ຂ່າວຫຼ້າສຸດ

ຍີ່ປຸ່ນ ​ວາງ​ຄາດໝາຍ​ສົ່ງ​ອອກ​ຜະລິດ​ຕະ​ພັນ​ກະສິກຳ-ສິນ​ໃນ​ນ້ຳ ມູນ​ຄ່າ 9,2 ຕື້ ໂດ​ລາ

438 06 ມິ.ຖ. 2019 ຂ່າວຕ່າງປະເທດ
ຍີ່ປຸ່ນ ​ວາງ​ຄາດໝາຍ​ສົ່ງ​ອອກ​ຜະລິດ​ຕະ​ພັນ​ກະສິກຳ-ສິນ​ໃນ​ນ້ຳ ມູນ​ຄ່າ 9,2 ຕື້ ໂດ​ລາ

    ຍີ່ປຸ່ນ ​ໄດ້​ວາງ​ຄາດໝາຍ​ການ​ສົ່ງ​ອອກ​ຜະລິດ​ຕະ​ພັນ​ກະສິກຳ ແລະ ສິນ​ໃນ​ນ້ຳ ໃຫ້​ບັນລຸ​ມູນ​ຄ່າ 1.000 ຕື້​ເຢນ (ເທົ່າ​ກັບ​ປະມານ 9,2 ຕື້ ໂດ​ລາ​ສະຫະລັດ) ພາຍ​ໃນ​ປີ​ນີ້ ໃນ​ເມື່ອ​ວ່າ ສິງກະໂປ​ອະນຸຍາດ​ໃຫ້​ນຳ​ເຂົ້າ​ສັດ​ປີກ ຜະລິດ​ຕະ​ພັນ​ສັດ​ປີກ ຊີ້ນ​ງົວ ຊີ້ນ​ໝູ ຈາກ​ຍີ່ປຸ່ນ.

    ຄາດໝາຍ​ດັ່ງກ່າວ ກັບ​ກາຍເປັນ​ເລື່ອງ​ທີ່​ສາມາດ​ປະຕິບັດ​ໄດ້​ຫຼາຍ​ຂຶ້ນ ໃນ​ເມື່ອ​ວ່າ​ກະຊວງ ກະສິກຳ ປ່າໄມ້ ແລະ ສິນ​ໃນ​ນ້ຳຂອງ​ຍີ່ປຸ່ນ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ສິງກະໂປ ໄດ້​ອະນຸຍາດ​ໃຫ້​ນຳ​ເຂົ້າ​ສັດ​ປີກ ຜະລິດ​ຕະ​ພັນ​ສັດ​ປີກ​ທີ່​ໄດ້​ຮັບ​ການ​ປຸງ​ແຕ່ງ ແລະ ບັນດາ​ສິນຄ້າ ທີ່​ພົວພັນ​ເຖິງ​ໄຂ່ ພ້ອມ​ດ້ວຍ​ອາຫານ​ທີ່​ຜະລິດ​ຈາກ​ຊີ້ນ​ງົວ ແລະ ຊີ້ນ​ໝູ ຂອງ​ຍີ່ປຸ່ນ.

    ທ່ານ ຮີ​ຊາ​ໂກະ ໂອ​ກູ​ຣະ ເຈົ້າ​ໜ້າທີ່​ຂອງ​ກະຊວງ​ກະສິກຳ ປ່າໄມ້ ແລະ ສິນ​ໃນ​ນ້ຳຂອງ​ຍີ່ປຸ່ນ ເວົ້າ​ວ່າ ສິງກະໂປ​ໄດ້​ງົດ​ການ​ນຳ​ເຂົ້າ​ສັດ​ປີກ​ຂອງ​ຍີ່ປຸ່ນ ເມື່ອ​ປີ 2010 ຍ້ອນ​ເກີດ​ການ​ລະບາດ ໄຂ້​ຫວັດ​ສັດ​ປີກ ຢູ່​ໃນ​ຍີ່ປຸ່ນ.

    ຕົວ​ເລກ​ສະຖິຕິ​ຂອງ​ຍີ່ປຸ່ນ ຊີ້​ໃຫ້​ເຫັນ​ວ່າ ການ​ສົ່ງ​ອອກ​ຜະລິດ​ຕະ​ພັນ​ກະສິກຳ ແລະ ສິນ​ໃນ​ນ້ຳຂອງ​ຍີ່ປຸ່ນ ໃນ​ປີ 2018 ໄດ້​ເພີ່ມ​ຂຶ້ນ​ທົບ​ເທົ່າ​ຕົວ​ເມື່ອ​ທຽບໃສ່​ປີ 2013 ໂດຍ​ບັນລຸ​ມູນ​ຄ່າ​ປະມານ 907 ຕື້​ເຢນ (ເທົ່າ​ກັບ​ປະມານ 8,4 ຕື້​ໂດ​ລາ​ສະຫະລັດ).

ຂ່າວທີ່ກ່ຽວຂ້ອງ