ຂ່າວຫຼ້າສຸດ

ທະ​ນາ​ຄານ​ກາງ​ຈີນ ​ແລະ​ໄທ ​ເຊັນ​ສັນ​ຍາ​ຮ່ວມ​ມື​​​ດ້ານ​ວິ​ທະ​ຍາ​ສາດ​ເຕັກ​ນິກ​ການ​ເງິນ

653 13 ມິ.ຖ. 2019 ຂ່າວຕ່າງປະເທດ

    ທະນາຄານ​ກາງ​ຈີນ ເປີດເຜີຍ​ໃນ​ວັນ​ທີ 10 ມິຖຸນາ​ນີ້​ວ່າ ທະນາຄານ​ກາງ​ຈີນ ແລະ ​ທະນາຄານ​ແຫ່ງ​ປະເທດ​ໄທ ໄດ້​ເຊັນ​ສັນຍາ​ຮ່ວມ​ມື​ດ້ານ​ວິທະຍາສາດ​ເຕັກນິກ​ການ​ເງິນ ໃນ​ວັນ​ທີ 9 ມິຖຸນາ​ນີ້.

    ຜູ້​ວ່າການ​ທະນາຄານ​ກາງຂອງ​ສອງ​ປະເທດ ໄດ້​ເຊັນ​ສັນຍາ​ດັ່ງກ່າວ​ຢູ່​ເມືອງ​ຟູ​ຄຸ​ໂອ​ຄະ ປະເທດ​ຍີ່ປຸ່ນ. ເປົ້າ​ໝາຍ​ຂອງ​ສັນຍາ​ດັ່ງກ່າວ ແມ່ນ​ເພື່ອ​ເພີ່ມ​ທະວີ​ການ​ປະດິດ​ສ້າງ​ໃໝ່ ແລະ ການ​ຄົ້ນຄວ້າ​ຮ່ວມ​ໃນ​ການ​ແລກປ່ຽນ​ຂໍ້​ມູນ​ຂ່າວສານ ແລະ ການ​ຮ່ວມ​ມື​ໃນ​ການ​ຕິດຕາມ​ຄວບ​ຄຸມ​ໃນ​ຂົງເຂດ​ວິທະຍາສາດ​ເຕັກນິກ​ການ​ເງິນ. ທະນາຄານ​ກາງ​ທັງ​ສອງ​ປະເທດ​ກ່າວ​ວ່າ ຍິນ​ດີ​ຮ່ວມ​ກັນ​ສ້າງ​ສະພາບ​ແວດ​ລ້ອມ​ຊີວະ​ພາບ​ທີ່​ມີ​ຜົນ​ດີ ຕໍ່​ການ​ພັດທະນາ​ວິທະຍາສາດ​ເຕັກນິກ​ການ​ເງິນ ເພື່ອ​ສະໜັບສະໜູນ​ການ​ປະດິດ​ສ້າງ​ໃໝ່ ແລະ​ຄວາມ​ກ້າວໜ້າ​ທາງ​ວິທະຍາສາດ​ເຕັກນິກ ທັງ​ພະຍາຍາມ​ເຮັດ​ໃຫ້​ຕົ້ນ​ທຶນ​ຫຼຸດ​ລົງ ແລະ​ ຍົກ​ສູງ​ປະສິດທິພາບ​ຂອງ​ຜະລິດ​ຕະ​ພັນ ແລະ ​ການ​ບໍລິການ​ດ້ານ​ການ​ເງິນ.

ຂ່າວທີ່ກ່ຽວຂ້ອງ