ທ່ານ ຊາ​ນາ​ຮັນ ຖອນ​ຕົວ​ອອກ​ຈາກ​ຖານະ​ຮັກສາ​ການ​ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ

387 20 ມິ.ຖ. 2019 ຂ່າວຕ່າງປະເທດ
ທ່ານ ຊາ​ນາ​ຮັນ ຖອນ​ຕົວ​ອອກ​ຈາກ​ຖານະ​ຮັກສາ​ການ​ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ

     ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ແຈ້ງ​ໃຫ້​ຮູ້ເມື່ອ​ວັນ​ທີ 18 ມິຖຸນາ​ນີ້​ວ່າ ທ່ານ ພາ​ຕຣິກ ຊາ​ນາ​ຮັນ ໄດ້​ຖອນ​ຕົວ​ອອກ​ຈາກ​ຖານະ​ການ​ເປັນ​ຜູ້​ຮັກສາ​ການ​ລັດຖະມົນຕີ ກະຊວງ​ປ້ອງ​ກັນ ປະເທດ ສ ອາ​ເມ​ຣິ​ກາ ແລ້ວ ດ້ວຍ​ເຫດຜົນ​ທາງ​ດ້ານ​ຄອບຄົວ.

     ປະທານາທິບໍດີ ທຣຳ ກໍ​ໃຫ້​ຮູ້​ວ່າ ທ່ານ ມາກ ເອ​​ສ​ເປີ ລັດຖະມົນຕີ​ກອງທັບ​ບົກ ຈະ​ໄດ້​ຮັບ​ການ​ບົ່ງ​ຕົວ​ເປັນ​ຜູ້​ຮັກສາ​ລັດຖະມົນຕີ​ປ້ອງ​ກັນ​ປະເທດ​ຄົນ​ໃໝ່.

     ທ່ານ ຊາ​ນາ​ຮັນ ກາຍເປັນ​ຜູ້​ຮັກສາ​ການ​ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ ຫຼັງ​ຈາກ​ທີ່​ທ່ານ ຈິມ ມາດ​ຕິ​​ສ ລາ​ອອກ​ຈາກ​ຕຳແໜ່ງ​ນີ້​ໄປ ເມື່ອ​ທ້າຍ​ປີ​ກາຍ ດ້ວຍ​ເຫດຜົນ​ວ່າ ມີ​ຄວາມ​ແຕກ​ຕ່າງ​ກ່ຽວ​ກັບ​ທັດສະນະ​ດ້ານ​ນະໂຍບາຍ ກັບ​ປະທານາທິບໍດີ ທຣຳ.

ຂ່າວທີ່ກ່ຽວຂ້ອງ