ຂ່າວຫຼ້າສຸດ

ອິນ​ເດຍ ຈະ​ກາຍເປັນ​ປະເທດ​ທີ່​ມີ​ປະຊາກອນ​ຫຼາຍ​ທີ່​ສຸດ​ໃນ​ໂລກ ພາຍ​ໃນ​ປີ 2027

195 19 ມິ.ຖ. 2019 ຂ່າວຕ່າງປະເທດ
ອິນ​ເດຍ ຈະ​ກາຍເປັນ​ປະເທດ​ທີ່​ມີ​ປະຊາກອນ​ຫຼາຍ​ທີ່​ສຸດ​ໃນ​ໂລກ ພາຍ​ໃນ​ປີ 2027

    ບົດ​ລາຍ​ງານ​ສະບັບ​ໜຶ່ງ​ຂອງ​ອົງການ​ສະຫະ​ປະຊາ​ຊາດ (​ສປຊ) ທີ່​ໃສ່​ຫົວຂໍ້​ວ່າ “ຄວາມ​ຫວັງ​ປະຊາກອນ​ໂລກ ປີ 2019: ບັນດາ​ຈຸດ​ທີ່​ພົ້ນ​ເດັ່ນ” ຊຶ່ງ​ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 17 ມິຖຸນາ​ນີ້ ໃຫ້ການ​ຢັ້ງຢືນ​ວ່າ ປະຊາກອນ​ອິນ ເດຍ​ຈະ​ເພີ່ມ​ຂຶ້ນ​ຕື່ມ​ເກືອບ 273 ລ້ານ​ຄົນ ນັບ​ແຕ່​ນີ້​ຮອດ​ປີ 2050 ແລະ​ວ່າ​ອິນ​ເດຍ​ຈະ​ຍັງ​ຄົງ​ເປັນ​ປະເທດ​ທີ່​ມີ​ປະຊາ ກອນ​ຫຼາຍ​ທີ່​ສຸດ​ໃນ​ໂລກ ໄປ​ຈົນ​ຮອດ​ທ້າຍ​ສະຕະວັດ​ນີ້.

    ບົດ​ລາຍ​ງານ​ດັ່ງກ່າວ ກໍ​ໃຫ້​ຮູ້​ວ່າ ອິນ​ເດຍ​ຈະ​ເຂົ້າ​ແທນ​ທີ່​ຈີນ ກາຍເປັນ​ປະເທດ​ທີ່​ມີ​ປະຊາກອນ ຫຼາຍ​ທີ່​ສຸດ ໃນ​ໂລກ​ພາຍ​ໃນ​ປະມານ​ປີ 2027. ປັດຈຸບັນ​ນີ້ ປະຊາກອນ​ຈີນ ແລະ ​ອິນ​ເດຍ ຕາມ​ລຳດັບ ຢູ່​ທີ່ 1,43 ຕື້​ຄົນ ແລະ 1,37 ຕື້​ຄົນ ພາຍ​ໃນ​ປີ 2019; ແລະ​ຕາມ​ລຳດັບ ກວມ​ເອົາ 19% ແລະ 18% ຂອງ​ຍອດ​ຈຳນວນ​ປະຊາກອນ ທົ່ວ​ໂລກ.

ເອກະສານ​ດັ່ງກ່າວ ເປັນ​ການ​ສະໜອງ​ມູມ​ມອງ​ໂດຍ​ລວມ ກ່ຽວ​ກັບ​ຮູບ​ແບບ ແລະ​ຄວາມ​ຫວັງ ຂອງ​ປະຊາ ກອນ​ໂລກ ຊຶ່ງ​ຕາມ​ນັ້ນແລ້ວ ປະຊາກອນ​ທົ່ວ​ໂລກ ຈະ​ເພີ່ມ​ຂຶ້ນ 2 ຕື້​ຄົນ ພາຍ​ໃນ 30 ປີ​ຖັດ​ໄປ ຄື​ຈາກ​ລະດັບ 7,7 ຕື້​ຄົນ ໃນ​ປັດຈຸບັນ ຂຶ້ນ​ເປັນ 9,7 ຕື້​ຄົນ ພາຍ​ໃນ​ປີ  2050 ແລະ​ອາດ ບັນລຸ​ຈຸດ​ສຸດ​ຍອດ ພາຍ​ໃນ​ປະມານ​ທ້າຍ ສະຕະວັດ​ນີ້ ຄື​ຢູ່​ທີ່​ລະດັບ​ເກືອບ 11 ຕື້​ຄົນ.

    ບົດ​ລາຍ​ງານ​ດັ່ງກ່າວ​ເຫັນ​ວ່າ ມີ 9 ປະເທດ​ຈະ​ກວມ​ເອົາ​ກວ່າ 50% ຂອງ​ລະດັບ​ເພີ່ມ​ຂຶ້ນ ຕາມ​ການ​ຄາດ​ຄະ ເນ​ຂອງ​ຈຳນວນ​ປະຊາກອນ​ໂລກ ແຕ່​ນີ້​ຮອດ​ປີ 2050 ອັນ​ປະກອບ​ດ້ວຍ ອິນ​ເດຍ ນີ​ເຊຣີ ປາ​ກິດ​ສະຖານ ກົງ​ໂກ ເອ​ທີ​ໂອ​ປີ ຕັງ​ຊາ​ນີ ອິນ​ໂດ​ເນ​ເຊຍ ເອ​ຢິບ ແລະ ສ ອາ​ເມ​ຣິ​ກາ.

ຂ່າວທີ່ກ່ຽວຂ້ອງ