ເບີ່ງບ້ານເຂົາເອົາບົດຮຽນ 19-06-2019

859 19 ມິ.ຖ. 2019 ຫົວຂໍ້ຂ່າວອື່ນໆ

 

     ຄໍ​ລຳ​ປະຈຳ​ວັນ​ນີ້ ມີ​ຂ່າວ​ກ່ຽວ​ກັບ​ທາງ​ການ​ຣັດ​ເຊຍ ວາງ​ເປົ້າ​ໝາຍ​ປັບປຸງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂຶ້ນ ເລື່ອງ​ຈຸດ​ຢືນ​ຂອງ​ຊາວ ສ ເກົາຫຼີ ຕໍ່​ໂທດ​ປະຫານ​ຊີວິດ ແລະ ປິດ​ທ້າຍ​ກັບ​ຂ່າວ​ສົງຄາມ​ຕ້ານ​ຖົງ​ຢາງ​ທີ່​ອິນ​ໂດ​ເນຍ​ເຊຍ.

    ທີ່​ຣັດ​ເຊຍ: ອິງ​ຕາມ​ຖະແຫຼງການ​ປະຈຳ​ປີ ທີ່​ທ່ານ ວະ​ລາ​ດີ​ເມຍ ປູ​ຕິນ ປະທານາທິບໍດີ ສະຫະພັນ​ຣັດ​ເຊຍ ທີ່​ໄດ້​ເປີດເຜີຍ ໃນ​ວັນ​ທີ 20 ກຸມພາ ປີ​ນີ້​ພວກ​ເຮົາ​ເຫັນ​ໄດ້​ວ່າ ຣັດ​ເຊຍ ໄດ້​ເອົາໃຈໃສ່​ຢ່າງ​ຈົດຈໍ່​ຕໍ່​ສະພາບ​ຊີວິດ​ການ​ເປັນ​ຢູ່​ຂອງ​ປະຊາຊົນ​ຣັດ​ເຊຍ ເຊິ່ງ​ໄດ້​ຮັບ​ການ​ປັບປຸງ​ໃຫ້​ດີ​ຂຶ້ນ​ໃນ​ປີ 2019 ສ່ວນ​ໃນ​ຊຸມ​ປີ​ຕໍ່ໜ້າ​ນັ້ນ ຣັດ​ເຊຍ ຈະ​ສຸມ​ໃສ່​ແກ້​ໄຂ​ຊີວິດ​ການ​ເປັນ​ຢູ່​ພາຍ​ໃນ​ຄອບຄົວ ໃຫ້​ມີ​ການ​ປ່ຽນແປງ​ທີ່​ດີ​ຂຶ້ນ​ເຊັ່ນ: ທ່ານ​ປະທານາທິບໍດີ ໄດ້​ສະເໜີ​ໃຫ້​ຫຼຸດ​ພາສີ​ອະ​ສັງ​ຫາ​ລິ​ມາ​ຊັບ ສຳລັບ​ຄອບຄົວ​ທີ່​ມີ​ລູກ​ດົກ ສ່ວນ​ຄອບຄົວ​ທີ່​ມີ​ລູກ​ແຕ່ 3 ຄົນ​ຂຶ້ນ​ໄປ​ນັ້ນ ຈະ​ໄດ້​ຮັບ​ການ​ຊ່ວຍ​ເພີ່ມ​ຕື່ມ​ທາງ​ດ້ານ​ການ​ເງິນ​ຈາກ​ງົບປະມານ​ສ່ວນ​ສູນ​ກາງຂອງ​ລັດຖະບານ ແລະ ທະນາຄານ​ກາງ​ຣັດ​ເຊຍ ຈະ​ມີ​ໂຄງການ​ຊ່ວຍເຫຼືອ​ສ້າງ​ເຮືອນ​ຢູ່​ຂອງ​ສ່ວນ​ບຸກຄົນ ບັນດາ​ຄອບຄົວ ບໍ່​ພຽງ​ແຕ່​ຈະ​ມີ​ໂອກາດ​ຊື້​ເຮືອນ​ຢູ່​ທີ່​ປຸກ​ສຳເລັດ​ເປັນ​ຫຼັງ​ແລ້ວແຕ່​ຍັງ​ຈະ​ສາມາດ​ປຸກເຮືອນ​ຢູ່​ໃນ​ພື້ນ​ທີ່​ດິນ​ຂອງ​ຕົນ​ເອງ​ອີກ​ດ້ວຍ ພາຍ​ໃນ​ປີ 2019 ນີ້ ຣັດ​ເຊຍ ມີ​ແຜນ​ປຸກ​ສ້າງ​ທີ່ຢູ່​ໃນ​ເຮືອນ​ລ້ຽງ​ເດັກ​ໃຫ້​ໄດ້​ຕື່ມ 90.000 ຫົວໜ່ວຍ ທ່ານ​ປະທານາທິບໍດີ ປູ​ຕິນ ໄດ້​ສະເໜີ​ຫຼຸດ​ພາສີ ໃຫ້​ແກ່​ບັນດາ​ບໍລິສັດ​ທີ່​ເຮັດ​ໜ້າທີ່​ພັດທະນາ​ກິດຈະການ​ທາງ​ສັງຄົມ ເມື່ອ​ຮອດ​ທ້າຍ​ປີ 2020 ປະຊາຊົນ​ຣັດ​ເຊຍ ໃນ​ທຸກໆ​ເຂດ​ຂອງ​ປະເທດ​ຈະ​ມີ​ໂອກາດ​ເຂົ້າ​ເຖີງ​ການ​ບໍລິການ​ດ້ານ​ສາທາລະນະ​ສຸກ ແລະ ພາຍ​ໃນ 3 ປີ​ຕໍ່ໜ້າ​ຂະ    ແໜງ​ສາທາລະນະ​ສຸກ​ຈະ​ຫັນ​ເປັນ​ທັນ​ສະໄໝ​ດ້ວຍ​ລະບົບ​ດີ​ຈີ​ຕອນ.

