ສປຊ ໃກ້​ຈະ​ຕົກ​ຢູ່​ໃນ​ສະພາບ​ໝົດ​ເງິນສົດ

372 07 ມິ.ຖ. 2019 ຂ່າວຕ່າງປະເທດ
ສປຊ ໃກ້​ຈະ​ຕົກ​ຢູ່​ໃນ​ສະພາບ​ໝົດ​ເງິນສົດ

    ທ່ານ ອັນໂຕ​ນີ​ໂອ ກູ​ເຕີ​ເຣ​​ສ ເລຂາທິການ​ໃຫຍ່​ສະຫະ​ປະຊາ​ຊາດ (​ສປຊ) ກ່າວ​ຢູ່​ໃນ​ກອງ​ປະຊຸມ​ຂອງ​ກຳມາ​ທິ​ການ​ທີ 5 ກ່ຽວ​ກັບ​ການ​ບໍລິຫານ ແລະ ງົບປະມານ​ຂອງ ​ສປຊ ຊຶ່ງ​ຈັດ​ຂຶ້ນ​ເມື່ອ​ວັນ​ທີ 4 ມິຖຸນາ​ນີ້ ໂດຍ​ໄດ້​ຮຽກຮ້ອງ​ໄປ​ຍັງ​ປະຊາ​ຄົມ​ສາກົນ ໃຫ້​ຊ່ວຍເຫຼືອ ແລະ ສຸມ​ໃສ່​ແກ້​ໄຂ​ສະພາບ​ທີ່​ການ​ເງິນ​ຂອງ ​ສປຊ ນັບ​ມື້​ນັບ​ຂີ້ຮ້າຍ​ລົງ​ນັ້ນ.

    ທ່ານ ກູ​ເຕີ​ເຣ​​ສ ເວົ້າ​ວ່າ ທ່າມກາງ​ທີ່​ມີ​ຄວາມ​ພະຍາຍາມ​ຈຳກັດ​ການ​ໃຊ້​ຈ່າຍ​ໃນ​ປີ​ນີ້ ແຕ່​ວ່າ ​ສປຊ ກໍ​ຍັງ​ຄົງ​ມີ​ຄວາມ​ສ່ຽງ​ທີ່​ເງິນສົດ​ຈະ​ບົກ​ແຫ້ງ​ລົງ​ພາຍ​ໃນ​ເດືອນ​ສິງຫາ​ໜ້າ​ນີ້ ແລະ​ເມື່ອ​ເປັນ​ດັ່ງນັ້ນ ຈຶ່ງ​ຕ້ອງ​ໄດ້​ຢືມ​ເງິນ​ມາ​ຈາກ​ກອງ​ທຶນ​ເຄື່ອນ​ທີ່.

    ທ່ານ ກູ​ເຕີ​ເຣ​​ສ ເຫັນ​ວ່າ ໜຶ່ງ​ໃນ​ບັນດາ​ສາເຫດ​ຕົ້ນຕໍ ນຳໄປ​ສູ່​ສະພາບ​ການ​ເງິນ​ຂອງ ​ສປຊ ຂີ້ຮ້າຍ​ລົງ​ໃນ​ຫຼາຍ​ປີ​ມໍ່ໆມານີ້ ກໍ​ແມ່ນ​ຍ້ອນ​ວ່າ​ບັນດາ​ປະເທດ​ສະມາຊິກ ໂຈະ​ການ​ຊຳລະ​ບ້ວງ​ເງິນ​ປະກອບສ່ວນ​ຢ່າງ​ຕໍ່​ເນື່ອງ ໃຫ້​ແກ່​ທັງ​ງົບປະມານ​ຕາມ​ປົກກະຕິ ແລະ ງົບປະມານ​ຮັກສາ​ສັນຕິພາບ.

ຂ່າວທີ່ກ່ຽວຂ້ອງ