ປະທານາທິບໍດີ ເຊ​ເລນ​ສະ​ກີ ຢືນຢັນ​ຄວາມ​ພ້ອມ​ໃນ​ການ​ເຈລະຈາ​ກັບ​ຣັດ​ເຊຍ

377 07 ມິ.ຖ. 2019 ຂ່າວຕ່າງປະເທດ
ປະທານາທິບໍດີ ເຊ​ເລນ​ສະ​ກີ ຢືນຢັນ​ຄວາມ​ພ້ອມ​ໃນ​ການ​ເຈລະຈາ​ກັບ​ຣັດ​ເຊຍ

   ປະທານາທິບໍດີ​ອູ​ແກຣນ ໂວ​ໂລ​ດີ​ເມຍ ເຊ​ເລນ​ສະ​ກີ ກ່າວ​ຢູ່​ໃນ​ກອງ​ປະຊຸມ​ຖະແຫຼງ​ຂ່າວ​ຮ່ວມ​ກັບ​ທ່ານ ເຈນ ສະ​ໂຕ​ເຕນ​ເບີກ ເລຂາທິການ​ໃຫຍ່ ອົງການ​ສົນທິສັນຍາ ປ້ອງ​ກັນ​ອັດ​ລັງ​ຕິກ​ເໜືອ (NATO) ຢູ່​ທີ່​ນະຄອນຫຼວງ ບຣຸກ​ແຊນ (ປະເທດ​ແບນ​ຊິກ) ເມື່ອ​ວັນ​ທີ 4 ມິຖຸນາ​ນີ້ ໂດຍ​ໄດ້​ຢືນຢັນ​ເຖິງ​ເປົ້າ​ໝາຍ​ຂອງ​ອູ​ແກຣນ ໃນ​ການ​ເຂົ້າ​ຮ່ວມ ສະຫະພາບ​ເອີ​ຣົບ (EU) ແລະ NATO ພ້ອມ​ທັງ​ໃຫ້​ຮູ້​ວ່າ​ທ່ານ​ພ້ອມ​ທີ່​ຈະ​ເຈລະຈາ​ກັບ​ຣັດ​ເຊຍ ເພື່ອ​ຢຸດຕິ​ສະພາບ​ການ​ພິພາດ​ຢູ່​ທາງ​ພາກ​ຕາເວັນ​ອອກ​ຂອງ​ອູ​ແກຣນ.

    ທ່ານ ເຊ​ເລນ​ສະ​ກີ ໃຫ້​ທັດສະນະ​ວ່າ ກຳລັງ​ແຮງ​ທາງ​ດ້ານ​ການ​ທະຫານ​ຂອງ​ຣັດ​ເຊຍ ນັບ​ວ່າ​ເປັນ “ຄວາມ​ທ້າ​ທາຍ​ອັນ​ໃຫຍ່​ໂຕ” ແຕ່​ທ່ານ​ກໍ​ຫວັງ​ທີ່​ຈະ​ຮື້​ຟື້ນ​ຂໍ້​ຕົກລົງ​ສັນຕິພາບ ທີ່​ບັນລຸ​ໄດ້​ຢູ່​ທີ່ ມິນ​​ສກ໌ (ເບ​ລາ​ຣຸ​​ສ) ກ່ຽວ​ກັບ​ການ​ແກ້​ໄຂ​ການ​ພິພາດ ຢູ່​ທາງ​ພາກ​ຕາເວັນ​ອອກ​ຂອງ​ອູ​ແກຣນ.

    ປະທານາທິບໍດີ ເຊ​ເລນ​ສະ​ກີ ກ່າວ​ເນັ້ນ​ວ່າ ອູ​ແກຣນ​ມີ​ຄວາມ​ພ້ອມ​ແລ້ວ ທີ່​ຈະ​ເຈລະຈາ​ກັບ​ຣັດ​ເຊຍ ແລະ ມີ ຄວາມ​ພ້ອມ ໃນ​ການ​ປະຕິບັດ​ຂໍ້​ຕົກລົງ ມິນ​​ສກ໌ ແຕ່​ວ່າ​ກ່ອນ​ອື່ນ​ໝົດ ອູ​ແກຣນ​ຕ້ອງ​ມີ​ຄວາມ​ສາມາດ​ໃນ​ການ​ປ້ອງ​ກັນ​ຕົນ​ເອງ.

ຂ່າວທີ່ກ່ຽວຂ້ອງ