ສ ອາ​ເມ​ຣິ​ກາ ປະກາດ​ບ້ວງ​ເງິນ​ຊ່ວຍເຫຼືອ​ດ້ານ​ການ​ທະຫານ​ໃຫ້​ແກ່​ອູ​ແກຣນ

265 20 ມິ.ຖ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ປະກາດ​ບ້ວງ​ເງິນ​ຊ່ວຍເຫຼືອ​ດ້ານ​ການ​ທະຫານ​ໃຫ້​ແກ່​ອູ​ແກຣນ

    ວັນ​ທີ 18 ມິຖຸນາ​ນີ້ ທາງ​ການ ສ ອາ​ເມ​ຣິ​ກາ ໄດ້​ປະກາດ​ບ້ວງ​ເງິນ​ຊ່ວຍເຫຼືອ​ດ້ານ​ການ ທະຫານ​ໃຫ້​ແກ່ ອູ​ແກຣນ ເປັນ​ມູນ​ຄ່າ 250 ລ້ານ​ໂດ​ລາ​ສະຫະລັດ ເພື່ອ​ປັບປຸງ​ກຳລັງ ຄວາມ​ສາມາດ​ຂອງ​ກອງທັບ​ເຮືອ ແລະ ​ກອງທັບ​ບົກ ຂອງ​ອູ​ແກຣນ.

      ຈາກ​ບ້ວງ​ເງິນ​ຊ່ວຍເຫຼືອ​ດັ່ງກ່າວ ຈະ​ເປັນ​ການ​ຍົກ​ຍອດ​ມູນ​ຄ່າ​ຄວາມ​ຊ່ວຍເຫຼືອ ດ້ານ​ການ ທະຫານ ຊຶ່ງ ສ ອາ​ເມ​ຣິ​ກາ ໃຫ້​ແກ່ ອູ​ແກຣນ ເພີ່ມ​ຂຶ້ນ​ເປັນ 1,5 ຕື້ ໂດ​ລາ​ສະຫະລັດ ນັບ​ແຕ່​ປີ 2014 ເປັນຕົ້ນ​ມາ ຫຼັງ​ຈາກ​ທີ່​ຣັດ​ເຊຍ​ຜະໜວກ​ເອົາ​ແຫຼມ​ໄຄຣ​ເມຍ ແລະ​ ການ​ພິພາດ​ເກີດ​ຂຶ້ນ ຢູ່​ໃນ​ເຂດ​ທິດຕາເວັນອອກ​ຂອງ​ອູ​ແກຣນ ລະຫວ່າງ​ກອງ​ກຳລັງ​ຂອງ​ລັດຖະບານ ກັບ​ກອງ​ກຳລັງ ທີ່​ສະໜັບສະໜູນ​ເອກະລາດ​ຢູ່​ໃນ​ເຂດ​ດັ່ງກ່າວ.

     ບ້ວງ​ເງິນ​ຊ່ວຍເຫຼືອ​ໃໝ່​ຫຼ້າ​ສຸດ​ນີ້ ຈະ​ໄດ້​ໃຊ້​ເພື່ອ​ຊຳລະ​ໃຫ້​ແກ່​ບັນດາ​ອຸປະກອນ ຣາ​ດາ ໃຫ້​ແກ່​ກອງ​ກຳລັງ​ຂອງ​ກອງທັບ​ອູ​ແກຣນ ເພື່ອ​ຕ້ານ​ກັບ​ກອງ​ກຳລັງ​ທີ່​ສະໜັບສະໜູນ​ເອກະລາດ ຢູ່​ທາງ​ພາກ​ຕາເວັນ​ອອກ​ຂອງ​ອູ​ແກຣນ.

ຂ່າວທີ່ກ່ຽວຂ້ອງ