ຂ່າວຫຼ້າສຸດ

ເງິນ​ເຟີ້​ຢູ່​ໃນ Eurozone ຫຼຸດ​ລົງ

561 06 ມິ.ຖ. 2019 ຂ່າວຕ່າງປະເທດ
ເງິນ​ເຟີ້​ຢູ່​ໃນ Eurozone ຫຼຸດ​ລົງ

    ຕົວ​ເລກ​ຕ່າງໆ​ທີ່​ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 4 ມິຖຸນາ​ນີ້ ຊີ້​ໃຫ້​ເຫັນ​ວ່າ ເງິນ​ເຟີ້​ຢູ່​ໃນ​ເຂດ ໃຊ້​ເງິນ​ເອີ​ໂຣ (Eurozone) ໄດ້​ຫຼຸດ​ລົງຕ່ຳທີ່ສຸດ ໂດຍ​ລົງ​ສູ່​ລະດັບ 1,2% ໃນ​ເດືອນ​ພຶດສະພາ ທີ່​ຜ່ານ​ມາ ເຮັດ​ໃຫ້​ເກີດ​ຄວາມ​ກັງວົນ ກ່ຽວ​ກັບ​ຈັງຫວະ​ຄວາມ​ເຕີບ​ໂຕ ຂອງ​ເສດຖະກິດ​ທົ່ວ​ໂລກ ຈະ​ຊັກ​ຊ້າ​ລົງ.

    ກ່ອນ​ໜ້າ​ນັ້ນ ບັນດາ​ນັກ​ວິໄຈ ຊຶ່ງ​ບໍລິສັດ​ຂໍ້​ມູນ Factset ທາບ​ທາມ​ຄວາມ​ເຫັນ ໃຫ້ການ​ຄາດ​ຄະເນ​ວ່າ ລະດັບ​ເງິນ​ເຟີ້​ຢູ່​ໃນ​ເຂດ​ດັ່ງກ່າວ ຈະ​ຫຼຸດ​ລົງ​ໜ້ອຍ​ໜຶ່ງ ລົງ​ໄປ​ຍັງ​ເຫຼືອ​ທີ່ 1,4% ທຽບໃສ່​ລະດັບ 1,7% ທີ່​ໄດ້​ຢັ້ງຢືນ​ເມື່ອ​ກ່ອນ​ໜ້າ​ນັ້ນ​ໜຶ່ງ​ເດືອນ.

    ຂໍ້​ມູນ​ໃໝ່​ຫຼ້າ​ສຸດ ໄດ້​ຍູ້​ໃຫ້​ລາຄາ​ບໍລິໂພກ​ຢູ່​ໃນ​ເຂດ Eurozone ຫຼຸດ​ລົງ​ຕ່ຳ​ກວ່າ​ຄາດໝາຍ ເງິນ​ເຟີ້​ທີ່​ຕ່ຳ​ກວ່າ 2% ໂດຍ​ແມ່ນ​ທະນາຄານ​ກາງ​ເອີ​ຣົບ (ECB) ວາງ​ອອກ​ມາ. ໃນ​ຂະນະ​ດຽວ​ກັນ ອັດຕາ​ສ່ວນ​ຫວ່າງ​ງານ ຢູ່​ໃນ​ເຂດ Eurozone ກໍ​ຫຼຸດ​ລົງ​ໄປ​ທີ່​ລະດັບ 7,6% ພາຍ​ໃນ​ເດືອນ​ເມສາ​ທີ່​ຜ່ານ​ມາ ທຽບໃສ່ 7,7% ໃນ​ເດືອນ​ມີນາ​ປີ​ນີ້. ນີ້​ເປັນ​ອັດຕາ​ສ່ວນ​ຫວ່າງ​ງານ ຕ່ຳ​ສຸດ ທີ່​ຢັ້ງຢືນ​ຢູ່​ໃນ​ເຂດ Eurozone ນັບ​ແຕ່​ເດືອນ​ສິງຫາ ປີ 2008 ເປັນຕົ້ນ​ມາ.

ຂ່າວທີ່ກ່ຽວຂ້ອງ