ແລະ ເຄື່ອງ​ດື່ມ​ຂອງ​ລາວ (LAOFOOD 2019) ຈັດ​ໂດຍ​ກຸ່ມ​ບໍ­ລິ­ສັດ ເອ​ເອັມ​ບີ​ທາ​ສັສ​ອີ​ເວັ້ນ ສ່ວນ​ງານ​ວາງ­ສະ­ແດງ​ທຸ­ລະ​ກິດ​ກັບ​ທຸ­ລະ​ກິດ​ຈັດ​ໂດຍ​ສະ­ມາ­ຄົມ​ສະ­ຖາ­ປະ­ນິກ ແລະ ວິ​ສະ ວະ​ກອນ​ກໍ່­ສ້າງ​ລາວ ເຊິ່ງ​ງານ​ຄັງ​ນີ້​ມີ​ຫຼາຍ​ກວ່າ 150 ບໍ­ລິ­ສັດ ແລະ ຍີ່­ຫໍ້​ຊັ້ນ​ນຳ​ຈາກ 12 ປະ­ເທດ ເປັນ­ຕົ້ນ ຈີນ ອີ​ຕາ​ລີ ເຢຍ​ລະ​ມັນ ຍີ່­ປຸ່ນ ເກົາ­ຫຼີ ມາ​ເລ​ເຊຍ ໄທ ແລະ ສິງ­ກະ­ໂປ ທີ່​ໄດ້​ນຳ​ສິນ­ຄ້າ ແລະ ເຕັກ​ໂນ​ໂລ​ຊີ​ໃໝ່ໆ​ທາງ​ດ້ານ​ອຸດ­ສາ­ຫະ­ກຳ​ອາ­ຄານ ແລະ ການ​ກໍ່­ສ້າງ ການ​ບົວ­ລະ­ບັດ​ນ້ຳ ໄຟ­ຟ້າ ເຄື່ອງ​ປັບ​ອາ­ກາດ ອາ­ຫານ ແລະ ເຄື່ອງ​ດື່ມ​ມາ​ຮ່ວມ​ວາງ­ສະ­ແດງ ເຊິ່ງ​ຕະ­ຫຼອດ​ງານ​ໄລ­ຍະ 3 ວັນ ຈະ​ມີ​ຫຼາຍ​ພັນ​ຄົນ​ທີ່​ກ່ຽວ​ກັບ​ການ​ຄ້າ​ຈະ​ຄົ້ນ​ພົບ​ການ​ສະ­ໜອງ​ໃໝ່ໆ ຄົ້ນ​ຫາ​ຄູ່​ຮ່ວມ​ທຸ­ລະ​ກິດ ແບ່ງ­ປັນ​ປະ­ສົບ​ການ ແລະ ໄດ້​ຮັບ​ຮູ້​ກ່ຽວ​ກັບ​ເຕັກ​ໂນ​ໂລ​ຊີ​ທີ່​ເປັນ​ອັນ​ຮູ້­ຈັກ​ໃນ​ປັດ­ຈຸ­ບັນ ພ້ອມ​ນັ້ນ ຍັງ​ຈະ​ໄດ້​ຈັດ​ກອງ​ປະ­ຊຸມ​ປະ­ຈຳ​ປີ 2019 ຂອງ​ສະ­ມາ­ຄົມ​ສະ­ຖາ­ປະ­ນິກ ແລະ ວິ­ສະ­ວະ­ກອນ​ກໍ່­ສ້າງ​ລາວ ທີ່​ຈະ​ໄດ້​ຮັບ​ການ​ເຂົ້າ​ຮ່ວມ​ຫຼາຍ​ກວ່າ 300 ນັກ​ສະ­ຖາ­ປະ­ນິກ ແລະ ວິ­ສະ­ວະ­ກອນ​ກໍ່­ສ້າງ ພ້ອມ​ນັ້ນ ພາຍ​ໃນ​ງານ​ຍັງ​ມີ​ການ​ປາ​ໄສ​ກ່ຽວ​ກັບ​ສິ່ງ​ທ້າ​ທາຍ ແລະ ແກ້​ໄຂ​ບັນ­ຫາ​ທາງ​ດ້ານ​ອຸດ­ສາ­ຫະ­ກຳ​ອາ­ຄານ ການ​ກໍ່­ສ້າງ ການ​ຜະ­ລິດ ແລະ ປິ່ນ­ປົວ​ນ້ຳ ນອກ​ນີ້ ຍັງ​ມອບ​ລາ­ງວັນ​ການ​ກໍ່­ສ້າງ ແລະ ອະ​ສັງ​ຫາ​ດີ­ເດັ່ນ​ຂອງ​ລາວ​ປີ 2019 ແລະ ລາ­ງວັນ​ສະ­ເຫຼີມ­ສະ­ຫຼອງ​ໃຫ້​ຜູ້​ທີ່​ມີ​ການ​ປະ­ກອບ­ສ່ວນ​ໃນ​ການ​ກໍ່­ສ້າງ ການ​ອອກ​ແບບ ແລະ ອາ­ຄານ​ສີ­ຂຽວ​ຕື່ມ​ອີກ ດັ່ງ­ນັ້ນ ເຊີນ­ຊວນ​ນັກ­ທຸ­ລະ­ກິດ ຜູ້​ປະ­ກອບ​ການ ຜູ້​ທີ່​ສົນ­ໃຈ​ແບ່ງ­ປັນ​ປະ­ສົບ​ການ ຜູ້​ສົນ­ໃຈ​ຄູ່​ຄ້າ ແລະ ສິນ­ຄ້າ​ຕ່າງໆ​ທັງ​ພາຍ​ໃນ ແລະ ຕ່າງ­ປະ­ເທດ ກໍ​ສາ­ມາດ​ເຂົ້າ​ຢ້ຽມ​ຊົມ​ໄດ້.

ຂ່າວທີ່ກ່ຽວຂ້ອງ