ເຈົ້າ​ຊີ​ວິດ​ໄທ ​ຊົງ​ແຕ່ງ​ຕັ້ງ​ທ່ານ​ປ​ຣະ​ຍຸດ ຈັນ​ໂອ​ຊາ​ ​ດຳ​ລົງ​ຕຳ​ແໜ່ງ​​ນາ​ຍົກ​ລັດ​ຖະ​ມົນ​ຕີ​​ຢ່າງ​ເປັນ​ທາງ​ການ

619 13 ມິ.ຖ. 2019 ຂ່າວຕ່າງປະເທດ
ເຈົ້າ​ຊີ​ວິດ​ໄທ ​ຊົງ​ແຕ່ງ​ຕັ້ງ​ທ່ານ​ປ​ຣະ​ຍຸດ ຈັນ​ໂອ​ຊາ​ ​ດຳ​ລົງ​ຕຳ​ແໜ່ງ​​ນາ​ຍົກ​ລັດ​ຖະ​ມົນ​ຕີ​​ຢ່າງ​ເປັນ​ທາງ​ການ

    ເຈົ້າ​ຊີວິດ​ແຫ່ງ​ລາຊາ​ອານາຈັກ​ໄທ ໄດ້​ຊົງ​ປະກາດ​ພະ​ລາຊະໂອງການ​ໃນ​ວັນ​ທີ 11 ມິຖຸນາ​ນີ້ ໂດຍ​ແຕ່ງຕັ້ງ​ທ່ານ​ປຣະ​ຍຸດ​ຈັນ​ໂອຊາ ໃຫ້​ດຳລົງ​ຕຳແໜ່ງ​ເປັນ​ນາຍົກລັດຖະມົນຕີ​ຊຸດ​ໃໝ່​ຂອງ​ໄທ ຢ່າງ​ເປັນ​ທາງ​ການ.

   ຕອນ​ບ່າຍ​ມື້​ດຽວ​ກັນ ທ່ານ​ປຣະ​ຍຸດ ຈັນ​ໂອຊາ ໄດ້​ຮັບ​ພະ​ລາຊະໂອງການ​ຢູ່​ສຳນັກງານ​ນາຍົກລັດຖະມົນຕີ ແລ້ວ​ກາຍເປັນ​ນາຍົກລັດຖະມົນຕີ​ໄທ ຢ່າງ​ເປັນ​ທາງ​ການ.

   ທ່ານ​ປຣະ​ຍຸດ ຈັນ​ໂອຊາ ໄດ້​ກ່າວ​ປາ​ໄສ​ຫຼັງ​ພິທີ​ແຕ່ງຕັ້ງ ໂດຍ​ຢືນຢັນ​ວ່າ​ຕົນ​ຈະ​ຖື​ຜົນ​ປະໂຫຍດ​ຂອງ​ຊາດ ແລະ​ປະຊາຊົນ​ເປັນ​ສຳຄັນ ປະຕິບັດ​ຕາມ​ໜ້າທີ່​ຕຳແໜ່ງ​ດ້ວຍ​ຄວາມ​ຈົງ​ຮັກ​ພັກດີ ປອດ​ໃສ​ຂາວ​ສະອາດ ແລະ​ມີ​ຄວາມ​ຮັບຜິດຊອບ​ສູງ ພ້ອມ​ທັງ​ຫວັງ​ວ່າ​ປະຊາຊົນ​ໄທ​ທົ່ວ​ທັງ​ຊາດ ຈະ​ຮ່ວມ​ແຮງ​ຮ່ວມ​ໃຈ​ກັນ ສ້າງສາ​ປະເທດ​ຊາດ​ໃຫ້​ມີ​ສັນຕິພາບ ສະຖຽນ​ລະ​ພາບ ຈະເລີນ​ຮຸ່ງເຮືອງ ແລະ ເຂັ້ມແຂງ​ຮັ່ງມີ.

 

ຂ່າວທີ່ກ່ຽວຂ້ອງ