ຂ່າວຫຼ້າສຸດ

ສິງກະໂປ - ອົດ​ສະ​ຕຣາ​ລີ ຊຸກຍູ້​ການ​ຮ່ວມ​ມື​ດ້ານ​ເສດຖະກິດ​ດີ​ຈີ​ຕອນ

348 11 ມິ.ຖ. 2019 ຂ່າວຕ່າງປະເທດ
ສິງກະໂປ - ອົດ​ສະ​ຕຣາ​ລີ ຊຸກຍູ້​ການ​ຮ່ວມ​ມື​ດ້ານ​ເສດຖະກິດ​ດີ​ຈີ​ຕອນ

   ນາຍົກລັດຖະມົນຕີ​ສິງກະໂປ ຫຼີ​ສຽນ​ຫຼົງ ແລະ ນາຍົກລັດຖະມົນຕີ​ອົດ​ສະ​ຕຣາ​ລີ ສະ​ກອດ ມໍ​ຣີ​ສັນ ທີ່ຢູ່​ລະຫວ່າງ​ການ​ຢ້ຽມຢາມ​ສິງກະໂປ ເມື່ອ​ວັນ​ທີ 7 ມິຖຸນາ​ທີ່​ຜ່ານ​ມາ ໄດ້​ເຂົ້າ​ຮ່ວມ​ກອງ​ປະຊຸມ​ຖະແຫຼງ​ຂ່າວ ຫຼັງ​ຈາກ​ທີ່​ໄດ້​ດຳເນີນ​ການ​ເຈລະຈາ ໃນ​ນັ້ນ ນາຍົກລັດຖະມົນຕີ​ທັງ​ສອງ ໄດ້​ເຫັນ​ດີ​ເປັນ​ເອກະສັນ​ກັນ ກ່ຽວ​ກັບ​ບັນດາ​ວິທີ​ການ​ແກ້​ໄຂ ເພື່ອ​ສືບຕໍ່​ເຮັດ​ໃຫ້ການ​ພົວພັນ​ຄູ່​ຮ່ວມ​ຍຸດ​ທະ​ສາດ​ຮອບດ້ານ ມີ​ຄວາມ​ເລິກເຊິ່ງ​ກວ່າ​ເກົ່າ ພ້ອມ​ທັງ​ເປີດ​ການ​ຮ່ວມ​ມື​ໃໝ່​ໃນ​ບາງ​ຂົງເຂດ ເຊັ່ນ​ເສດຖະກິດ​ດີ​ຈີ​ຕາ​​ລ ຄວາມ​ສະຫງົບ​ທາງ​ເຄືອ​ຂ່າຍ​ອິນ​ເຕີ​ເນັດ ແລະ​ຄວາມ​ປອດ​ໄພ​ທາງ​ດ້ານ​ສະບຽງ​ອາຫານ.

    ນາຍົກລັດຖະມົນຕີ ຫຼີ​ສຽນ​ຫຼົງ ກ່າວ​ເນັ້ນ​ວ່າ ເຖິງ​ວ່າການ​ຮ່ວມ​ມື​ດ້ານ​ເສດຖະກິດ​ດີ​ຈີ​ຕອນ ລະຫວ່າງ​ສິງກະໂປ ກັບ​ອົດ​ສະ​ຕຣາ​ລີ ຍັງ​ພວມ​ຢູ່​ໃນ​ໄລຍະ​ແຈ້ງ​ເກີດ​ເບື້ອງ​ຕົ້ນ​ກໍ​ຕາມ ແຕ່​ວ່າ​ສອງ​ຝ່າຍ​ກໍ​ສາມາດ​ສືບຕໍ່​ເພີ່ມ​ທະວີ​ການ​ຮ່ວມ​ມື ໃນ​ຂົງເຂດ​ຕ່າງໆ​ເຊັ່ນ ການ​ຄ້າ​ເອ​ເລັກ​ໂຕຣ​ນິກ ໃບ​ຊຳລະ​ເອ​ເລັກ​ໂຕຣ​ນິກ ກຳນົດ​ຊື່​ເອ​ເລັກ​ໂຕຣ​ນິກ ປັນຍາ​ທຽມ ແລະ ​ອື່ນໆ ເພື່ອ​ສ້າງ​ການ​ຮ່ວມ​ກຸ່ມ​ການ​ຄ້າ​ໃໝ່.

    ໃນ​ຊຸມ​ປີ​ມໍ່ໆມານີ້ ການ​ຮ່ວມ​ມື​ທາງ​ດ້ານ​ເສດຖະກິດ ການ​ຄ້າ ແລະ​ ປ້ອງ​ກັນ​ຊາດ ລະຫວ່າງ​ສິງກະໂປ ກັບ​ອົດ​ສະ​ຕຣາ​ລີ ໄດ້​ຮັບ​ການ​ເພີ່ມ​ທະວີ​ຢ່າງ​ຕໍ່​ເນື່ອງ ໃນ​ນັ້ນ ເມື່ອ​ປີ 2015 ສອງ​ຝ່າຍ​ໄດ້​ຍົກ​ລະດັບ​ການ​ພົວພັນ​ແບບ​ສອງ​ຝ່າຍ ຂຶ້ນ​ສູ່​ລະດັບ​ຄູ່​ຮ່ວມ​ຍຸດ​ທະ​ສາດ​ຮອບດ້ານ.

ຂ່າວທີ່ກ່ຽວຂ້ອງ