ຂ່າວຫຼ້າສຸດ

ສ ອາ​ເມ​ຣິ​ກາ ຮັດ​ເຄັ່ງ​ການ​ປິດ​ລ້ອມ​ຕໍ່​ກູ​ບາ

492 06 ມິ.ຖ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ຮັດ​ເຄັ່ງ​ການ​ປິດ​ລ້ອມ​ຕໍ່​ກູ​ບາ

    ລັດຖະບານ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 4 ມິຖຸນາ​ນີ້ ກ່ຽວ​ກັບ​ຫຼາຍ​ມາດ​ຕະການ ໃນ​ການ​ຮັດ​ເຄັ່ງ​ການ​ປິດ​ລ້ອມ​ຕໍ່​ກູ​ບາ ໃນ​ນັ້ນ​ຕົ້ນຕໍ​ແມ່ນ​ໃນ​ຂົງເຂດ​ການທ່ອງທ່ຽວ ຊຶ່ງ​ກະຊວງ​ການ​ເງິນ​ຂອງ ສ ອາ​ເມ​ຣິ​ກາ ຫ້າມ​ບັນດາ​ຖ້ຽວ​ບິນການທ່ອງທ່ຽວ​ເປັນ​ກຸ່ມ​ໄປ​ຍັງ​ກູ​ບາ ພາຍ​ໃຕ້​ລາຍການ​ແລກປ່ຽນ​ດ້ານ​ການ​ສຶກ​ສາ. ນອກຈາກ​ນັ້ນແລ້ວ ສ ອາ​ເມ​ຣິ​ກາ ກໍ​ຫ້າມ​ບັນດາ​ບໍລິສັດ ຂອງ​ປະເທດ​ນີ້ ສົ່ງ​ອອກ​ເຮືອ ແລະ ເຮືອບິນ​ເອກະ​ຊົນ ໄປ​ຍັງ​ກູ​ບາ.

    ການ​ດຳເນີນ​ການ​ດັ່ງກ່າວ ນັບ​ວ່າ​ເປັນ​ການ​ຕັດຂາດ​ໜຶ່ງ​ໃນ​ບັນດາ​ເສັ້ນທາງ ການທ່ອງທ່ຽວ ຕົ້ນຕໍ ທີ່​ອະນຸຍາດ​ໃຫ້​ແກ່​ບັນດາ​ບໍລິສັດ​ນຳ​ທ່ຽວ​ຂອງ ສ ອາ​ເມ​ຣິ​ກາ ຈັດ​ຕັ້ງ​ໃຫ້​ພົນລະເມືອງ ຊາວ​ອາ​ເມ​ຣິ​ກັນ ເດີນທາງ​ໄປ​ຍັງ​ກູ​ບາ.

    ລັດຖະມົນຕີ​ການ​ເງິນ ສ ອາ​ເມ​ຣິ​ກາ ສະ​ເຕ​ເວນ ມະນູ​ຊິນ ເວົ້າ​ວ່າ ບັນດາ​ມາດ​ຕະການ ທີ່​ມີ​ເນື້ອ​ແທ້​ຍຸດ​ທະ​ສາດ​ດັ່ງກ່າວ ແມ່ນ​ເພື່ອ​ເປັນ​ການ​ພິກ​ປີ້ນ​ບາງ​ນະໂຍບາຍ ໃນ​ການ​ໂຍະຍານ ການ​ປິດ​ລ້ອມ​ເພື່ອ​ຕ້ານ​ກັບ​ກູ​ບາ ຊຶ່ງ​ອະດີດ​ປະທານາທິບໍດີ ສ ອາ​ເມ​ຣິ​ກາ ບາ​ຣັກ ໂອ​ບາ​ມາ ປະກາດ​ໃຊ້​ຢູ່​ໃນ​ຄວາມ​ພະຍາຍາມ ເພື່ອ​ເຮັດ​ໃຫ້ການ​ພົວພັນ​ລະຫວ່າງ​ສອງ​ປະເທດ​ເປັນ​ປົກກະຕິ.

ຂ່າວທີ່ກ່ຽວຂ້ອງ