ຂ່າວຫຼ້າສຸດ

ມີ​ຜູ້​ເສຍ​ຊີວິດ​ເກືອບ 100 ຄົນ ຈາກ​ການ​ໂຈມ​ຕີ​ລາຍ​ໜຶ່ງ​ຢູ່​ໃນ​ປະເທດ​ມາລີ

210 12 ມິ.ຖ. 2019 ຂ່າວຕ່າງປະເທດ
ມີ​ຜູ້​ເສຍ​ຊີວິດ​ເກືອບ 100 ຄົນ ຈາກ​ການ​ໂຈມ​ຕີ​ລາຍ​ໜຶ່ງ​ຢູ່​ໃນ​ປະເທດ​ມາລີ

   ເຈົ້າ​ໜ້າທີ່​ໃນ​ປະເທດ ມາລີ ແຈ້ງ​ໃຫ້​ຮູ້ເມື່ອ​ວັນ​ທີ 10 ມິຖຸນາ​ນີ້​ວ່າ ມີ​ຜູ້​ເສຍ​ຊີວິດ​ປະມານ​ເກືອບ 100 ຄົນ ຈາກ​ເຫດການ​ໂຈມ​ຕີ​ລາຍ​ໜຶ່ງ ຊຶ່ງ​ເກີດ​ຂຶ້ນ​ໃນ​ເວລາ​ຄ່ຳ​ຄືນ ໂດຍ​ແນໃສ່​ບ້ານ​ແຫ່ງ​ໜຶ່ງ ຂອງ​ຊຸມ​ຊົນ​ຊາວ ໂດ​ກອນ.

ເຈົ້າ​ໜ້າທີ່​ໃນ​ທ້ອງຖິ່ນ ກ່າວ​ຕໍ່​ຜູ້​ສື່​ຂ່າວ​ວ່າ ພວກ​ມື​ປືນ​ໄດ້​ໂຈມ​ຕີ​ບ້ານ ໂຊ​ບັນ-ກູ ຊຶ່ງ​ຕັ້ງ​ຢູ່​ໃນ ເຂດ​ພາກ​ກາງ​ປະເທດ​ມາລີ ໂດຍ​ມີ​ສາມັນ​ຊົນ​ເສຍ​ຊີວິດ 95 ຄົນ ແລະ ​ເຈົ້າ​ໜ້າທີ່​ຍັງ​ສືບຕໍ່ ຊອກ​ຄົ້ນ​ຫາ​ຄົນ​ອື່ນໆ​ທີ່​ຍັງ​ເຫຼືອ.

    ນັບ​ແຕ່​ເດືອນ​ມັງກອນ​ປີ​ນີ້​ເປັນຕົ້ນ​ມາ ການ​ປະ​ທະ​ກັນ​ລະຫວ່າງ​ຊຸມ​ຊົນ​ຊາວ ໂດ​ກອນ ກັບ​ຊາວ ຟູ​ລາ​ນີ ຢູ່​ໃນ​ປະເທດ​ມາລີ ໄດ້​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ​ຫຼາຍ​ຮ້ອຍ​ຄົນ. ສອງ​ຊຸມ​ຊົນ​ດັ່ງກ່າວ ມີ​ຄວາມ​ກຽດ​ຊັງ​ກັນ​ມາ​ດົນ​ແລ້ວ ແລະ ​ໄດ້​ໂຈມ​ຕີ​ຊຶ່ງ​ກັນ​ ແລະ ​ກັນ​ຢູ່​ເລື້ອຍໆ.

ຂ່າວທີ່ກ່ຽວຂ້ອງ