     ທີ່ ສ ເກົາຫຼີ : ຫວ່າງ​ບໍ່​ດົນ​ມາ​ນີ້​ຢູ່ ສ ເກົາຫຼີ ຄະນະ​ກຳມະການ​ສິດທິ​ມະນຸດ​ແຫ່ງ​ຊາດ ໄດ້​ຢັ້ງຢືນ​ຕົວ​ເລກ​ຈຳນວນ ຄົນ ສ ເກົາຫຼີ​ທີ່​ຄັດຄ້ານ​ໂທດ​ປະຫານ​ພາຍ​ໃນ​ປະເທດ ໂດຍ​ໄດ້​ຊີ້​ອອກ​ວ່າ 7 ໃນ​ແຕ່​ລະ 10 ຄົນ​ໃດ ໄດ້ ຄັດຄ້ານ​ການ​ປະຕິບັດ​ໂທດ​ປະຫານ​ຊີວິດ​ຄົນ​ເກົາຫຼີ ຈຳນວນ 4,4% ຕ້ອງການ​ໃຫ້​ຍົກເລີກ​ໂທດ​ປະຫານ​ຊີວິດ​ໂດຍ​ໄວ ສ່ວນ​ອີກ 15,9% ນັ້ນ​ເຫັນ​ວ່າ​ຄວນ​ຍົກເລີກ​ໃນ​ເວລາ​ໃດ​ເວລາ​ໜຶ່ງ​ທີ່​ເໝາະ​ສົມ​ໃນ​ອະນາຄົດ ຕໍ່​ຄຳ​ຖາມ​ທີ່​ວ່າ ຄວນ​ປ່ຽນ​ແທນ​ໂທດ​ປະຫານ​ຊີວິດ​ດ້ວຍ​ການ​ລົງໂທດ​ແບບ​ໃດ​ນັ້ນ 78,9% ຂອງ​ຜູ້​ຕອບ​ຄຳ​ຖາມ ບອກ​ວ່າ​ຄວນ​ປ່ຽນ​ແທນ​ດ້ວຍ​ການ​ລົງໂທດ​ຕັດ​ອິດສະຫຼະພາບ ຕະຫຼອດ​ຊີວິດ​ແບບ​ສົມບູນ(ບໍ່​ມີ​ການ​ຜ່ອນ​ໂທດ ຫຼື ປ້ອຍ​ຕົວ​ສິນ​ກຳນົດ) ໃນ​ປັດຈຸບັນ​ໂທດ​ຄະດີ​ຄາຕະກຳ​ຢູ່ ສ ເກົາຫຼີ ແມ່ນ​ຕັດ​ອິດສະຫຼະພາບ​ຕະຫຼອດ​ຊີວິດ ການ​ຍົກເລີກ​ໂທດ​ປະຫານ​ຊີວິດ​ໄດ້​ກາຍເປັນ​ຫົວຂໍ້​ທີ່​ມີ​ການ​ຖົກ​ຖຽງ​ກັນ​ຢ່າງ​ດຸເດືອດ​ຢູ່ ສ ເກົາຫຼີ ໃນ​ຊຸມ​ປີຜ່ານມາ ການ​ປະຫານ​ຊີວິດ​ນັກໂທດ​ຄັ້ງ​ຫຼ້າ​ສຸດ​ຢູ່​ໃນ​ປະເທດ​ນີ້​ມີ​ຂຶ້ນ​ໃນ​ປີ 1997 ນັກໂທດ​ປະຫານ ຢູ່ ສ ເກົາຫຼີ ໃນ​ປັດຈຸບັນ​ມີ​ຈຳນວນ​ທັງ​ໝົດ 61 ຄົນ.

