ຂ່າວຫຼ້າສຸດ

ເກີດ​ເຫດ​ຂັດຂ້ອງ​ຮອບດ້ານ​ກັບ​ຕາ​ນ່າງ​ໄຟຟ້າ​ໃນ​ອາກ​ຊັງ​ຕິນ ແລະ​ ອູ​ຣູ​ໄກວ

124 19 ມິ.ຖ. 2019 ຂ່າວຕ່າງປະເທດ
ເກີດ​ເຫດ​ຂັດຂ້ອງ​ຮອບດ້ານ​ກັບ​ຕາ​ນ່າງ​ໄຟຟ້າ​ໃນ​ອາກ​ຊັງ​ຕິນ ແລະ​ ອູ​ຣູ​ໄກວ

     ເຈົ້າ​ໜ້າທີ່​ຂອງ​ອາກ​ຊັງ​ຕິນ ຢັ້ງຢືນ​ເມື່ອ​ວັນ​ທີ 16 ມິຖຸນາ​ນີ້​ວ່າ ສາເຫດ​ທີ່​ເຮັດ​ໃຫ້​ຂາດ​ໄຟຟ້າ “ຢ່າງ​ບໍ່​ເຄີຍ​ມີ​ມາ​ກ່ອນ” ໃນ​ຂອບ​ເຂດ​ທົ່ວ​ປະເທດ​ອາກ​ຊັງ​ຕິນ ລວມ​ໄປ​ເຖິງ​ອູ​ຣູ​ໄກວ ທີ່​ເປັນ​ປະເທດ​ໃກ້​ຄຽງ ແມ່ນ​ເປັນ​ຍ້ອນ​ເຫດ​ຂັດຂ້ອງ​ທີ່​ເກີດ​ຂຶ້ນ​ຢູ່​ໃນ​ຕາ​ນ່າງ​ໄຟຟ້າ ໃນ​ເຂດ​ແຄມ​ຝັ່ງ​ທະເລ​ຂອງ​ອາກ​ຊັງ​ຕິນ.

     ທ່ານ ກຸ​​ສ​ຕາ​ໂວ ໂລ​ເປ​ເຕ​ກຸຍ ລັດຖະມົນຕີ​ພະລັງງານ​ຂອງ​ອາກ​ຊັງ​ຕິນ ກ່າວ​ຕໍ່​ຜູ້​ສື່​ຂ່າວ​ຢູ່​ທີ່​ນະຄອນຫຼວງ ບູ​ເອນ​​ົສ ໄອ​ເຣ​​ສ ວ່າ​ກໍລະນີ​ການ​ຂາດ​ໄຟຟ້າ​ທົ່ວ​ທັງ​ລະບົບ ແມ່ນ​ເກີດ​ຂຶ້ນ​ຈາກ​ເຫດ​ຂັດຂ້ອງ​ຢູ່​ໃນ​ລະບົບ​ໄຟຟ້າ​ໃນ​ເຂດ​ແຄມ​ຝັ່ງ​ທະເລ. ນີ້​ບໍ່​ເປັນ​ເລື່ອງ​ທີ່​ຜິດ​ປົກກະຕິ ແຕ່​ເລື່ອງ​ທີ່​ທີ່​ຜິດ​ປົກກະຕິ ແລະ​ບໍ່​ໜ້າ​ຈະ​ເກີດ​ຂຶ້ນ ກໍ​ແມ່ນ​ເລື່ອງ​ທີ່​ເກີດ​ຕາມ​ມາ ທີ່​ເຮັດ​ໃຫ້​ເກີດ​ໄຟຟ້າ​ຂາດ​ທົ່ວ​ທັງ​ລະບົບ. ເຫດການ​ໄຟຟ້າ​ຂາດ ໃນ​ຂອບ​ເຂດ​ທົ່ວ​ປະເທດ ຢູ່​ໃນ​ອາກ​ຊັງ​ຕິນ ແລະ​ອູ​ຣູ​ໄກວ ສົ່ງ​ຜົນ​ໃຫ້​ປະຊາຊົນ​ໃນ​ສອງ​ປະເທດ​ນີ້​ປະມານ 48 ລ້ານ​ຄົນ ບໍ່​ມີ​ໄຟຟ້າ​ໃຊ້​ເປັນ​ເວລາ​ຫຼາຍ​ຊົ່ວໂມງ.

     ສະພາບ​ຂາດ​ໄຟຟ້າ​ໃນ​ບໍລິເວນ​ກວ້າງ ໄດ້​ເຮັດ​ໃຫ້​ລະບົບ​ການ​ຄົມມະນາຄົມ​ສາທາລະນະ ຢູ່​ໃນ​ນະຄອນຫຼວງ​ຂອງ​ອາກ​ຊັງ​ຕິນ ພົບ​ກັບ​ຄວາມ​ຕິດ​ຂັດ​ໃນ​ເວລາ​ຮຸ່ງ​ເຊົ້າ​ຂອງ​ວັນ​ທີ 16 ມິຖຸນາ ພ້ອມ​ກັນ​ນັ້ນ​ກໍ​ເຮັດ​ໃຫ້​ແຫຼ່ງ​ສະໜອງ​ນ້ຳ​ເກີດ​ຂາດ​ໄລຍະ​ໄປ ແລະ​ເຮັດ​ໃຫ້​ລະບົບ​ໂທລະສັບ ກໍ​ຄື​ອິນ​ເຕີ​ເນັດ ເປັນ​ອຳມະພາດ​ຢູ່​ໃນ​ນະຄອນຫຼວງ​ດັ່ງກ່າວ. ບັນດາ​ໂຮງໝໍ​ຂອງ​ລັດ ກໍ​ຄື​ຫ້ອງ​ກວດ​ພະຍາດ​ຂອງ​ເອກະ​ຊົນ ຕ້ອງ​ໄດ້​ໃຊ້​ຈັກ​ກຳເນີດ​ໄຟຟ້າ ໃນ​ຂະນະ​ທີ່​ຮ້ານ​ອາຫານ​ຫຼາຍ​ແຫ່ງ​ຕ້ອງ​ໄດ້​ປິດ​ການ​ບໍລິການ.

ຂ່າວທີ່ກ່ຽວຂ້ອງ