CICA ຄັດຄ້ານ​ການ​ແຊກ​ແຊງ​ເຂົ້າ​ວຽກ​ງານ​ພາຍ​ໃນ​ຂອງ​ປະເທດ​ຕ່າງໆ

171 19 ມິ.ຖ. 2019 ຂ່າວຕ່າງປະເທດ
CICA ຄັດຄ້ານ​ການ​ແຊກ​ແຊງ​ເຂົ້າ​ວຽກ​ງານ​ພາຍ​ໃນ​ຂອງ​ປະເທດ​ຕ່າງໆ

    ກອງ​ປະຊຸມ​ສຸດ​ຍອດ​ຄັ້ງ​ທີ 5 ກ່ຽວ​ກັບ​ມາດ​ຕະການ​ປະສານ​ງານ ແລະ​ ສ້າງ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ຂອງ​ອາຊີ (CICA) ຊຶ່ງ​ຈັດ​ຂຶ້ນ​ທີ່​ນະຄອນຫຼວງ ດູ​ຊັນ​ແບ ຂອງ​ຕາ​ຈິ​ກິດ​ສະຖານ ໄດ້​ອັດ​ລົງ​ເມື່ອ​ວັນ​ທີ 15 ມິຖຸນາ​ນີ້ ໂດຍ​ໄດ້​ອອກ​ຖະແຫຼງການ​ຮ່ວມ ເນັ້ນ​ໜັກ​ເຖິງ​ການ​ຄັດຄ້ານ​ຕໍ່​ການ​ແຊກ​ແຊງ​ເຂົ້າ​ວຽກ​ງານ​ພາຍ​ໃນ​ຂອງ​ປະເທດ​ຕ່າງໆ.

     ຖະແຫຼງການ​ດັ່ງກ່າວ ກໍ​ໃຫ້​ຮູ້​ວ່າ ການ​ຮ່ວມ​ມື​ຢູ່​ໃນ CICA ຈະ​ອີງໃສ່​ຄວາມ​ສະເໝີພາບ ເຄົາລົບ​ອະທິປະ​ໄຕ ຜືນ​ແຜ່ນດິນ​ອັນ​ຄົບ​ຖ້ວນ ເອກະລາດ​ທາງ​ດ້ານ​ການເມືອງ ບໍ່​ແຊກ​ແຊງ ຢູ່​ຮ່ວມ​ກັນ​ຢ່າງ​ສັນຕິ ຕ່າງ​ຝ່າຍ​ຕ່າງ​ມີ​ຜົນ​ປະໂຫຍດ ຍົກເລີກ​ການ​ຄຸກ​ຄາມ ຫຼື​ນຳ​ໃຊ້​ກຳລັງ​ແຮງ​ຕ້ານ​ກັບ​ຄວາມ​ເປັນ​ຜືນ​ແຜ່ນດິນ​ອັນ​ຄົບ​ຖ້ວນ ຫຼື​ເອກະລາດ​ທາງ​ດ້ານ​ການເມືອງ ຂອງ​ປະເທດ​ໃດໆ​ກໍ​ຕາມ ພາຍ​ໃຕ້​ເປົ້າ​ໝາຍ​ໃດໆ​ກໍ​ຕາມ ທີ່​ບໍ່​ແທດເໝາະ​ກັບ​ບັນດາ​ຫຼັກການ ຫຼື​ເປົ້າ​ໝາຍ​ຂອງ​ກົດ​ບັດ​ສະຫະ​ປະຊາ​ຊາດ.

ຂ່າວທີ່ກ່ຽວຂ້ອງ