    ທີ່​ອິນ​ໂດ​ເນ​ເຊຍ: ຫວ່າງ​ບໍ​ດົນ​ມາ​ນີ້​ທາງ​ການ​ຂອງ​ບາ​ຫຼີ ເມືອງ​ທ່ອງ​ທ່ຽວ​ຍອດ​ນິຍົມ​ຂອງ​ອິນ​ໂດ​ເນຍ​ເຊຍ ໄດ້​ປະກາດ​ຜະເດັດ​ເສິກ​ກັບ​ຖົງ​ປລາສະຕິກ​ຊະນິດ​ໃຊ້​ເທື່ອ​ດຽວ​ຖິ້ມ ແອບ​ຫຼື​ກັບ​ໃສ່​ອາຫານ​ທີ່​ຜະລິດ​ຈາກ​ໂຟມ​ທຸກ​ປະເພດ​ໂດຍ​ວາງ​ເປົ້າ​ໝາຍ​ຫຼຸດ​ປະລິມານ​ຂີ້​ເຫຍື້ອຍ​ຖົງ​ຢາງ​ໃນ​ທ້ອງ​ທະເລ ໃຫ້​ໄດ້ 70% ມາດ​ຕະການ​ຫ້າມ​ນີ້​ເລັ່ງ​ເປົ້າ​ໃສ່​ກຸ່ມ​ຜະລິດ ກຸ່ມ​ຈຳໜ່າຍ-ສະໜອງ​ຜະລິດ​ຕະ​ພັນ​ປລາສະຕິກ ແລະ ຜູ້​ມີ​ສ່ວນ​ຮ່ວມ​ທຸກ​ຄົນ​ໃນ​ຂະແໜງ​ທຸລະ​ກິດ ຂ່າວ​ບອກ​ວ່າ​ຂະແໜງ​ທຸລະ​ກິດ​ໃດ​ລະເມີດ​ມາດ​ຕະການ​ຫ້າມ​ນີ້​ຖືກ​ຢືດ​ໃບ​ອະນຸຍາດ​ປະກອບ​ການ ຫຼື ຈະ​ບໍ່​ໄດ້​ຕໍ່​ອາຍຸ​ໃບ​ອະນຸຍາດ​ໃຫ້.

ຂ່າວທີ່ກ່ຽວຂ້ອງ