Fed ຮັກສາ​ອັດຕາ​ດອກ​ເບ້ຍ​ພື້ນຖານ​ໄວ້​ຄືເກົ່າ

917 21 ມິ.ຖ. 2019 ຂ່າວຕ່າງປະເທດ
Fed ຮັກສາ​ອັດຕາ​ດອກ​ເບ້ຍ​ພື້ນຖານ​ໄວ້​ຄືເກົ່າ

     ຕາມ​ຂ່າວ​ຈາກ​ວໍ​ຊິງ​ຕັນ ວັນ​ທີ 19 ມິຖຸນາ​ນີ້ ທະນາຄານ​ກາງຂອງ ສ ອາ​ເມ​ຣິ​ກາ (Fed) ໄດ້​ຕົກລົງ​ຮັກສາ​ອັດຕາ​ດອກ​ເບ້ຍ​ພື້ນຖານ​ໄວ້​ຄືເກົ່າ. ໃນ​ຖະແຫຼງການ​ສະບັບ​ໜຶ່ງ ທີ່​ມີ​ອອກ​ມາ​ຫຼັງ​ການ ປະຊຸມ​ເປັນ​ເວລາ 2 ວັນ ກ່ຽວ​ກັບ​ນະໂຍບາຍ​ນັ້ນ ຄະນະ​ກຳມະການ​ດ້ານ​ການ​ຕະຫຼາດ​ເປີດ (FOMC) ຂອງ ສ ອາ​ເມ​ຣິ​ກາ  ຊຶ່ງ​ເປັນ​ອົງການ​ກຳນົດ​ນະໂຍບາຍ​ຂອງ Fed ກໍ​ໄດ້​ຕົກລົງ​ຮັກສາ ອັດຕາ ດອກ​ເບ້ຍ​ພື້ນຖານ​ໄວ້​ຄືເກົ່າ ຢູ່​ທີ່​ລະດັບ​ແຕ່ 2,25-2,5%.

     FOMC ຈະ​ຕິດຕາມ​ກວດກາ​ຢ່າງ​ເຂັ້ມ​ງວດ ຕໍ່​ການ​ຜັນ​ແປ​ຂອງ​ສະພາບ​ການ​ດ້ານ​ເສດຖະກິດ ແລະ ​ຈະ​ດຳເນີນ​ການ​ຢ່າງ​ເໝາະ​ສົມ ເພື່ອ​ຮັກສາ​ທ່ວງ​ທ່າ​ຄວາມ​ເຕີບ​ໂຕ​ເອົາ​ໄວ້ ປະກອບ​ກັບ ຕະຫຼາດ​ແຮງ​ງານ​ເຂັ້ມແຂງ ແລະ​ເງິນ​ເຟີ້​ໃກ້​ກັບ​ຄາດໝາຍ​ສົມ​ດຸນ​ທີ່​ລະດັບ 2%.

ຂ່າວທີ່ກ່ຽວຂ້ອງ