ປັນຈັກສີລັດລາວ ຕັ້ງເປົ້າຄວ້າຫຼຽນ ໃນກີລານັກຮຽນອາຊຽນ

946 14 ມິ.ຖ. 2019 ວົງຈອນກີລາ

    ທ່ານ​ຮ້ອຍ​ໂທ ທິບ​ພົງ​ພັດ ມະ­ນີ​ວົງ ເລ­ຂາ­ທິ­ການ​ສະ­ຫະ​ກີ­ລາ​ປັນ​ຈັກ​ສີ​ລັດ​ແຫ່ງ​ຊາດ​ລາວ ໃຫ້​ສຳ­ພາດ​ວັນ​ທີ 12 ມິ­ຖຸ­ນາ 2019 ວ່າ: ທັບ​ນັກ­ກີ­ລາ​ປັນ​ຈັກ​ສີ​ລັດ​ນັກ­ຮຽນ​ລາວ ຊຸດ​ກຽມ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ນັກ­ຮຽນ​ອາ​ຊຽນ ຄັ້ງ​ທີ XI ຢູ່​ປະ­ເທດ​ອິນ​ໂດ​ເນ​ເຊຍ ວັນ​ທີ 19-23 ກໍ­ລະ­ກົດ 2019 ໄດ້​ເລີ່ມ​ເຝິກ­ຊ້ອມ​ຢ່າງ​ໜັກ​ແຕ່​ວັນ​ທີ 1 ມິ­ຖຸ­ນາ 2019 ເປັນ­ຕົ້ນ​ມາ ໂດຍ​ມີ​ປະ­ເພດ​ຕໍ່­ສູ້ ແລະ ປະ­ເພດ​ຟ້ອນ ເພື່ອ​ກຽມ­ພ້ອມ​ຮັບ​ມື​ກັບ​ຄູ່​ຕໍ່­ສູ້ 10 ປະ­ເທດ​ອາ​ຊຽນ ເພື່ອ​ຍາດ​ເອົາ​ຫຼຽນ​ໃດ​ຫຼຽນ​ໜຶ່ງ​ມາ​ໃຫ້​ປະ­ເທດ.

    ນັກ­ກີ­ລາ​ປັນ​ຈັກ​ສີ​ລັດ​ນັກ­ຮຽນ​ລາວ ທີ່​ຈະ​ສົ່ງ​ເຂົ້າ​ຮ່ວມ​ແຂ່ງ­ຂັນ​ຄັ້ງ​ນີ້ ມີ 10 ຄົນ ຍິງ 6 ຄົນ ປະ­ເພດ​ຕໍ່­ສູ້​ປ້ອງ​ກັນ​ຕົວ 8 ຄົນ ຍິງ 4 ຄົນ ປະ­ເພດ​ຟ້ອນ​ດ່ຽວ​ຍິງ-ຊາຍ 2 ຄົນ ເຊິ່ງ​ຈະ​ເຝິກ­ຊ້ອມ​ຢູ່​ສູນ​ເຝິກ​ຮ່ອງ​ສຸ­ພາບ ແລະ ສູນ​ເຝິກ​ກີ­ລາ​ແຫ່ງ​ຊາດ (ສີ​ເກີດ) ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ລັດ­ຖະ­ບານ ແລະ ພາກ­ສ່ວນ​ຕ່າງໆ ໂດຍ​ສະ­ເພາະ​ສະ­ຖານ­ທູດ​ອິນ​ໂດ​ເນ​ເຊຍ ປະ­ຈຳ ສປປ ລາວ ບໍ­ລິ­ສັດ ປາ​ລາ​ມີ ຈຳ­ກັດ.

    ສຳ­ລັບ​ຊີ­ເກມ ຄັ້ງ​ທີ XXVIII ຢູ່​ປະ­ເທດ​ສິງ­ກະ­ໂປ ນັກ­ກີ­ລາ​ປັນ​ຈັກ​ສີ​ລັດ​ທີມ​ຊາດ​ລາວ ຍາດ​ໄດ້ 1 ຫຼຽນ​ເງິນ ຈາກ​ປະ­ເພດ​ຕໍ່​ສຸ້​ປ້ອງ​ກັນ​ຕົວ 1 ຫຼຽນ​ທອງ ຈາກ​ປະ­ເພດ​ຟ້ອນ ສຳ­ລັບ​ການ​ແຂ່ງ­ຂັນ​ກີ­ລາ​ນັກ­ຮຽນ​ອາ​ຊຽນ ຄັ້ງ​ທີ XI ພວກ​ເຮົາ​ຕັ້ງ​ຄວາມ​ຫວັງ​ວ່າ​ຈະ​ຍາດ​ເອົາ​ຫຼຽນ​ໃດ​ຫຼຽນ​ໜຶ່ງ.

ຂ່າວທີ່ກ່ຽວຂ້ອງ