ງົບປະມານ​ໃນ​ວຽກ​ງານ​ວັດທະນະທຳ​ຈີນ​ໃນ​ປີ 2018 ບັນລຸ​ຫຼາຍ​ກວ່າ 93 ຕື້​ຢວນ

597 06 ມິ.ຖ. 2019 ຂ່າວຕ່າງປະເທດ
ງົບປະມານ​ໃນ​ວຽກ​ງານ​ວັດທະນະທຳ​ຈີນ​ໃນ​ປີ 2018 ບັນລຸ​ຫຼາຍ​ກວ່າ 93 ຕື້​ຢວນ

   ບົດ​ລາຍ​ງານ​ສະຖິຕິ​ການ​ພັດທະນາ​ວັດທະນະທຳ ແລະ​ການທ່ອງທ່ຽວ​ປີ 2018 ຂອງ​ກະຊວງ​ວັດທະນະທຳ ແລະ ທ່ອງ​ທ່ຽວ​ຈີນ ທີ່​ເປີດເຜີຍ​ເມື່ອ​ບໍ່​ດົນ​ມາ​ນີ້ ສະແດງ​ໃຫ້​ເຫັນ​ວ່າ ໃນ​ປີ 2018 ງົບປະມານ​ວຽກ​ງານ​ວັດທະນະທຳ​ໃນ​ທົ່ວ​ປະເທດ​ຈີນ ໄດ້​ບັນລຸ 92,8 ຕື້​ຢວນ (ເງິນ​ຈີນ) ເພີ່ມ​ຂຶ້ນ 8,5% ເມື່ອ​ທຽບໃສ່​ປີ 2017.

    ບົດ​ລາຍ​ງານ​ດັ່ງກ່າວ ຊີ້​ໃຫ້​ເຫັນ​ວ່າ ຮອດ​ທ້າຍ​ປີ 2018 ໃນ​ທົ່ວ​ປະເທດ​ຈີນ ລວມ​ມີ​ບູຮານ​ວັດຖຸ​ທີ່​ເຄື່ອນ​ຍ້າຍ​ໄດ້ 108 ລ້ານ​ອັນ ບູຮານ​ວັດຖຸ​ເຄື່ອນ​ຍ້າຍ​ບໍ່​ໄດ້​ມີ 767000 ອັນ ໃນ​ນັ້ນ​ມີ​ຫໍ​ພິ​ພິ​ທະ​ພັນ 4918 ແຫ່ງ. ນອກຈາກ​ນີ້ ໃນ​ທົ່ວ​ປະເທດ​ຈີນ ຍັງ​ມີ​ຜູ້​ສືບ​ທອດ​ມໍລະດົກ​ວັດທະນະທຳ​ນາມ​ມະ​ທຳ ລະດັບ​ຊາດ 3068 ຄົນ ແລະ 1372 ໂຄງການ.

ຂ່າວທີ່ກ່ຽວຂ້ອງ