ຂ່າວຫຼ້າສຸດ

ມີ​ອີກ 4 ປະເທດ​ເຂົ້າ​ຮ່ວມ​ໃນ​ສູນ​ການ​ຮ່ວມ​ມື​ປ້ອງ​ກັນ​ເຄືອ​ຂ່າຍ​ອິນ​ເຕີ​ເນັດ​ຂອງ NATO

757 21 ມິ.ຖ. 2019 ຂ່າວຕ່າງປະເທດ
ມີ​ອີກ 4 ປະເທດ​ເຂົ້າ​ຮ່ວມ​ໃນ​ສູນ​ການ​ຮ່ວມ​ມື​ປ້ອງ​ກັນ​ເຄືອ​ຂ່າຍ​ອິນ​ເຕີ​ເນັດ​ຂອງ NATO

    ວັນ​ທີ 17 ມິຖຸນາ​ນີ້ ບູນ​ກາ​ຣີ ດານ​ມາກ ນອກ​ແວ ແລະ​ ຣູ​ມາ​ນີ ໄດ້​ເຂົ້າ​ຮ່ວມ​ເປັນ​ສະມາຊິກ​ຂອງ​ສູນ​ການ​ຮ່ວມ​ມື​ປ້ອງ​ກັນ​ເຄືອ​ຂ່າຍ​ອິນ​ເຕີ​ເນັດ ຂອງ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO) ຊຶ່ງ​ສູນ​ນັ້ນ​ຕັ້ງ​ຢູ່​ໃນ​ນະຄອນຫຼວງ ຕາ​ລິນ ຂອງ​ເອ​​ສ​ໂຕ​ນີ.

     ປັດຈຸບັນ​ນີ້ ສູນ​ດັ່ງກ່າວ​ມີ 25 ປະເທດ​ເປັນ​ສະມາຊິກ  ໂດຍ​ມີໜ້າ​ທີ່​ຍົກ​ສູງ​ກຳລັງ​ຄວາມ​ສາມາດ​ໃນ​ການ​ຮ່ວມ​ມື ແລະ​ແບ່ງປັນ​ຂໍ້​ມູນ​ຂ່າວສານ​ລະຫວ່າງ  NATO ບັນດາ​ປະເທດ​ສະມາຊິກ ແລະ​ຄູ່​ຮ່ວມ ໃນ​ການ​ປ້ອງ​ກັນ​ເຄືອ​ຂ່າຍ​ອິນ​ເຕີ​ເນັດ ໂດຍ​ຜ່ານ​ການ​ສຶກ​ສາ ຄົ້ນຄວ້າ ແລະ​ ພັດທະນາ ວິໄຈ ແລະ​ທີ່​ປຶກສາ.

     ປັດຈຸບັນ​ນີ້ ຍີ່ປຸ່ນ ມົນ​ເຕ​ເນ​ໂກຣ ໂກຣ​ອາຊີ ສະ​ໂລ​ເວ​ນີ ແລະ​ ສະ​ວິດ ພວມ​ດຳເນີນ​ການ​ເຈລະຈາ​ເພື່ອ​ເຂົ້າ​ຮ່ວມ​ສູນ​ດັ່ງກ່າວ ໃນ​ຂະນະ​ທີ່ ລຸກ​ຊຳ​ບວກ ແລະ ​ອົດ​ສະ​ຕຣາ​ລີ ໄດ້​ສະແດງ​ຄວາມ​ປາຖະໜາ​ເຂົ້າ​ຮ່ວມ​ໃນ​ສູນ​ປ້ອງ​ກັນ​ເຄືອ​ຂ່າຍ​ອິນ​ເຕີ​ເນັດ​ຂອງ NATO.

ຂ່າວທີ່ກ່ຽວຂ້ອງ