ອິນ​ເດຍ-ມານ​ດິບ ຊຸກຍູ້​ການ​ຮ່ວມ​ມື​ດ້ານ​ປ້ອງ​ກັນ​ຊາດ ແລະ ​ການ​ເດີນ​ທະເລ

228 11 ມິ.ຖ. 2019 ຂ່າວຕ່າງປະເທດ
ອິນ​ເດຍ-ມານ​ດິບ ຊຸກຍູ້​ການ​ຮ່ວມ​ມື​ດ້ານ​ປ້ອງ​ກັນ​ຊາດ ແລະ ​ການ​ເດີນ​ທະເລ

    ໃນ​ຂອບ​ຂອງ​ການ​ຢ້ຽມຢາມ​ຕ່າງປະເທດ ເປັນ​ເທື່ອ​ທຳ​ອິດ​ຂອງ​ຕົນ ໄປ​ຍັງ​ປະເທດ ມານ​ດິບ ຫຼັງ​ຈາກ​ສາບານ​ຕົນ​ເຂົ້າ​ຮັບ​ຕຳແໜ່ງ​ເປັນ​ສະໄໝ​ທີ​ສອງ​ນັ້ນ ນາຍົກລັດຖະມົນຕີ ອິນ​ເດຍ ນາ​ເຣນ​ດຣາ ໂມ​ດີ ໄດ້​ພົບ​ປະ​ເຈລະຈາ​ກັບ​ປະທານາທິບໍດີ​ມານ​ດິບ ອີ​ບຣາ​ຮິມ ມໍ​ຮາ​ເມັດ ໂຊ​ລີ.

    ໃນ​ການ​ພົບ​ປະ​ດັ່ງກ່າວ ຜູ້ນຳ​ທັງ​ສອງ​ໄດ້​ປຶກສາ​ຫາລື​ຢ່າງ​ກວ້າງຂວາງ ແລະ ເລິກເຊິ່ງ​ກ່ຽວ​ກັບ​ຫຼາຍ​ບັນຫາ ແລະ​ໄດ້​ລົງ​ນາມ​ຂໍ້​ຕົກລົງ​ຮ່ວມ​ມື 6 ສະບັບ ເພື່ອ​ເພີ່ມ​ທະວີ​ການ​ພົວພັນ​ແບບ​ສອງ​ຝ່າຍ ຢູ່​ໃນ​ບາງ​ຂົງເຂດ​ທີ່​ສຳຄັນ ໃນ​ນັ້ນ​ມີ​ວຽກ​ງານ​ປ້ອງ​ກັນ​ຊາດ ແລະ​ການ​ເດີນ​ທະເລ.

    ນາຍົກລັດຖະມົນຕີ ໂມ​ດີ ຢືນຢັນ​ວ່າ ອິນ​ເດຍ​ຖື​ວ່າການ​ພົວພັນ​ກັບ​ມານ​ດິບ ມີ​ຄວາມ​ສຳຄັນ​ຫຼາຍ ແລະ​ ທັງ​ສອງ​ປະເທດ​ຕ່າງ​ກໍ​ຫວັງ​ຢາກ​ສ້າງ​ການ​ພົວພັນ​ຄູ່​ຮ່ວມ​ທີ່​ແໜ້ນ​ແຟ້ນ ທ່ານ ໂມ​ດີ ກໍ​ເວົ້າ​ວ່າ ອິນ​ເດຍ ມີ​ຄວາມ​ພ້ອມ​ໃນ​ການ​ຊ່ວຍເຫຼືອ​ມານ​ດິບ ດ້ວຍ​ທຸກ​ວິທີ​ທາງ​ທີ່​ສາມາດ​ເຮັດ​ໄດ້.

ຂ່າວທີ່ກ່ຽວຂ້ອງ