ເອກ​ອັກ​ຄະ​ລັດ​ຖະ​ທູດ​ນີ​ເຊຣີ ປະຈຳ ​ສປຊ ໄດ້​ຮັບ​ເລືອກ​ຕັ້ງ​ເປັນ​ປະທານ​ສະມັດຊາ​ໃຫຍ່ ​ສປຊ

467 06 ມິ.ຖ. 2019 ຂ່າວຕ່າງປະເທດ
ເອກ​ອັກ​ຄະ​ລັດ​ຖະ​ທູດ​ນີ​ເຊຣີ ປະຈຳ ​ສປຊ ໄດ້​ຮັບ​ເລືອກ​ຕັ້ງ​ເປັນ​ປະທານ​ສະມັດຊາ​ໃຫຍ່ ​ສປຊ

   ທ່ານ ຕິ​ຈາ​ນີ ມູ​ຮາມ​ມັດ ບັນ ເອກ​ອັກ​ຄະ​ລັດ​ຖະ​ທູດ​ນີ​ເຊຣີ ປະຈຳ​ສະຫະ​ປະຊາ​ຊາດ (​ສປຊ) ໄດ້​ຮັບ​ເລືອກ​ຕັ້ງ​ດ້ວຍ​ສຽງ​ສະໜັບສະໜູນ​ສູງ ເມື່ອ​ວັນ​ທີ 4 ມິຖຸນາ​ນີ້ ເພື່ອ​ເຂົ້າ​ດຳລົງ​ຕຳແໜ່ງ ປະທານ​ສະມັດຊາ​ໃຫຍ່ ​ສປຊ ໂດຍ​ທ່ານ​ຈະ​ແທນ​ທີ່​ທ່ານ​ນາງ ມາ​ເຣຍ ເຟີ​ນັນ​ດາ ເອ​​ສ​ປີ​ໂນ​ຊາ (ຊາວ ເອ​ກົວ​ດໍ).

    ທ່ານ ມູ​ຮາມ​ມັດ ບັນ ຖະແຫຼງ​ວ່າ ໃນ​ວາລະ​ການ​ດຳລົງ​ຕຳແໜ່ງ​ດັ່ງກ່າວ ທ່ານ​ຈະ​ໃຫ້ ບຸລິມະສິດ​ແກ່​ບັນດາ​ບັນຫາ​ສັນຕິພາບ ແລະ ຄວາມ​ໝັ້ນຄົງ ການ​ລຶບລ້າງ​ຄວາມທຸກ​ຍາກ ການ​ສຶກ​ສາ ທີ່​ມີ​ຄຸນ​ນະ​ພາບ ແລະ ດຳເນີນ​ການ ໃນ​ການ​ຕ້ານ​ກັບ​ການ​ປ່ຽນແປງ​ສະພາບ ດິນ​ຟ້າ​ອາກາດ.

    ໃນ​ຂະນະ​ດຽວ​ກັນ ທ່ານ ມູ​ຮາມ​ມັດ ບັນ ກໍ​ໃຫ້​ຮູ້​ວ່າ ທ່ານ​ຈະ​ສຸມ​ໃສ່​ການ​ແກ້​ໄຂ ດ້ານ​ສິດທິ​ມະນຸດ ແລະ ມອບ​ສິດ​ໃຫ້​ແກ່​ແມ່ຍິງ ແລະ ໄວ​ໜຸ່ມ ກໍ​ຄື​ໃຫ້​ບຸລິມະສິດ​ໃນ​ການ​ຊຸກຍູ້ ຄວາມ​ກ້ຳ​ເກິ່ງ​ລະຫວ່າງ​ເພດ ຢູ່​ໃນ​ລະບົບ​ສຳນັກງານ​ອົງການ​ຂອງ ​ສປຊ.

ຂ່າວທີ່ກ່ຽວຂ້ອງ