ນັກ​ທ່ອງ​ທ່ຽວ​ຊາວ​ອັງກິດ ຖືກ​ຈັບ​ຢູ່​ໃນ​ມາ​ຣົກ

155 19 ມິ.ຖ. 2019 ຂ່າວຕ່າງປະເທດ
ນັກ​ທ່ອງ​ທ່ຽວ​ຊາວ​ອັງກິດ ຖືກ​ຈັບ​ຢູ່​ໃນ​ມາ​ຣົກ

    ສຳນັກ​ຂ່າວສານ​ແຫ່ງ​ລັດ​ຂອງ​ມາ​ຣົກ (MAP) ແຈ້ງ​ໃຫ້​ຮູ້​ວ່າ ເມື່ອ​ບໍ່​ດົນ​ມາ​ນີ້ ມີ​ນັກ​ທ່ອງ​ທ່ຽວ​ຊາວ​ອັງກິດ 5 ຄົນ ຖືກ​ຈັບ​ຢູ່​ໃນ​ມາ​ຣົກ ຊຶ່ງ​ການ​ຈັບ​ກຸມ​ນັ້ນ​ມີ​ຂຶ້ນ​ລະຫວ່າງ​ມີ​ການ​ດຳເນີນ​ບັ້ນ​ຕໍ່ຕ້ານ​ກັບ​ເງິນ​ປອມ.

     MAP ລາຍ​ງານ​ອ້າງ​ຕາມ​ແຈ້ງ​ການ​ສະບັບ​ໜຶ່ງ ໃຫ້​ຮູ້​ວ່າ ບັນດາ​ເປົ້າ​ໝາຍ​ທີ່​ຖືກ​ຈັບ​ດັ່ງກ່າວ ຖືກ​ກ່າວ​ຫາ​ວ່າ​ພົວພັນ​ກັບ​ການເຄື່ອນໄຫວ​ຄ້າ​ເງິນ​ປອມ ຄ້າ​ສິນຄ້າ​ປອມ ແລະ​ຈັດ​ຕັ້ງ​ການ​ໂຈມ​ຕີ. ໃນ​ເວລາ​ທີ່​ຖືກ​ຈັບ​ໄດ້​ນັ້ນ ຢູ່​ໃນ​ກະເປົາ​ເຄື່ອງ​ເດີນທາງ​ຂອງ​ບັນດາ​ເປົ້າ​ໝາຍ​ດັ່ງກ່າວ ມີ​ເງິນ​ສະກຸນ​ພາຍ​ໃນ​ຂອງ​ມາ​ຣົກ ໃນ​ປະລິມານ​ຫຼາຍ ຊຶ່ງ​ອາດ​ຈະ​ໄດ້​ມາ​ຈາກ​ການ​ຂາຍ​ເງິນຕາ​ຕ່າງປະເທດ​ປອມ.

     ກ່ອນ​ໜ້າ​ນັ້ນ ແມ່ຍິງ​ຊາວ​ມາ​ຣົກ 2 ຄົນ ກໍ​ຖື​ຈັບ​ກຸມ ພ້ອມ​ດ້ວຍ​ເງິນ​ເອີ​ໂຣ​ປອມ ໃບ​ລະ 20 ເອີ​ໂຣ ຈຳນວນ 32 ໃບ ທີ່​ມ້ຽນ​ໄວ້​ຢູ່​ໃນ​ກະເປົາ​ເຄື່ອງ​ເດີນທາງ ໃນ​ຂະນະ​ທີ່​ຕຳຫຼວດ​ດຳເນີນ​ບັ້ນ​ກວດ​ລ້າງ ຢູ່​ໃນ​ແຂວງ ແອ​​ລ ຮາ​ອູ​​ສ ຂອງ​ມາ​ຣົກ.

ຂ່າວທີ່ກ່ຽວຂ້ອງ